(20)
' ကြာပန်းနက် ဆောင်ကြာမြိုင် ´
လီယွမ့်မျက်လုံးတွေက တုန်လှုပ်လျက် အတွေးများစွာက ခေါင်းထဲဝင်ရောက်လာသည်။ မဟုတ်ပါစေနဲ့လို့ သူမ စိတ်ထဲက ဆုတောင်းမိသည်။
သို့သော် သိပ်မကြာခင်ပဲ သူမ ရင်ထဲမှ ဆုတောင်းသံများသည် ပျောက်ကွယ်သွားရတော့သည်။ ဝင်ပေါက်တံခါးမကြီးဟာ ပွင့်လာပြီး အထဲမှ ယောကျ်ားကြီးတစ်ယောက်ထွက်လာသည်။
" ဒီတစ်ခါက တော်တော်သန့်တာပဲ "
" သန့်ဆို အခုမှ အသက်ဆယ့်ရှစ်နှစ်တဲ့ "
" ဒါဆို အပျိုစင်လေးပေါ့ ... နောက်ကြောင်းရော ဘယ်လိုလဲ ရှုပ်ရှုပ်ယှက်ယှက် ပြသနာဖြစ်ရင် မရဘူးနော် "
" ဘာပြသနာမှမရှိဘူး ... အကုန်ရှင်းတယ် သူက နယ်စပ်ပိုင်းရွာကလာတာ မိဘတွေလဲ မရှိတော့ဘူး ... အဲ့တော့ ငါတို့က ဒီလောက် ကောင်းတာလေး ခေါ်လာပေးတာ ငွေကိုတော့ အရင်ကထက် သုံးဆလိုချင်တယ် "
" သုံးဆ ! ကောင်းပြီလေ တန်ပါတယ် "
ယောကျ်ားကြီးမှာ လီယွမ့်ကို စုန်ချည်ဆန်ချည်ကြည့်ပြီး ရယ်သည်။ ထို့နောက် အမျိုးသမီး ကြီးနှစ်ယောက်အား အထုပ်တစ်ထုပ်ကမ်းပေးသည်။
" ဒီထဲမှာ တစ်ဝက်ပါလိမ့်မယ် ... နောက်တစ်ဝက်ကို မနက်ဖြန်လာယူ "
" ဟုတ်ပြီလေ ... ရတယ်
ဒါဆို ငါတို့ပြန်တော့မယ် ကဲ ကောင်မလေး ကောင်းကောင်းမွန်မွန်နေရစ်ခဲ့ ... ငါတို့အတွက် ငွေရှာပေးလို့လဲ ကျေးဇူးပါ ဒါပေမယ့် ဖြစ်သင့်တယ်မလား ငါတို့မင်းကို တွင်းထဲက ကယ်ပေးထားတာပဲ "လီယွမ် ဘာမှမပြောနိုင်ခင်မှာပဲ အမျိုးသမီးကြီးနှစ်ယောက်က ထွက်သွားတော့သည်။
ဒီလို အခြေအနေကိုရောက်သွားပြီလားဟူသော ဝမ်းနည်းစိတ်တွေက ကြောက်စိတ်ကို လွှမ်းမိုးသွားလေသည်။ လီယွမ့် မျက်ဝန်းမှာ မျက်ရည်ကြည်များလဲ့နေသည်။ဘာကိုမျှ မပြောနိုင်၊ ဘာကိုမျှလည်း မတတ်နိုင်ပါ။
" ဟေ့ လာခဲ့စမ်း ... "
ပေကပ်ကပ်လုပ်နေတဲ့ လီယွမ့်ကို ထိုယောကျ်ားကြီးက အင်္ကျီစကိုဆွဲပြီး တရွတ်တိုက်နီးပါး ဆွဲခေါ်သွားတော့သည်။
![](https://img.wattpad.com/cover/345561750-288-k800763.jpg)
YOU ARE READING
Gentle & Cruel : Empress Li Yuan
Historical Fictionချစ်ခြင်းက ပိုးဖဲသားလို နူးညံ့တတ်သလို မိစ္ဆာတစ်ကောင်လိုလဲ ရက်စက်တတ်ပြန်တယ် Own Creation (Both Uni + ZG) Own Universe Start Date - 18 . 3 . 2024