I MARRIED MY SISTER'S BOYFRIEND (COLD BLOODED LOVE)

Epi 27 [Unicode + Zawgyi]

18+ warning ‼️

Unicode

တစ်လအကြာမှာပဲ ချမ်းရဲ့ "နွေဦးချစ်သက်သေ"စီးရီးကိုထုတ်လွှတ်ပြသခဲ့တယ်။‌ေရှ့မှာကအစဉ်အလာနဲ့ရလာဒ်ကောင်းခဲ့တဲ့‌ရာဇ၀င်တွေသာများတာမလို့ "နွေဦးချစ်သက်သေ" အပေါ်မှာဖိအားများခဲ့ပေမယ့်မထင်မှတ်ဘဲ အဆင်ပြေနေခဲ့တယ်။အဲ့ဒါက ဝါရင့်မင်းသမီး ရိုစီရှင်းယာကြောင့်လည်းဖြစ်နိုင်သလို ချမ်းမြေ့သာရဲ့ အမာခံ ဖန်ထုထည်ကြောင့်လည်းဖြစ်နိုင်တယ်။

ချမ်းမြေ့သာက သရုပ်ဆောင်လောကမှာ နယူးဘီလေးဖြစ်ပေမယ့် ဂီတလောကမှာတော့ ဖန်အခိုင်မာနဲ့ အိုင်ဒေါတစ်ယောက်ဖြစ်နေတာကြောင့် ချမ်းမြေ့သာရဲ့အမာခံ အရူးအမူး ဖန်တွေက ချမ်းဘာလုပ်လုပ် အမြဲအတူရှိနေမယ်ဆိုတဲ့ဆောင်ပုဒ်ကို လက်ကိုင်စွဲထားကြတယ်။

အစအပိုင်းတွေမှာ ချမ်းမြေ့သာရဲ့ မိမိမိုက်မိုက်ဒီဇိုင်းတွေနဲ့ ပထမတန်းစား သခင်လေးတစ်ယောက်အဖြစ်သရုပ်ဆောင်ချက်တွေရယ် ချမ်းမြေ့သာရဲ့ Visual ရယ်နဲ့ ပေါင်းစပ်လိုက်တဲ့အခါ ကြည့်ရှုသူပရိတ်သတ်အတွက် အရူးအမူး hype စရာဖြစ်လာခဲ့တယ်။

"ဘုရားရေ အဓိကဇာတ်ဆောင်က အပြင်မှာအသက် နှစ်ဆယ်ကျော်ပြီဆိုတာကဟုတ်ရဲ့လား၊ကြည့်ရတာ ဆယ်ကျော်သက်လေးအတိုင်းပဲ"

"ဟား...ဟား...ဟား...ချမ်းက debutတဲ့အချိန်ကနေအခုထိအဲ့ဒီရုပ်ရည်နဲ့ပဲမမရေ"

"ကျွန်မတို့လောကမှာတော့ ချမ်းကဂျူနီယာလေးတွေနဲ့အပြိုင်နုနေလို့အမြဲhotဖြစ်နေတာပဲ"

"ချမ်းကတစ်ကယ့်ဆယ်ကျော်သက်လေးလိုပဲနော်၊ မိုက်လိုက်တာ ဘာဆေးတွေများစားထားသလဲနော်"

"သူက ထိပ်ထိပ်ကျဲသူဌေးအိမ်ကဆက်ခံသူနဲ့လက်ထက်ထားတဲ့မင်းသားမလား၊ ဘောစိတွေပဲဟယ်၊ သူတို့လက်ညှိုးညွှန်ရာရေဖြစ်မှာပေါ့၊ အခုနာမည်ကြီးနေတဲ့ ပလတ်စတစ်ဆာဂျူရီဆိုလား အဲ့တာတွေလည်းလုပ်ကြမှာပဲလေ"

ဖြတ်လျှောက်တစ်ယောက်ကသာမန်ကာလျှံကာမန့်လိုက်သည်။ တစ်ပြိုင်နက်ပင် ချမ်းမြေ့သာရဲ့ဖန်များက ပုရွက်စိတ်အုံကို တုတ်နဲ့ထိုးလိုက်သလို အုံနဲ့ကျင်းနဲ့ရောက်ချလာလေသည်။