Whirlwind Night [Completed]

Episode 14

ညဆည်းဆာရဲ့ ကောင်းကင်ပြင်တွင် ကြယ်အစုအဝေးတစ်ခုသည် ဂလက်ဆီတန်းအဖြစ်တည်ရှိနေသည်။

တမြေ့မြေ့တိုက်ခတ်လာသော လေညှင်းသွဲ့သွဲ့သည် ခရမ်းပြာရောင်ကော့စ်မို့ပန်းတို့ကို တသော့သော့ပင့်ကာ ဆောင်ယူသွေးသည်။

ပြာညို့ညို့ကောင်းကင်ပြင်ဆီမှ လမင်းကြီးကထိန်ထိန်သာနေသည်။ တောင်စဉ်တန်းအခြေမှ စမ်းချောင်းငယ်သည်လည်း လရိပ်ရောင်ဖြင့်တဖျက်ဖျက်လက်ကာ မြင့်ရာမှနိမ့်ရာသို့ တသွင်သွင်စီးဆင်းနေသည်။

တိတ်ဆိတ်အေးချမ်းတဲ့ ညရဲ့ကောင်းကင်အောက်.. ခရမ်းပြာရောင်ကော့စ်မို့ပန်းခင်းကြီးရဲ့ တဖက်စီမှ မီးဝါရောင်မှိန်မှိန်သမ်းသော ရွက်ဖျင်တဲငယ်အတွင်းမှာတော့..

နှစ်ယောက်အိပ်ကုတင်ပေါ်ရှိ ကျားသစ်ရည်စောင်သည် ကုတင်ပေါ်မှာတစ်ဝက် အောက်မှာတစ်ဝက်ဖရိုဖရဲ ပြုတ်ကျနေသည်။

နှစ်ကိုယ်ထပ်ရပ်သားနမ်းရှိုက်နေသော အမျိုးသားနှစ်ယောက်သည်လည်း အလုံးစုံသော ဖြစ်ပျက်သဘောတရားများကို မေ့လျော့လျက်ရှိသည်။

အိပ်ယာပြင်ပေါ် ပက်လက်လှဲနေရသော ဆော့ဂျင်သည် အပေါ်က ဓားပြဗိုလ်ရဲ့ခန္ဓာကိုယ်အလေးချိန်ကြောင့်ရော အောက်ကမွေ့ယာရဲ့ အပူဓာတ်ကြောင့်ရော..အဆိုးဆုံးက အသက်ရှူဖို့ပင် အချိန်မပေးဘဲ အလုအယက်နမ်းရှိုက်နေတဲ့ ဓားပြဗိုလ်ရဲ့အနမ်းတွေကြောင့် အသက်ရှူမဝသလို မွန်းကြပ်မှုကိုခံစားလာရသည်။

"ဟမ်း...ဂျောင်ကု..."

ဆော့ဂျင်စကားပြောဖို့ကြိုးစားကြည့်သည်။ သို့သော် ဓားပြဗိုလ်က နည်းနည်းမှအလွတ်မပေး။

ဘာလို့များ ဒီလောက်အညိုးကြီးကြီးနမ်းနေလည်း ဆော့ဂျင်မသိတော့ပေ။ ညနေခင်း ပန်းခင်းထဲမှာထဲက နမ်းနေတာ အခုထိနမ်းလို့မပြီးသေး။

အိပ်ယာပေါ်ရောက်သည်အထိ ဆော့ဂျင်ကိုပွေ့ချီထားရင်း အမဲဖျက်သလိုနမ်းရှိုက်နေမှုကို ကြာတော့ဆော့ဂျင်သည်းမခံနိုင်တော့။

"အွန်း ခဏလွှတ်ပါဉီး..."

ဆော့ဂျင်မျက်နှာကို တစ်ဖက်သို့အတင်းလွှဲဖယ်ပစ်လိုက်သည်။ ထိုအခါဓားပြဗိုလ်ဆီက အံကျိတ်သံလိုလို အသက်ပြင်းပြင်းရှုသံကို ကြားလိုက်ရသည်။