နူးညံ့သောအမျိုးသမီး အရံ ဇာတ်ကောင် A နှင့် အာဏာရှင်အမျိုးသား ဇာတ်လိုက် O

19

19 (uni)

နူးညံသော အမျိုးသမီးအရံဇာတ်ကောင် A နှင့် အာဏာရှင် အမျိုးသားဇာတ်လိုက် O

အပိုင်း ၁၉

ကျောင်းရောက်တာနဲ့ ချောင်းမိုက သူမမိတ်ဆွေတစ်ယောက်ဆီ ပြေးသွားလိုက်သည်။ စုရှုက အနက်ရောင် မေဘတ်ချ်ကားကို လည်ဆန့်ကြည့်လိုက်သည်။ သာမန်ဆန်ဆန် အနက်ရောင်ကားတစ်စီး ထွက်ခွာသွားသည်ကိုမြင်မှ စုရှုသည် သက်ပြင်းချကာ ချောင်းမိုအား ဝမ်းသာအားရ လက်ဝှေ့ယမ်းပြပြီး “အစ်မ၊ ငါဒီမှာ။ "

အဲဒီနေ့ ကော်ဖီဆိုင်ကနေ လမ်းခွဲလိုက်ကတည်းက စုရှူ က ချောင်းမို အတွက် ပြည့်စုံတဲ့ ခွေးသွေးအချစ်ဇာတ်လမ်းကို ဖန်တီးခဲ့သည်။ ချောင်းမို ဒုက္ခရောက်နေတာကို မြင်ပြီး သူမရဲ့ နှလုံးသားက ပိုသေချာလာခဲ့ကာ ချောင်းမိုရဲ့ အလှမှာ ဂရုစိုက်ဖို့ လိုအပ်တဲ့ အလှမျိုးဟု ခံစားလာခဲ့ရသည်။

ချောင်းမို အမှတ်တွေဖြည့်ဖို့ ပြန်လာတော့မယ်လို့ ကြားတော့ စုရှုက ချောင်းမိုကို စေတနာနဲ့ လာခေါ်ပြီး အခင်ဆုံးသူငယ်ချင်းတယောက် အနေနဲ့ အသည်းကွဲနေသော ချောင်းမိုအပေါ် နှစ်သိမ့်ပေးဖို့ တာဝန်ယူရင်း “မိုမို နင်အဲဒီနေ့ ပြန်သွားတုန်းက၊ သူ နင့်ကို ဘာမှ မလုပ်ဘူး မဟုတ်လား"

"ဘာကိုလဲ?"

စုရှု က မျက်တောင်ခတ်လိုက်ပြီး "ဒီတိုင်းပဲလေ"

သူမပြောတာကို ကြားတော့ ချောင်းမို ရုတ်တရက် ရယ်လိုက်ပြီး ပြောခဲ့သည်။ “မစ္စတာ ကျန်းနဲ့ ငါ့ကြားမှာ တကယ်ကို အဲ့လို ဆက်ဆံရေးမျိုးမရှိဘူး”

"ဟုတ်လား၊ အဲ့တာဆို စီနီယာ ခဲ့မိုရဲ့ ပုံစံက နင့်သူဌေးကို စိတ်အနှောင့်အယှက် ဖြစ်စေမိလို့ပဲဖြစ်မယ်"

"စီနီယာ ခဲ့မို ဘာဖြစ်လို့လဲ၊ အဲဒီနေ့က စီနီယာက မစ္စတာ ကျန်းကို တွေ့ရလို့ အရမ်းဝမ်းသာနေတာ မဟုတ်ဘူးလား?"

တိုက်ဆိုင်စွာပင် နှစ်ယောက်သား ခဲ့မိုအကြောင်း ပြောနေရင်း ခဲ့မိုနှင့် ထိပ်တိုက်တွေ့မိကြသည်။