"من هان عليه إنطفاء روحك .. لا يستحقك."
متنسوش الڤوت.
____________
_يالـهوي!! .. دكتور عُدي؟!
قالتها بدهشةٍ ظهرت بوضوح على تقاسيم وجهها ، فقالت تولين:
_هو ياختي هو ، لحد دلوقتي مش مصدقة بصراحة!
تسائلت حور:
_طب إزاي بس دا مكانش بيشوفك في الشركة أصلًا لو أعجب بيكِ مثلًا فـأمتى وإزاي؟!
_أقسم بالله ما أعرف ، أنا أول ما روحت من الشركة لقيت سليم بيقولي إن في عريس متقدملي وبيقولي عدي الهادي ، أتصدمت والله.
شرحت لها ، فأردفت حور:
_خلاص بصي أقعدي معاه وشوفي السبب إيه وصلي إستخارة ولو مرتاحة يبقى على بركة الله.
أومأت تولين بشرود ، فسألتها حور بقولها:
_بس أنتِ شايفاه شخص كويس يعني؟
_أنا مقابلتوش غير في الإنتيرڤيو ومرة كدا في الشركة بس ، لكن هو باين عليه إنه محترم يعني وعيلته شكلها محترمة جدًا.
قالت بهدوء ، فتسائلت حور مرة أخرى:
_عملتي إيه في حوار الرقم يا حور أخوكِ وصل لحاجة؟
تنهدت وأجابت:
_لا والله قال الرقم دا شكله مسروق أصلًا لإنه مش متسجل وفيه حاجة غريبة ، من رأيي سيبك من كل دا وكبّري دماغك تلاقيه حد بيستعبط ولا حاجة.
تنهدت بألمٍ ومعالم الضيق تظهر على وجهها ، فقالت تولين:
_مالك شكل في حاجة تانية مديقاكِ؟
اجابتها بخفوت:
_الصراحة آه ، كريم اقترح عليَّ إني أروح لدكتورة نفسية وأكيد أنتِ عارفة ليه ، بس أنا مذبذبة ومش عارفة أعمل إيه قولتله سيبني أفكر وأرد عليك.
تحدثت تولين بحكمةٍ بالغة:
_بصي يا حـور أنا عرفتك من فترة بسيطة بس الشهادة لله إنك محترمة وعسولة أوي ، بس لما حكيتيلي اللي حصل لاحظت إن فعلًا ممكن الأحداث دي تكون عملتلك مشاكل نفسية وكمان بيجيلك panic attack لما بتركبي مواصلات أو عربية لإنها بتفكرك بالحادثة ولما تفتكري الموضوع أو تتكلمي فيه برضه ، فـأنا مع كلام أخوكِ بصراحة ، العلاج النفسي مش عيب خالص بالعكس اللي بيتعالج نفسي بيكون شخص كويس إنه عايز يتعالج ويعيش حياة سليمة وسوية ، وياستي أنا عارفة واحدة صاحبتي هي دكتورة نفسية كويسة جدًا إسمها ريـتال مهران ، مُمتازة بجد يا حـور هقولك عنوانها وروحي مش هتخسري حاجة ، تمام؟ .. لو عايزة تفكري تمام مفيش مشكلة.
حديثها كان صحيحًا مئة بالمئة لكنها تُماطل وتُظهر أنها لم تتأثر بما حدث ، تنهدت بعمقٍ واجابت:
_خلاص يا تـولين أنا هروح بكرة وربنا ييسر الأمور هاتيلي العنوان وهقول لـكـريم وأبقى آخده معايا بإذن الله.
_بإذن الله ، بقولك ..
اصدرت همهمة مستفسرة ، فقالت تولين:
_دكتور عُـدي وعيلته كلهم حرفيًا جايين بعد بكرة ممكن تبقي تيجي تبقي جمبي؟
أنت تقرأ
لِقاءٌ فيهِ النَجاة
Ficción General"الحياة تُشبه الصّندوق الأسود ، لا نَعرِف ما تكِنهُ لنا ، كل يومٍ نكتشف ما هو جديد إما نعيش حياتنا في سلامٍ ، أو تنقلب حياتنا رأسًا على عقبٍ "
