Three Mind One Body (Ongoing)

Part - 9 (U&Z)

Uni

*(warning 🚨🚨
အသက်မပြည့်တဲ့သူတွေ မဖတ်ပါနဲ့လို့မပြောပါဘူး ကိုယ့်စိတ်နဲ့ကိုယ်ပါပဲ....)*

နေ့ဘက်မင်္ဂလာပွဲပြီးသွားတော့ ညဘက်dinner party ရှိသေးသည်ပေ။ မောင့်ရဲ့ပြင်သစ်ကသူငယ်ချင်းတွေနှင့် မြန်မာနိုင်ငံက လုပ်ငန်းပါတနာတွေရဲ့ သားသမီးတွေကတက်ရောက်၍ ရာတို့လက်ထပ်ပွဲကိုချီးမြောက်ကြလေသည်။ လူငယ်တွေပဲလာစေတာမို့ လွတ်လွတ်လပ်လပ် သောက်စားကခုန်နေကြလေသည်။ ရာရဲ့သူငယ်ချင်းသုံးယောက်လည်းရှိနေသေးသည်။ ရာကအကင်တန်းဘက်မှာရှိနေ၍ ဟိုဟာမြည်း၊ ဒီဟာမြည်းနေလိုက်သည်။ ရာကအဖြူရောင်လည်ပိတ်ဆွယ်တာလေးကိုဝတ်ဆင်ကာ ဘောင်းဘီအနက်ကိုဝတ်ထားသည်။ မောင်ကအညိုရောင်အင်္ကျီကိုဝတ်ဆင်ထားပြီး ဂျင်းအမဲကိုဝတ်ထားသည်။

မောင်ကတော့ သူ့သူငယ်ချင်းတွေနဲ့စကားပြောနေသည်။ အပြုံးတွေဖော်ဖော်သီသီစွန့်ကြဲနေပုံထောက်ရင် သေချာပေါက်မဟာဆောင်း(Sed)ပဲဖြစ်မှာပေ။ ဆူညံပွက်လောရိုက်နေတာမို့ ရာခေါင်းတောင်မူးချင်လာသည်။ မနက်ကမင်္ဂလာပွဲမှာ ဧည့်သည်တွေကို ဧည့်ခံနေရတာ ပင်ပန်းနေတာကို dinner ပွဲကဆက်ရသေးသည်။ လူငယ်တွေပျော်ချင်တာပျော်ပါစေလို့ထားလိုက်သည်။

Brisemaပိုင်တဲ့ဟိုတယ်တစ်ခုမှာ dinnerပွဲလုပ်ပေးသလို ရာတို့သည် ဒီမှာအိပ်ဖို့ဆုံးဖြတ်ခဲ့ကြသည်။ မောင်ကရာ့သူငယ်ချင်းသုံးယောက်ကို မပြန်ပါနဲ့ ဟိုတယ်မှာပဲအိပ်သွားလိုက်ပါ။ အခန်းတွေစီစဥ်ပေးထားတယ်ပြောတော့ သူငယ်ချင်းတွေကပြန်ချင်ပေမဲ့ညနက်နေပြီမို့ ရာစိတ်ပူလို့မလွတ်တော့ပေ။

ဧည့်သည်တွေကပြန်စပြုလာပြီမို့ ရာမောင့်ထံသွားလိုက်ကာ နားတော့ဖို့သတိပေးလိုက်တော့ မောင်ကလိုက်လာခဲ့မယ်ဟုဆိုသည်။ ရီဝေဝေနဲ့ အသံလေးပင်ပုံထောက်ရင် သောက်တာများနေပြီထင်သည်။ စိုင်းခေးသက်တို့ကလည်း သူတို့အခန်းစီစဥ်ပေးတဲ့နေရာကိုပြန်သွားပြီပေ။ ရာလည်းဟိုတယ်အခန်းသော့ယူကာ အခန်းထဲဝင်လိုက်သည်။ ဟိုတယ်အပြင်အဆင်ကကောင်းပါသည်။ အိပ်ရာကိုကြည့်လိုက်တော့ နှင်းဆီပွင့်ချပ်တွေဖြင့်အသဲပုံစံအလှဆင်ထားသည်။ ထိုအရာကိုမြင်တော့ ရင်ခုန်စိတ်လှုပ်ရှားမိသည်။