Dawa က သူ့ရဲ့ တင်ပါးကို အမြန်ဖုံးလိုက်ပြီး ပြောလိုက်သည်။
" မင်း၊ မိထွေး သားကို ရိုက်တယ်! သား ဖေဖေ့ကိုတိုင်ပြောမယ်"
Ning Tang က ရယ်လိုက်ပြီး ပြောလိုက်သည်။
" သွားပြီး ပြောလေ၊ သူ့ကို သွားမေးလိုက်လေ၊ပင်လယ်စာတွေ ကောက်ဖို့ မင်းတို့ကို ငါ ခေါ်သွားခွင့် ပြုလားဆိုတာကို"
သူ သေချာပေါက် ခွင့်ပြုမှာ မဟုတ်ဘူး။ Dawa က နှုတ်ခမ်း ဆူပြီးတော့
" ဒါဆိုရင် သဘောတူညီချက် လုပ်ရအောင်၊ သားတို့ ဒီတစ်ကြိမ်မှာ ကောင်းကောင်းနေရင် ၊ နောက်တစ်ကြိမ်လည်း သားတို့ကို ခေါ်သွား"
Dawa က တွေးလိုက်လေသည်။ သူတို့ ဒီတစ်ကြိမ်မှာ ကောင်းကောင်းပြုမူမယ်ဆိုရင် Ning Tang က နောက်တစ်ကြိမ် သူတို့ကို ခေါ်သွားလိမ့်မယ်။ အဲ့ဒါက တန်လိမ့်မယ်။
ပင်လယ်စာတွေကို တစ်ကြိမ် စုတာနဲ့နှစ်ကြိမ်စုတာရဲ့ ကွဲပြားခြားနားချက်ကို သူတို့တွေ ပြောနိုင်လိမ့်မယ်။
Ning Tang က နှာမှုတ်လိုက်ပြီး
" မင်းတို့ ဘယ်လိုကောင်းကောင်း ပြုမူလဲဆိုတာ ကြည့်ရတာပေါ့"
Ning Tang နဲ့ကလေးသုံးယောက် ကိုက်နေတာကို ကြည့်ပြီး အဒေါ် Lou က ရယ်တာမရပ်နိုင်တော့ဘူး။
" မင်းတို့က အရမ်း ရယ်စရာကောင်းတာပဲ"
သူမက အိမ်မှာ Ning Tang က ကလေးသုံးယောက်ကို ဒီလိုနည်းနဲ့ဆက်ဆံမယ်ဆိုတာကို မထင်မှတ်ထားဘူး။ Dawa နဲ့ အခြားကလေးနှစ်ယောက်က လူကြီးတွေနဲ့ ပြုမူသလိုမျိုးမဟုတ်ဘဲ သူငယ်ချင်းလိုမျိုး Ning Tang ကို ပြန်ပြောရဲကြတယ်။ ဘာပဲဖြစ်ဖြစ် သူမ ဒီကျွန်းပေါ်မှာ ဒီလိုပြုမူတဲ့ မိသားစုမျိုး မမြင်ဖူးဘူး။
Ning Tang က အစ်မ Lou ကို မေးလိုက်သည်။
" ကျွန်မတို့ ပင်လယ်စာတွေ စုဆောင်းဖို့ ကိရိယာတစ်ခုခု လိုအပ်သေးလား?"
သူမကျွန်းကို ပထမဆုံးရောက်တဲ့ အချိန်ကို မှတ်မိသွားတယ်၊ အစ်မ Lou က ပလတ်စတစ်ဖိနပ်ကို စီးထားပြီးတော့ ပုံးတစ်ပုံးနဲ့ ပလာယာကို ကိုင်ထားတာကို သူမမြင်လိုက်လေသည်။
" ငါတို့ လိုတယ်"
အစ်မ Lou က ပြောလိုက်သည်။
" မင်း အိမ်မှာ တစ်ချက်ကြည့်လိုက် ပလတ်စတစ်ဖိနပ်၊ ပုံးတွေ၊ ပလာယာတစ်စုံ ဒါမှမဟုတ် သံတူးရွင်းကို ရှာကြည့်လိုက် ပြီးတော့ oh.. ဆားအထုပ်သေးတစ်ထုပ် ယူလာခဲ့ဦး"
YOU ARE READING
၇၀ ခုနှစ်ရဲ့ ကျွန်းပေါ်က အပျင်းမိထွေး
FantasyThis is not my story. Just translation. All credit to original authors and translator.🥰🥰🥰 Name - Lazy Stepmother of the 70s island Author name -Yizhifan 一之舟 Type -Web Novel 108 Chapters
