Unicode
ချမ်းတို့အတွဲရဲ့ဘေးမှာက အခုတလောမှာတက်သစ်စနာမည်ကြီးမင်းသမီးဖြစ်နေတဲ့ ယွန်းဋီကာ ဖြစ်ပြီး၎င်းရဲ့ဘေးမှာက စေမင်းညီဖြစ်၏။ဒီနှစ်လည်း စေမင်းညီက သူ့ရဲ့အရင်ဒီဇိုင်နာနဲ့ပဲလက်တွဲထားတာဖြစ်ပုံရသည်။ ရွှေဝါရောင်နဲ့ အနီရောင်အစင်းကိုလိုက်ဖက်စွာတွဲစပ်ထားတဲ့ suit နဲ့မို့ သူ့ရဲ့နဂိုတည်းကချောမောမှုက ပို၍ပင်အထင်းသားပေါ်လွင်နေပြန်သည်။
"ဟယ်လို ကိုချမ်း ! ယွန်းက ကိုချမ်းနဲ့အပြင်မှာမြင်ဖူးချင်နေတာကြာပြီ၊ အခုမှပဲတွေ့ရတော့တယ်၊ ယွန်းကကိုချမ်းရဲ့ပရိတ်သတ်ပါနော်"
ယွန်းဋီကာက ထိုင်ခုံမှာထိုင်တာနဲ့ ညာဘက်ခုံကချမ်းကိုအရင်ဦးဆုံးနှုတ်ဆက်လာသည်။ချမ်းပြုံးပြလိုက်ပြီး တစ်ဖက်က ကောင်မလေးကမ်းလာတဲ့လက်ကိုဆွဲပြီးနှုတ်ဆက်ဖို့လုပ်ပေမယ့် ဇက်ခနဲဆွဲယူခံလိုက်ရတဲ့လက်တစ်စုံက ဘေးဘက်ကိုပါသွားသည်။
ချမ်းမျက်မှောင်ကိုကြုပ်ရင်း ဘေးနားကကောင်ကိုကြည့်လိုက်တော့ ထိုကောင်က ပြုံးရုံသာပြုံးပြီး
"ဘေဘီ့လက်မှာအကောင်တွေ့လိုက်လို့"
ချမ်းစိတ်အလိုမကျစွာနဲ့စိုက်ကြည့်လိုက်ပြီး အနည်းငယ်ကြောင်အသွားတဲ့ကလေးမလေးကိုပြုံးရင်းနှုတ်ဆက်လိုက်သည်။
"တွေ့ရတာ၀မ်းသာပါတယ်ညီမ ၊"
"ဟုတ်ကဲ့၊ ညီမကလေ ရုပ်ရှင်ကားကြီးက ၂ ကားပဲပါခွင့်ရသေးတာဆိုတော့အကိုနဲ့တွေ့ခွင့်ရမယ်လို့တောင်ထင်ခဲ့တာမဟုတ်ဘူး၊ မထင်မှတ်ဘဲ ပွဲဦးထွက်ရုပ်ရှင်က ဆန်ကာတင်၀င်ခဲ့ပြီး အကိုနဲ့တွေ့နိုင်ခဲ့ပြီ! "
"မဟုတ်တာ ၊ညီမတို့ကတက်လူတွေလေ၊လမ်းကြောင်းပေါ်ရောက်နေပြီဆိုတော့ နောင်မှာအကိုတို့နဲ့ ဆုံနိုင်ကြဦးမှာပါ"
"ဒါနဲ့လေ အကိုတို့နဲ့ selfie လေးတစ်ပုံလောက်ရိုက်လို့မလားဟင်"
"ဟုတ်ရပါတယ်"
ချမ်း သူ့ရဲ့ခါးကိုသိသိသာသာကြီးကိုတင်းအောင်ဖက်ထားတဲ့ကောင်ကိုလျစ်လျူရှုလိုက်ပြီးဖုန်းကိုကြည့်ကာ ပြုံးထားလိုက်သည်။သို့သော် ကြာသည်အထိကောင်မလေးက မရိုက်သေးဘဲတစ်ခုခုကိုစောင့်နေပုံရပြန်သည်။ထို့နောက်အားတုံ့အားနာဖြင့် ချမ်းဘက်ကိုလှည့်ကာ
KAMU SEDANG MEMBACA
I MARRIED MY SISTER'S BOYFRIEND (COLD BLOODED LOVE)
RomansaCold Blooded Love Between Two Men . START DATE - 28 APRIL 2023 END DATE - 6 JUNE 2024
