عند ساره بغرفتها الساعه 11:00 .......
كانت جالسه تتابع فلم جاتها رساله من قروب البنات و العيال
خالد: قايمين ؟
وريف : اي
فزاع : اي شفيك
فيصل : اي شعندك
خالد : شرايكم نسوي جلسه ب الحديقه الى ورا و نجلس الجو حلو
جبر : اي تمام عادي انا شوي و جاي من الدوام
ساره : دوام الحين ؟!
جبر : اي كنت مناوب
روان : تمام يلا العيال يجهزو الجلسه و احنا البنات بنسوي شاي و مكسرات
الكل رد ب 👍🏼
في بيت الجد سعد
في غرفه ابو احمد
اماني : سعيد !
سعيد ب توتر : سمي
اماني : مابي ازوج ولدي ذي سُلاف
سعيد : ءءء انتي تدرين ان محد يقدر يكسر كلمت ابوي
اماني : سعيد ! روح قول ل احمد مافي زواج من ذي بنت اخوك
سعيد: اماني انتي ما تتذكرين علاقة احمد فيك انتي
اماني بتعب وخايفه ان احمد يقول سالفتها ل سعيد
( راح نعرف السالفه ب البارتات )
اماني : يمكن يسمع منك
سعيد : طيب وش سويتي انتي عشان احمد كره يجلس ب البيت و ما صار يتكلم معك
اماني: ءءء ولا شي
سعيد انسدح على السرير : طفي النور وش اسوي ما نقدر نكسر كلمة ابوي
قامت اماني طفت النور ورجعت نامت
في بيت الجد جابر ....
خالد: ورع فزاع قوم ساعدني
فزاع : يدي تعورني مراح اقوم
خالد : مالت عليك
جات ساره : شفيكم انتو ؟
خالد تعدل وعدل شعره : تعالي ساعديني الحمار عيا يجي يساعدني
ساره كتمت ضحكتها : تمام
جات وريف معها الشاي و روان معها المكسرات
روان : خالد دقيت على جبر ؟
خالد :لا يقو.....
فجاء دخل عليهم جبر ب الحديقه
جبر : السلام عليكم
خالد: هاذا هو جاء لو طارين مليون
جبر : شفيكم
روان : كنت اسأل عنك
جبر : اشتقت لك وينك مختفيه
روان : انت المختفي
جبر حك راسه : صادقه والله عندي شغل واجد
خالد: يلا اجلس
جبر :بروح اخذ شور و اجي
راح جبر ياخذ شور و جلسو الكل على شكل دائره
وريف : وين فيصل
خالد : اكيد جاي
دخل عليهم فيصل معه صقر على يده
فيصل : هاي قايززز
فزاع ابتسم : وش جايب انت !
فيصل : هاذا صقري توني شريته
خالد: انت وين و الصقور وين
فيصل : احترمني عمك
خالد: دز يا شيخ
روان : فصوللل يجننن بس
فيصل : بس شنو
روان بخوف : بيروح معنا بكره ب السياره !؟
فيصل : اي شفيك
روان: نو بليز اخاف
فيصل : اجل روحي مع زوجك
عطت روان فزاع نظره و صدت وهي للحين زعلانه منه على الى سواه
فلاش باك في غرفه فزاع
روان : اليوم وضفت شاب سعودي معنا كيوت توه صغير وخليته يشتغل معي
فزاع تنرفز : وش كيوت !
روان باستغراب : شفيك ؟
فزاع وقف بعصبيه : انتي جالسه تمدحين رجال قدام زوجك !
روان:شفي...
فزاع مسكها مع معصمها و دفها بقوى على السرير : ثاني مرا جيبي طاري رجال عندي اكسر راسك
روان كانت منصدمه من عصبيته المفاجاء
نرجع للواقع
جاء جبر : يلا وش الجدول
روان بحماس : شرايكم نسوي قهوه
وريف : يلا قومي تم
راحت روان تجيب ادوات القهوه و جات جلست
جبر : اسمعو اليوم صار عندي شي غريب ب العياده
فيصل : وش
جبر : جاء عندي رجال يعني تقريباً كبر عمي مشعل
فيصل : اي شفيه
جبر : يا جماعه نسخه عمي مشعل حتى اسمه
خالد: طيب وش اسمه ؟!
جبر : اسمه مشاري جابر
فزاع بصدمه : منجدك !
جبر : اي والله و جات معه بنته وجلس عندي و يقول عنده ثلاث عيال و بنتين و متزوج وحده هو يحبها بس ابوه تبراء منه عشان ما يبيه ياخذها
روان : طيب خالد تقدر تجيب علومه لنا
خالد: ايه اقدر
وريف : اي خلاص جيب علومه مستحيل نسخه ابوي و اسمه مشاري جابر
خالد: فيصل ما تتذكر اذا كان عندكم اخو قديم و صار شي بينكم نفس كذا
فيصل يحاول يتذكر: كان عندي اخو بس مدري وش اسمه بحكم اني كنت صغير بس قال ابوي انه توفى
جبر : واضح في شي
جاه اتصال
جبر : ياعيال هو الى يدق
فيصل : رد رد
جبر رد : الو
مشاري ابو جابر : الو ياولدي يا جبر
جبر : سم يا عم وش بغيت
مشاري ابو جابر : تكفى ياولدي تعال بيتي بنتي طاحت علينا و مدري وش فيها
جبر قام بسرعه : يلا جاي ياعمي ارسل الوكيشن
قفل جبر والتفت على وريف : تروحين معي ؟
وريف قامت : يلا
طلعت وريف معه بسرعه بحكم انها كانت لابسه عبايتها اوردي
فزاع التفت لهم : الموضوع يخوف
خالد: اكيد بينكشف كل شي
روان : يلا تصبحون على خير
ساره : وانتي من اهله
شافها فزاع وقام بسرعه يبي يتكلم معها
فزاع بهمس : روان روان
طنشته و كلمت مشي ل غرفتها
فزاع دق الباب ودخل
فزاع : اكلمك ليه ما تردين
روان : اطلع برا ابي انام
فزاع : روان ءء صدقيني الى صار بلغلط
روان : ما يهمني اطلع
فزاع : خلاص اسف
روان : قلت لك ما يهمني اطلع
تنهد وطلع
عند جبر ووريف ب السياره
وريف : خايفه
جبر لف عليها : ليش؟
وريف : تتوقع يكون اخوهم
جبر : مدري بس تتوقعين نسوي تحليل ؟
وريف : كيف ؟
جبر : عادي ناخذ من جدي جابر خصله من شعره و خلصه من شعر مشاري ابو جابر
وريف : وصلنا؟
جبر وقف سيارته : اي وصلنا
وريف : متأكد ذا بيتهم
جبر : اي
وريف : البيت واضح ب نفخه بيطيح
جبر : امشي امشي
كان جبر ماسك شنطه الاسعاف وواقفين
طلع اهم ابو جابر وشاف البنت المحجبه
ملاحضه ( وريف محجبه بس روان و ساره منقبات )
شاف البنت المحجبه ملامحها مو غريبه عليه ملامحها تشبه اخوه التوام
جبر : السلام عليكم
مشاري ابو جابر تدارك نفسه : وعليكم السلام
جبر : شخبارك ياعم
مشاري ابو جابر: بخير الحمدالله ما عرفتنا زوجتك ؟
وريف خجلت : ءءء لا بنت عمه و دكتوره معه
مشاري ابو جابر: حياكم
دخل قدامهم
جبر بهمس ل وريف : امسكي يدي
وريف : ايش!
جبر : امسكي يدي و انتي ساكته البيت شكله يخوف
مسكت يده وريف و هي ترجف
دخلو معا ابو جابر و جلسو
جبر : وين المريضه
مشاري ابو جابر: جايه انشاءالله
جبر : ءءء ياعم
مشاري ابو جابر: سم
طلع صوره جبر من جواله:تعرف ذا ؟
مشاري ابو جابر عرف الى بصوره ويعرفه زينننن
مشاري ابو جابر:ءءءء
دقيقه خلونا نعرفكم على اهل مشاري ابو جابر
مشاري ابو جابر: واحد على قد حاله كان غني لاكن صار على قد حاله و تزوج وحده اهله ما يبونها بس هو يبيها ( راح نعرف قصتهم) يحب بنات وعياله مرا عمره 47
زوجته امل تزوجت مشاري وهي تحبه وهو يحبها مرا عمرها 46
ولدهم جابر : حاله حال نفسه يحب اهله مرا متزوج من ترف يشتغل طيار عمره 29
ترف زوجت خالد : شخصيتها نفس زوجها ما عندهم عيال عمرها 26
ثاني عيال مشاري ابو جابر( فارس ): يشتغل دكتور شخص يحب البحر بشكل مو طبيعي عمرها 27
ثالث عيال ابو جابر ( كاسر): شخص فلاوي و يحب الضحك لاكن بوقت الجد جد يدرس اعلام عمره 23
بنات ابو جابر ( حصه - حور ) : توام نسخه من بعض يدرسون اخر سنه ب الثانوي عمرهم 17
نكمل
مشاري ابو جابر :ءءء من انت
جبر عرف انه عرف الى ب الصوره : انا جبر بن عبدالله بن جابر
مشاري ابو جابر : انت ولد عبدالله !
جبر : يعني تعرف الى ب الصوره
مشاري ابو جابر نزل راسه : اي نعم اعرفه
مشاري ابو جابر :.........
هاي حبايبي آسفه على التاخير بنكمل اليوم الساعه 1 تقريباً
عطو البارت حقه 🤎.
انشرو القصه 🤎.
أنت تقرأ
ياهل المحبه ذاب قلبي بحبه..
Açãoبسم لله اللهم صلي على محمد انا كاتبة مبتداء عطوني رائيكم ب الروايه سواً سلبي او ايجابي. الكاتبه : عُذوب عبدالله 🤎.
