I MARRIED MY SISTER'S BOYFRIEND (COLD BLOODED LOVE)

Epi 9 [Unicode + Zawgyi]

Unicode

"သခင်ကြီးကြွလာပြီ အားလုံးပဲ "

ခန်းမဆောင်တစ်ခုလုံးကမတ်တပ်ရပ်လိုက်ပြီး ခါးကိုညွတ်ကိုအရိုအသေပေးနေကြ၏။စံအိမ်တော်ရဲ့မှန်ပြတင်းကနေထိုးထွက်နေတဲ့ညအလင်းရောင်အောက်မှာ အနီရောင်အပြင်အဆင်နဲ့များပြားလှတဲ့အနက်ရောင်၀တ်ဂိုဏ်းသားများ၏အပြင်အဆင်ကပနံသင့်နေပြီး ကြောက်ရွံ့စရာအရှိန်အဝါကိုပေးလျက်။

အပေါ်ထက်လှေကားကနေဆင်းလာတဲ့လူအုပ်ရဲ့ခြေသံက တိတ်ဆိတ်နေတဲ့ပတ်၀န်းကျင်မှာတစ်မျိုးတစ်မည်သော ခံစားချက်ကိုပေးနေပြန်သည်။

ရှေ့ဆုံးမှထွက်လာသည်က အသက် ၄၀ကနေ၅၀ပတ်၀န်းကျင်ရှိမည့် အမျိုးသားတစ်ဦးဖြစ်သည်။၎င်းက အဖြူနဲ့အနက်ကိုလိုက်ဖက်စွာစပ်ဟပ်ထားသည့်တရုတ်ရိုးရာ၀တ်စုံ ကို၀တ်ဆင်ထားပြီး နှုတ်ခမ်းမွှေးစစဖြင့် မာန်တင်းနေသော မျက်နှာထားကအားလုံးကိုကြည်ညိုစေ၏။ထိုသူက နှစ်ယောက်မရှိသည့် ကျားဖြူအိမ်တော်၏သခင်ကြီး (ဝါ) ကျားဖြူဂိုဏ်းကြီး၏ ဂိုဏ်းချုပ်
လုယီဖုန်း ခေါ် ဦးမင်းမာန် ဖြစ်သည်။သခင်ကြီး၏ဘေးကကပ်၍လိုက်ပါလာသည်က သခင်ကြီး၏နှစ်ယောက်မရှိသည့် ဇနီးဖြစ်သူမစ္စစ်လုံဖြစ်သည်။သူမကမူ သူမ၏ရိုးရာ၀တ်စုံဖြစ်သည့် ရှမ်းထဘီနှင့် အင်္ကျီအရှည်ကိုသာ၀တ်ဆင်ထားပြီးအပေါ်မှကျားဖြူသားရေကိုခြုံရုံသာခြုံထား၏။

"သခင်ကြီးနဲ့သခင်မကိုဂါရ၀ပြုပါတယ်။သခင်ကြီးနဲ့သခင်မ ကျန်းမာအသက်ရှည်လို့ ဘုန်းတန်ခိုးကြီးပါစေ ဘုန်းတန်ခိုးကြီးပါစေ "

တစ်ဂိုဏ်းလုံးကအရိုအသေပြုပြီးသည့်နောက် သခင်ကြီးလုယီဖုန်းကလက်ကာပြကာ ထိုင်ခိုင်းလိုက်ပြီးဂိုဏ်း၏အဆင့်ဆင့်သော အဖွဲ့၀င်များအားနှုတ်ဆက်စကားပြုရင်း ခွက်ချင်းတိုက်ကာဂုဏ်ပြုပွဲကိုစတင်လေသည်။

တစ်ဂိုဏ်းလုံးကသခင်ကြီးဆီကိုချည်းသာအကြည့်ရောက်နေကြသည်မဟုတ်။အဖိုးတန် သခင်ငယ်လေးများကိုလည်းမျှော်လင့်နေကြသေးသည်။အကြီးဆုံးသခင်မလေးလား၊အမွှာသခင်ငယ်လေးများလား။ဒါမှမဟုတ် အငယ်ဆုံးသခင်လေးရဲ့ ကြင်ယာတော်အဖြစ်နဲ့လား.... အားလုံးရဲ့အိပ်မက်က ကျားဖြူအိမ်တော်နဲ့ကောင်းမွန်တဲ့ဆက်ဆံရေးထူထောင်ပြီး ကြီးမားတဲ့အခွင့်အရေးတွေရဖို့မျှော်လင့်နေကြ၏။