ياهل المحبه ذاب قلبي بحبه..

بسم الله اللهم صلي على محمد البارت( 3)

خالد وهو مستغرب بوجود ساره هنا : انتي الى وش تسوين هنا
ساره : انا هنا اتدرب
رفيف : وين بابا ؟
خالد : راح مع ماما و انتي بتجين معي اوكي ؟
رفيف وهي تطفش مع خالد دايم اذا طلعت معه : عادي مس ساره تروح معنا
خالد ناظر ساره : ساره ابو رفيف صديقي و قال لي اخذ رفيف معي لين يخلص موعده و بوديها مطعم و العاب و انا ما اعرف للبزران تروحين معنا ؟
ساره وهي مفهيه : ما فهمت وش يعني
خالد وهو يكره فهاوت ساره : ياربي صبرك شلون ما فهمتي
رفيف : مس بليز تروحين معنا
ساره بتفكير : بدق على ابوي
خالد : تمام ننتظرك ب السياره

عند عبد العزيز
توه طالع من شركت ابوه بحكم انه يشتغل فيها ورايح القصر جاه اتصال من ساره
عبد العزيز : هلا ساره
ساره : اهلين ، بابا بطلع مع صاحبتي مطعم و نتمشى ب المول
عبد العزيز : من صاحبتك
ساره : خال.. اقصد ليان
عبدالعزيز وهو اصلاً ما انتبه لأنه يبي ينام :تمام بابا انتبهي على نفسك
ساره قفلت وراحت عند خالد : بابا وافق
خالد :طيب اركبي و بعدين وش بابا قولي يبا
ساره : مب شغلك
وراحت تركب ورا
خالد :يا الطيبه اركبي قدام
ساره : لا مرتاحه هنا
خالد : بتركبين ولا كيف ماني سواق عندك
ساره تأففت وركبت قدام
وراحو متجهين للمطعم

الساعه 5:00
عند وريف
وريف وهي جالسه مع احمد و جبر يتكلمون عند الشغل
وريف وهي تعبت تبي تطلع: جبر اقدر اطلع
عطها احمد نظره انها قالت جبر بدون دكتور و هو ما يدري انها بنت عمها
شافت نظرته وريف و استوعبت : اقصد دكتورجبر
جبر : اي خلاص روحو
وريف قامت و طلعت وهي تدق على ساره ما ترد : اوف يا ساره وينك انتي
شافها جبر وهو طالع رايح القصر: هي انتي  ليه واقفه وين سيارتك
وريف وهي ما تحب احد يكملها ب هالسلوب : اول يا انت عندي اسم ثاني شي مب شغلك
جبر : طيب يا استاذه وريف وين عمي ما جاك او سواقكم
وريف : بابا اكيد يحسب اني راح اجي مع ساره و ساره سحبت علي
جبر : خلاص امشي معي
وريف : لا شكراً بطلب اوبر
جبر وهو ذبحه البرد بحكم انهم شتاء وصار المغرب : يا بنت ترا انا ولد عمك اخلصي ذبحني البرد
وريف وهي عرفت ان مالها مخرج و السواق ما يرد : طيب امش
جبر عطاها نظر ومشى ل السياره و شاف انها ركبت ورا ماله خلق يتهاوش معها لأنها عنيده
مشو متجهين للقصر

عند روان الى تو دخلت القصر و شافت جدتها و نسوان اعمامها جالسين ب الحديقه
روان وهي تحب الاجواء الى كذا مع الزرع و اصوات العصافير
روان بدلع : اهلاً ب الحلوين
باست راس جدتها و وامها و سلمها على نسوان اعمامها
الجده حصه : هلا يا حبيبتي كيف المحاضرات
روان : كنت ب الكوفي ما عندي محاضرات
وجلست تسولف معهم
فجاء دخل فيصل عمها الصغير
فيصل عقب ما قال يا ولد : اوه رواني هنا
روان بضحكه وهي و بنات اعمامها علاقتهم مع فيصل حلوه : هلا ب عمي
فيصل ضمها : اهخ اشتقت لكم وينهم البزران وريف و ساره
روان : هههههههههههههههه لو سمعوك راح يزعلون
فيصل وهو سوا نفسه حزين : يما تشوفين حفيداتك ما يحبوني ياخي متى تزوجيني
الجده حصه : مهبوله انا ازوجك تصدع بنت الناس
روان : ههههههههههههههههههههههههههههههههههههههههههه
جاء الجد على كلمت الجده حصه : شفيك انتي على الولد ، يا فيصل ابشر بس اختار و ازوجك
فيصل وهو كان يمزح ما يبي يتزوج : يما امزح والله مابي تزوج
راح دخل يركض
وضحكو الجميع على هبال فيصل
و دخل فزاع عقب ما قال يا ولد و تغطت روان : هلا هلا شعندكم جالسين برا
جده حصه وهي تحب فزاع مرا : هلا بحبيبي يا هلا ابد الجو حلو و قلنا نجلس برا
جلس فزاع عند جدته وهو يطالع روان و يبي ينرفزها : اقول يا جده خليني اسولف لك اليوم رحت كوفي اوف يا قهوتهم تجيب المغص
انصدمت روان الى كانت جالسه عند جدها
روان : انت شعرفك ب القهوه اصلاً اكيد الكوفي الى رحت له انت حلو بس ما يناسب بزران
فزاع ضحك من داخله و هو يحب ينرفزها تعجبه اذا تنرفزت
قامت روان و دخلت قصرهم

عند خالد و ساره
وصلو المطعم و جلسو ياكلون
رفيف : مس ساره عادي اقولك ساره
ساره : اي يا روحي عادي
عند خالد الى كان يتامل تصرفاتها و عيونها الى اقل ما يُقال عنها جميله
و استوعب ان رفيف تناديه : هلا هلا
رفيف : صار لي ساعه اناديك
خالد : ها رديت وش تبين
رفيف : ابي اروح العاب
خالد ناظر ساره ورجع ناظر رفيف : الحين ابوك جاي ياخذك بعدين اوديك
رفيف : وعد؟
خالد ضحك : اي اي وعد
رفيف : وتجي ساره معنا اوكي ؟
خالد ناظر ساره : مدري اسأليها
رفيف ناظرت ساره : ساره بس ما اقد..
قبل تكمل قالت رفيف : بليز بليز
ساره ناظرت عيونها و ما حبت تزعلها : خلاص اوكي
رفيف استانست
وجاء منصور اخذ رفيف
منصور : مشكور خالد ان شاءالله ما تعبتك
خالد : لا معليك رفيف شاطره
منصور : يلا مع السلامة
خالد : مع السلامة
رجع عند ساره الى كانت واقفه بعيد
خالد : يلا
ساره : وصلني عند المدرسه سيارتي هناك
خالد : لا بنروح القصر بعدين اجيب لك سيارتك
ساره : اوف ياخي شدخلك انت بتوصلني ولا لا
خالد : يليل امشي امشي
راح وحط ساره عند سيارتها ومشى متجه للقصر وهي وراه

عند جبر ووريف الى دخلو القصر وشافو مشعل قدامها
وريف : يما يويلي ابوي
جبر : طيب عادي قولي له اني وصلتك بس 
نزلو من السياره و شافهم مشعل و استغرب
مشعل : وريف ! وش تسوين مع جبر
وريف : ءءءء
جبر : ءء عمي وريف تدرب ب المستشفى حقي و شفتها واقفه و صلتها معي لأن سيارتها خربانه
مشعل : اها زين زين يلا تعالو بنتعشى مع بعض شوي
وريف : واي جد بابا بنسوي باربكيو
مشعل ضحك وهو يدري ان وريف تعشق الشوي: اي اي يلا تعالي

مشو و الكل راح بيته يرتاح لأن الساعه 9:00 بيسون باربكيو

الساعه 9:00
الكل كان جالس الاحفاد و العيال و زوجاتهم وجات بنت الجد جابر
( جميله )
خلونا نتعرف على جميله
جميله : شخصيه حنونه و تحب الكل عمرها 46

زوجها حمد : نفس زوجته عمره 49 لكنه كريه شوي

محمد ولدهم الكبير : متزوج من ايلاف حاله حال نفسه يشتغل محامي عمره 31
ايلاف : نفس زوجها حنونه جداً وتحب عيالها حالها حال نفسها عمرها 29
لين و لينا : بناتهم التوام عمرهم 7
ولدهم مبارك : عمره 6

بنت جميله الاولى  غيداء : حنونه جداً وتحب بنات خوالها دلوعة ابوها تدرس ثانوي عمرها 17

نكمل .....
كان الكل جالس و يضحك كانو العيال جالسين  يسون الباربكيو مع بعض خالد و فزاع و جبر و فيصل معهم

و البنات وريف و ساره و غيداء و ايلاف و روان جالسين يسولفون و ضحك

و الكبار كانو جالسين يسولفون و يضحكون على هبال فزاع و فيصل

وريف : بابا شوف ترا بيخربون الباربكيو روح شوفهم
جبر : ترا نعرف نسوي باربكيو على قولتك
وريف : انت اسكت محد كلمك
جبر همس لها بحكم انها قريبه من شوي: لا تنسين اني دكتورك و تقيمك بيدي
عطته وريف نظره و : ......