I MARRIED MY SISTER'S BOYFRIEND (COLD BLOODED LOVE)

Epi 23 [Unicode + Zawgyi]

Unicode

ဒီနေ့မှာတော့ ချမ်းတစ်ယောက် နိုင်ငံတစ်ဝှမ်းမှာကျော်ကြားလှတဲ့ Variety Show မှာ ပါ၀င်ဖို့ကမ်းလှမ်းခံရလေတယ်။နောက်ပြီးတော့ နဒီသွန်းလှိုင်က ဒီနေ့မှာပဲ သူ့မန်နေဂျာအဖြစ်စတင် အလုပ်ဆင်းတဲ့နေ့လည်းဖြစ်တယ်။

နဒီသွန်းလှိုင်က ငယ်ရွယ်တဲ့ကောင်မလေးဖြစ်ပေမယ့် သူမက အသက်လတ်ပိုင်းအရွယ်အမျိုးသမီးတစ်ယောက်လို ခန္ဓာကိုယ်ကို အလုံ ထုပ်လာပြီး ခေါင်းမှာလည်း အနီရောင် ဦးထုပ်တစ်ခုကိုဆောင်းလာသေးတယ်။သူမက တက္ကစီပေါ်ကနေဆင်းလာတာနဲ့တည်တည်ငြိမ်ငြိမ်ပဲ အိမ်တော်တံခါးကနေဘဲလ်ကိုတီးလိုက်ပြီး အိမ်တော်ကအစောင့်တွေတံခါးလာဖွင့်တာကိုစောင့်နေလိုက်တယ်။

"မင်္ဂလာပါ အကို၊ ကိုချမ်းအထဲမှာရှိလားရှင့် "

နဒီက အစောင့်အကို ကို ရိုရိုကျိုးကျိုးနဲ့ နှုတ်ဆက်လိုက်ပြီး သူမရဲ့ အိတ်လေးကိုလွယ်ကာ၀င်လာခဲ့တယ်။အစောင့်အကိုက နိုင်းရဲ့ သစ္စာခံ ရဲဘော်ရဲဘက်ဖြစ်ပြီး နိုင်းနဲ့အတူ မြန်မာပြည်ကိုလိုက်ဖို့ဆုံးဖြတ်ခဲ့တဲ့ ရဲဘော်အများစုတွေထဲကတစ်ယောက်အပါအ၀င်ဖြစ်တယ်။သူက မျက်နှာကလွဲရင်ဘာတစ်ခုကိုမှ မဖော်ပြထားတဲ့ ကောင်မလေးကို ကြည့်ကာ ဘာခံစားချက်ကိုမှမဖော်ပြဘဲ ခေါင်းညိတ်ပြရင်း စံအိမ်တော်ထဲကိုလမ်းညွှန်ပြပေးလိုက်တယ်။

နဒီကလည်း အစောင့်အကိုရဲ့ စိတ်နေသဘောထားကိုခန့်မှန်းမိလိုက်ပြီး ဘာစကားမှဆက်မပြောဘဲ ငြိမ်ငြိမ်လေးလိုက်လာခဲ့လိုက်တယ်။စံအိမ်တော်က မြို့နဲ့အလှမ်းဝေးပြီး ခြံကလည်းဧကရာပေါင်းများစွာကျယ်၀န်းလှမည်ဟုခန့်မှန်းရပြီး အနောက်ဘက်ရှိတောအုပ်ကလည်း အဆုံးကိုမမြင်ရသည်အထိကျယ်ပြောလှသည်။စံအိမ်တော်သို့သွားရာလမ်းတစ်လျှောက် တိတ်ဆိတ်နေပြီးအစောင့်များကလည်း လမ်း၏နေရာတစ်လျှောက်တွင် ငြိမ်သက်ကာ ၎င်းတို့၏တာ၀န်ကို ထမ်းဆောင်နေကြသည်။

နဒီတစ်ယောက် ပထမနေ့က ကိုချမ်းတို့ဘက်ကစီစဉ်ပေးသည့် ဗန်ကားဖြင့် သူတို့အင်တာဗျူးဖြေမယ့်သူတွေအားလုံးကိုပို့ဆောင်ခဲ့တာဖြစ်လို့ ကားအတွင်းကနေ စံအိမ်ကိုဘာမှ မကြည့်လိုက်ရပေ။ယနေ့မှသာ စံအိမ်တော်ကြီးရဲ့ တိတ်ဆိတ်နေမှုနဲ့အတူ ပြိုင်ဘက်ကင်းခမ်းနားမှုကို မျက်လုံးအပြူးသားဖြင့် ငေးမောရင်း ရံဖန်ရံခါတွင်လည်းရှေ့မှအစောင့်အကို ကိုလည်း အကဲခတ်ဖို့မမေ့။