𝐇𝐞𝐚𝐫𝐭𝐥𝐞𝐬𝐬 | 𝐓𝐤 ✔

Chapter twenty six

ටේහ්‍යුන් ගියාට පස්සේ ජන්කුක් මුළු දවසම ගත කරේ ජිමින් එක්ක. එලියට යන්න ටේහ්‍යුන්ගෙන් පර්මිශන් හම්බ වුනත් අහස කළු කරලා වහින්න වගේ තිබුන නිසා ජන්කුක් තීරණය කරා එලියට නොයා ඉන්න.

ඒ වුනත් ජන්කුක්ගෙ මුළු දවසම විනෝදෙන් වගේම සතුටින් ගත වුනා. කිචන් එකට ගිහින් එක එක කෑම හදන්න, ෆිල්ම් බලන්න, පේන්ටින් කරන්න වගේ තියන හැම දෙයක්ම ජන්කුක් ජිමින් එක්ක එකතු වෙලා කරා.

.

.

ඒ විදිහට දවසෙන් බාගයක්ම ගෙවිලා ඉවර වෙද්දි ජිමින්ගේ රූම් එකට වෙලා ලොකු ටෙඩියෙකුත් බදාගෙන ජන්කුක් සෝෆා එකේ ඉදගෙන ඉද්දි ජිමිනුත් හිටියේ ජන්කුක්ට එහා පැත්තෙන් ඉදගෙන ෆෝන් එක බලන ගමන්.

"ජිමිනි..."

"ම්ම්ම්"

"මෙහෙ බලන්නකො අප්පා.. ඔයත් හියුන් වගේම තමා. කොයිවෙලාවෙත් ෆෝන් එකේ සිහියෙන්මයි. "

බදාගෙන හිටපු ටෙඩියාගෙන් ජන්කුක් ජිමින්ගේ ඔළුවට පාරක් ගහද්දි ඔළුවත් අල්ලගෙන ජිමින් ජන්කුක්ගෙ පැත්තට හැරුනේ කටත් ඇද කරන ගමන්.

"මොකද ඉතින්.."

"ඕනේ නැහැ! මං යනවා යන්න! "

ජිමින් අහපු විදිහට ජන්කුක් හැදුවේ ගස්සගෙන රවාගෙන රූම් එකෙන් එලියට යන්න.

"හරි හරි අයිම් සොරි ජන්කූ... දැන් කියන්නකො මොකද කියලා."

ජන්කුක්ගෙ අතකින් අල්ලලා ආයෙත් සෝෆා එකෙන් වාඩිකරවන ගමන් ජිමින් අහද්දි ජන්කුක් ආයෙත් ගස්සගෙනම කකුල් දෙකත් උඩට අරන් ආපහු ටෙඩියාව බදාගත්තා.

"අන්න එහෙම ඉන්න. හුම්.. "

"ඕ...කේ... මයි ලෝඩ්.. දැන් කියන්නකො මොකද්ද ප්‍රශ්නේ කියලා"

"නැහැ මේකයි.. මායි හියුනුයි ඩේට් එකකට යන්න කතා වුනා. ඉති-- "

"වට්?? සීරියස්ලි!?? ඔයා මට කිව්වෙත් නැහැ ජන්කුක්!!! "

"කියන්න ඉතින් අහන්න එපැයි. මැද්දෙන් පනින්නැතුව ඉන්නකො ඉතින්"
ආයෙත් ටෙඩියාගෙන් පාරක් ජිමින්ගේ ඔළුවට ගහන ගමන් ජන්කුක් ජිමින්ට රැව්වා. ජිමිනුත් අතින් කට වහගෙන හිනා වෙන ගමන් ජන්කුක් කියන දේ අහගෙන හිටියා.