"إنما يكفي الإنسَان ما قَنعت بها نفسه"
متنسوش الڨوت.♡
______________
_ كنتِ فين يا آنسة يا محترمة وراجعه وش الفجر .
_ خضتيني يا ماما فكرتك بابا أو رامي.
_وهو لو أبوكِ ولا رامي شافوكِ وأنتِ جاية وش الفجر هيسكتوا، دول كانوا طينوا عيشتك.
قالتها والدتها بغضب، بينما هي قلبت عينيها بمللٍ وهي تتأفف، فقالت والدتها بحِدة:
_ مش معنىٰ إني سايباكِ ومدلعاكِ ونضفتك يبقي تخيبي يا رغد،ومش معنىٰ إني دخلتك جامعة خاصة ودلعتك وشغلتك في شركة عليها القيمة وعرفتي ناس من بتوع بابي ومامي وخطبتك لدكتور علىٰ قلبه شئ وشويات ، ولبستي المحزق والملزق وحطيتي أحمر واخضر وسيبتلك السايب في السايب يبقىٰ تنحرفي، أنا آه عايزاكِ أحسن من بنت خالتك لكن مش بالشكل ده، وترجعيلي وش الفجر يا بنتي ، كنتِ فين؟؟.
_ كنت في النادي مع كاميليا وچومانا يا ماما وقبلها زياد جالي الشغل وشوفنا حاجات لكتب الكتاب واتعشينا وبعدين روحت النادي والوقت سرقني معاهم ، متأخرتش أوي يعني!؟.
قالتها بضجرٍ وقد اوشكت علىٰ نفاذ صبرها ، فقالت والدتها بغضب:
_ في النادي لحد دلوقتي ، علىٰ العموم هعديها المرة دي لكن ،قسمًا عظمًا لو اتكررت تاني يا رغد لـ هكون قايله لأبوكِ وأخوكِ وهما يتصرفوا معاكِ.
حسنًا لقد نفز صبرها وهي الآن ستنفجر ، وتتحدث بكلامٍ سوف تندم عليه بعد الآن ، أردفت بنبرةٍ تحمل الكثير من الغضب والخبث والإستهزاء والوقاحة معًا:
_ قوليلهم يا ماما وأنا كمان اقولهم علىٰ مواهبك ومصايبك والسر الجميل الخطير الي هيقلب الدنيا كلها ، وساعتها شوفي بقىٰ هيحصلك إيه سواء من خالتو أو جوزها وعيالها وبابا ورامي والناس كلها ، أكمل ولا لا يا إلهام؟.
صفعة مدوية هبطت علىٰ وجنتها ، اصابتها بالخدر وتيبست مكانها بعد أن صُدِمَت وأجحظت عيناها ، وكادت أن تردف ولكن قاطعتها والدتها بقولها الحاد:
_ أنتِ واحدة قليلة الأدب مشوفتيش تربية وأنا هربيكِ من أول وجديد يا رغد ، عشان تكلمي أمك وتهدديها كده ، وأعلىٰ ما في خيلك اركبيه عشان أنتِ نص كم أصلًا زمش هتقدري تعملي حاجة.
استمعت لكلماتها وعلىٰ وجهها ضحكة ساخرة ، حتىٰ تركتها وذهبت إلىٰ غرفتها وهي تشعر بعبارتها المتحجرة في عينيها تأبىٰ السقوط.
______________
في صباح اليوم التالي.
استيقظ جميع أفراد عائلة "آل هادي" وهبطوا جميعًا إلىٰ شقة الجد ، لتناول وجبة الإفطار قبل ذهابهم لعملهم.
_أنا نزلت الإعلان يا عمو وبإذن الله كمان يومين كده هنبدأ نعمل الـ interview.
أومأ عامر برأسه علىٰ حديث ابن شقيقه.
_صحيح يا عُدي ، أنا روحت جبت عربيتك امبارح مكان ما عطلت بس بصراحة في خدش بسيط فيها من قدام.
أنت تقرأ
لِقاءٌ فيهِ النَجاة
Ficțiune generală"الحياة تُشبه الصّندوق الأسود ، لا نَعرِف ما تكِنهُ لنا ، كل يومٍ نكتشف ما هو جديد إما نعيش حياتنا في سلامٍ ، أو تنقلب حياتنا رأسًا على عقبٍ "
