I MARRIED MY SISTER'S BOYFRIEND (COLD BLOODED LOVE)

Epi 4

[ကောမန့်လေးတွေမြင်ရရင်ပိုပြီးအားတက်မှာ :"(]

--------------------------------------------------------------------
အရိုင်းအစိုင်းကောင်က သူနဲ့အတူ နံနက်စာစားပြီးနောက် ရုံးကိုထွက်သွားပြီမို့ ချမ်း အခန်းထဲသို့သာပြန်လိုက်သည်။ဟို ကောင်က ဒီအိမ်က ခင်ဗျားနဲ့ကျုပ်ရဲ့အိမ်ဖြစ်တာမို့ ခင်ဗျားစိတ် ကြိုက်နေနိုင်တယ် ပြောထားခဲ့ပေမယ့် ပြောရရင် ဘယ်လောက်ပဲခွင့်ပြုသည်ဆိုသော်လည်း ဒီနေရာက ချမ်းမရင်းနှီးသေးတဲ့ပတ်၀န်းကျင်သာဖြစ်သည်။

Polo T shirt အဖြူလေးကို ပတ်တီးဖြူဖြူများပတ်ထားသည့် ခန္ဓာကိုယ်ပေါ်တွင်လွှမ်းခြုံထားသဖြင့် ချမ်း၏သေးသွယ်နေသည့်ခန္ဓာကိုယ်လေးက အနည်းငယ်ပြည့်နေသယောင်။ဒဏ်ရာများကအနည်းငယ်လှုပ်ရုံနှင့် ဆစ်ခနဲဆစ်ခနဲနာကျင်သဖြင့် ချမ်းခမျာ အိပ်ယာပေါ်လည်းမလှဲချင်၊ ငုတ်တုတ်လည်းထိုင်မနေချင်သဖြင့် အိပ်ခန်း၏၀ရံတာသို့ထွက်လိုက်သည်။

၀ရံတာကနေမြင်လိုက်ရတဲ့မြင်ကွင်းအရ ချမ်းရောက်နေတဲ့နေရာက သုံးထပ်လောက်ရှိတဲ့ စံအိမ်တော်တစ်ခုဖြစ်ဖို့များသည်။ စံအိမ်တော်ရဲ့ပတ်ချာလည်ကို မြက်ခင်းစိမ်းများဖြင့် ၀န်းရံစေပြီး ခပ်လှမ်းလှမ်းမှာလည်း ထင်းရှူးတောကဲ့သို့ တောအုပ်လေးသေးသေးလေးကိုတွေ့လိုက်ရသည်။

ကြည့်ရတာ ချမ်း ထွက်ပြေးလို့ အောက်က လုံခြုံရေးတစ်ပြုံတစ်မကြီးလက်ကလွတ်နိုင်ရင်တောင် ဒီတောအုပ်ထဲမှာသေသွားဖို့ကအခွင့်အရေးများသည်။
ဖုန်းကိုလည်း ချမ်းဖွင့်မကြည့်ချင်တော့၊ချမ်းရဲ့နှစ်နဲ့ချီပြီးထိန်းသိမ်းခဲ့ရတဲ့ အနုပညာလောက ကဂုဏ်သိက္ခာ ၊နောက်ပြီး ချမ်းရဲ့ပရိတ်သတ်တွေ၊ ဒါတွေအားလုံးကရက်ပိုင်းနဲ့ပျက်စီးသွားပြီ၊

လောကကြီးက ရယ်တော့ရယ်ရသား၊ချမ်း နေရာတစ်ခုရဖို့၊နာမည်တစ်လုံးရဖို့ နှစ်နဲ့ချီပြီး ကြိုးစားခဲ့ကသမျှ ရက်ပိုင်းအတွင်းနဲ့ ဖျက်စီးလိုက်နိုင်သတဲ့လား၊ပြောရရင် ချမ်းကဘယ်လိုပဲ idol ဖြစ်နေပါစေဦး ချမ်းဟာ လူသားတစ်ယောက်ဖြစ်နေတုန်းပဲလေ။ချမ်းကရော လူတိုင်းရနေတဲ့ အိမ်ထောင်ရေးကိုမရသင့်ဘူတဲ့လား?