"الحذر لا يمنع من القدر"
متنسوش الڤوت.
___________
"OMG أنتَ تاني"
أزال نظارته الشمسية ونظر لها وهو يرفع حاجبه الأيمن ، وقال:
_إيه محسساني إنك شوفتي عزرائيل!
قالت بغضب:
_لا أسوء منه ، ممكن تفهمني إيه اللي عملته في عربيتي ده؟.
قال وقد أوشك صبره على النفاذ:
_هعديلك أول جزء في جملتك وخلينا في الجزء التاني ، هو إيه اللي عملته في عربية سيادتك؟.
قالت بغضب:
_خبطها أنا كنت راكبة في حالي بسمع music جيت خبط فيا من ورا!
نظر لها بصدمة وتحدث قائلًا:
_يا صبر ، حضرتك اللي واقفة في طريق سريع عايزة إيه بقى ، وأنا واحد متّبع السرعة القانونية وماشي عليها ، يبقى كده أنا غلطان؟
قالت بإقتناع تام:
_أيوه غلطان ، ولازم تعوضني عن اللي حصل ده.
_وإلا؟
قالت بغرور:
_هروح أعملك محضر وأظن منظر العربية واضح وفي كاميرات.
نزع ثوب الإحترام معها اعتبارًا منه كونها امرأة ، وقال بدهاء:
_تمام روحي اعملي محضر ، وأنا بذات نفسي اللي هعملهولك ، بس بعدها هعمل محضر تاني سَليم بكل الدلائل زي الكاميرات والرادار وكمان هتفتحي على نفسك محضر تخلف عن السرعة المناسبة على طريق سريع وغيره ها تحبي نروح نعمل المحضر؟
نظرت له بذعرٍ ، وتنهدت بضيق فبالطبع هو ضابط لن تدخل تلك الحيلة لعقلهِ ، فـقالت بلهفة وهي تنظر له كالهرة:
_No No أنا مسامحاك ومش هعمل محضر مقابل إنك كمان متعملش ، وأوعدك مش هعمل اللي حصل تاني please?
مرّت دقيقتان وهو يقلب عينيه بتفكير كي يُثير حنقها ، أما هي فـاشتعلت منه غيظًا وهو ينظر لها مستمتعًا بهذا ، حتى تنهد وقال:
_تمام مفيش مشكلة أتمنى متعملش كده تاني ومتقعيش تحت إيدي تاني يا آنسة.....
قالت ببسمة صفراء كونه نسى إسمها منذ لقائهم الماضي:
_چومانا البغدادي.
_اتشرفت يا آنسة چومانا ، معاكِ الرائد رامي النصاري.
قالها وهو يَمُد يده ليصافحها، فصافحته وقالت:
_أهلًا بحضرتك ، عن إذنك فرصة سعيدة.
أجاب مُبتسمًا بسمة غامضة:
_أنا أسعد..الإذن معاكِ.
____________
انتهت حور من أول أيام عملها ثم اتجهت ذاهبة للمنزل ، بالطبع بعدما مرّت بمعاناتها المُعتادة مع وسائل المواصلات ، فور وصولها اتجهت لغرفتها وقد عقدت النية بداخلها أن تبدأ بالإنتظام بالصلاة توضأت وارتدت ملابس الصلاة ثم أدت فريضة العصر ثم انتهت وجلست مكانها وأخذت تُسبح وتستغفر ربها ودون شعور منها اجهشت في البكاء وهي تدعوا ربها أي يغفرلها ويعينها على قربه:
_يارب .. يارب أغفرلي وسامحني يارب ، اللهم أعني على أداء فرائضك واللهم أنعم عليَّ بالهداية والتوفيق والسداد في حياتي ، اللهم أغفر لنور وحسبي الله ونعم الوكيل في اللي كان السبب في موتها يارب.
أنت تقرأ
لِقاءٌ فيهِ النَجاة
Ficção Geral"الحياة تُشبه الصّندوق الأسود ، لا نَعرِف ما تكِنهُ لنا ، كل يومٍ نكتشف ما هو جديد إما نعيش حياتنا في سلامٍ ، أو تنقلب حياتنا رأسًا على عقبٍ "
