جناح روان و فزاع
دخل فزاع : سلام
روان بتعب : وعليكم السلام
فزاع ناظر بطنها و ابتسم : ياويلي يا بنت لا يكون حامل بتوأم بطنك كبير !
روان صرخت : فزاعععع
فزاع جاء يركض : شفيك !
روان بتعب : بطني بطني احس بولد
فزاع : حبيبي توك داخله الثامن !
روان : يا زفت مو وقتك تسأل ودني المستشفى
فزاع وهو توتر من صراخها: وش اسوي!
روان : الله يقلعك ياحمار يا زفت انقلع قول ل امي
فزاع : ابشري انا حمار وانا زفت بس لاحد يولد ب الغرفه
روان رمت عليه الفاين و ساعدها فزاع تلبس عبايتها : جب شنطة المستشفى
فزاع : ليش!
روان صرخت : الله لا ياخذك انا وش زوجني ذا الغبي فزاعععع يمكنننن ولادهههههه
فزاع : صح صح
روان بكت: اهخ اطلع كلبه اذا حملت مرا ثانيه
اخذ الشنطه وركض تحت و جاو معهم ام جبر و ام فزاع
كانت السياره صراخ روان
ام جبر : بس يأمي بس
روان : يما بولددد
ام فزاع : فزاع اسرععع شكلها ولاده واضح
في المستشفى
ركضو الممرضين يدخلونها غرفة الولاده
جاء الدكتور يركض
فزاع : وش
الدكتور وهو مستعجل : ولاده ولاده
فزاع جلس يدعي ربه تقوم زوجته ب السلامه وولده
ام جبر : فزاع حبيبي روح احجز لها جناح
ام فزاع : وانا كلمت المصممه حقت الديكور الى حاجزتها روان تجي تحط الديكور
( الاستقبال الى يكون عند الباب و الاستقبال الى داخل اتمنى فهمتو)
فزاع : انتو روحو البيت واذا ولدت بقول لكم
ام جبر : تمام
راحو ام جبر و ام فزاع البيت و جلس فزاع ينتظر روان تولد
الصباح عند العرسان
قامت وريف بتعب وشافته للحين نايم جلست تتأمله شوي وصرخت بخفه يوم فتح عيونه : يمااا
جبر ابتسم : يالله صباح خير
وريف سكتت بخجل : صباح الخير
جبر : احلى صباح
وريف جات بتروح سحبها جبر : وين وين
وريف : بروح اخذ شور و البس
جبر : مالي شي مع الصباح ؟
وريف : غمض عيونك
جبر ضحك و غمض عيونه ضربته وريف بخفيف على شفايفه و هربت الحمام تلبس
جبر ضحك : هين هين
وريف ضحكت : دز امها
جبر ابتسم ووقف اخذ شور ب الحمام الثاني ( وانتو بكرامه ) و طلع لبس تيشيرت ابيض و شورت اسود و خلا شعره على راحته طلع وراح تحت يطلب الفطور لهم فوق
عند وريف خلصت من الشور و طلعت ما شافته و ارتاحت سوت سكن كير و حطت ميكب خفيف و رفعت نص شعرها و لبست فستان اصفر على ورود يوصل لين نص الفخذ وحطت عطر و طلعت شافته توه داخل ابتسمت يوم صفر
جبر صفر : توء توء صدق الى يقول الزين زين لو قام من النوم
وريف ابتسمت : كذا بتخليني نرجسيه
جبر ابتسم: يحق لك ما يحق ل غيرك ، تعالي افطري
وريف تقدمت : اوف جوعانه
شهقت يوم حاوطها جبر :جبر!
جبر ابتسم: عيونك و روحه
وريف بعباطه: بس عبونك و قلبك !
جبر ضحك : عيوني و روحي و قلبي و حياتي و دنيتي و فُلذة كبدي
وريف ابتسمت وباست خده :الله يخليك لي
جبر ابتسم : ويخليك لي
وريف بلعت ريقها : ما ودك نفطر
جبر بعد عنها و ضحك : سمي
في المستشفى
خلص فزاع و حجز الجناح و ركبو الديكور و روان من ٧ ساعات ب غرفة العمليات ابتسم وهو يشوف اسم ولده " تميم بن فزاع " و الورد الأبيض حاواليه
طلع الدكتور و هو مبتسم : مبروك جابت ولد
فزاع سجد ل ربه بفرحه و حمد ربه وقف وهو يمسح دمعه نزلت منه لكن بسرعه وقف وهو تو يستوعب : كيف زوجتي ؟
الدكتور نزل راسه : الأم بحاله سيئه لكن الولد بخير
فزاع فز بسرعه وقال بحده : وش علي من الولد زوجتيييي شفيهااا تكلممم
الدكتور : الحمل كان مُتعب عليها و على جسدها الصغير و نقص علينا الدم يلزمنا دم ضروري
فزاع صرخ : انا اتبرع لها بكل دمي !
الدكتور : انت نفس فصيلتها ؟
فزاع : اي اخلص علي
جات السستر و خذت من فزاع دم بكميه كبيره : انتبه على نفسك اذا استفرغت او حسيت ب هبوط لازم تجي بسرعه و حاول تأكل فواكه كثير
فزاع هز راسه و دخل الدكتور : الحمدالله زوجتك بخير وولدك ب الحصانه
فزاع وقف بتعب : هي بخير ؟ صحت ؟
الدكتور: نص ساعه و تصحى
وقف فزاع و حس بدوخه لاكنه تجاهل و كمل طريقه يشوف زوجته وولده و ارسل ب قروب احفاد جابر ( الحمدالله الذي بنعمته تتم الصالحات رزقني الله ب تميم بن فزاع )
و ابتسم وهو يشوف تبريكات اهله
عند روان صحت بتعب و شافت التجهيزات و ابتسمت بخفه
دخل فزاع و ابتسم : يا مرحبا بأم تميم
روان ابتسمت يوم تقدم و باس راسها
فزاع : شخبارك يا دهر قلبي و رجعانه ؟
روان ابتسمت : الحمدالله بخير اخبارك واضح مو نايم ؟
فزاع ضحك و حرك شعره : أي والله
و هي تشوف طفلها داخل مع النيرس
فزاع وقف : ماشاءالله ماشاءالله
شال الولد : هاذا تميم بن فزاع
روان ابتسمت و خذته دمعت عيونها: شنو هاذا صغير مرا!
فزاع ابتسم وباس راسها : الحمدلله على سلامتك
روان ابتسمت: الله يسلمك
مسكت يده بسرعه يوم حست فيه بيدوخ : فزاع شفيك ؟!
فزاع : لا بس مصدع
روان : متأك....
قاطعها دخول الدكتور : السلام عليكم
ردو السلام
الدكتور ابتسم: مبروك اخت روان الطفل ب أفضل حال و انتي كذالك بفضل الله ثم زوجك قمتي بخير و سلامه
فزاع شد على اسنانه ما كان يبي روان تعرف لفت روان بأستغراب : فزاع ؟
الدكتور : اي فزاع نقص عندك الدم و هو تبرع لك
فزاع بحده : يعطيك العافيه
الدكتور بلع ريقه من منظر فزاع: ا الله ي ي يعافيك
روان : انت تبرعت لي ب الدم؟ليش ما قلت لي
فزاع تنهد : اذا قلت لك مراح توافقين
روان سكتت و مسكت يده ضمته بهدوء : الله لا يحرمني منك
فزاع ابتسم و باس خدها : ولا منك
بكى تميم فزاع ناظره بذهول : من بدايتها !
روان انفجرت ضحك : حرام يمكن جوعان
دخلت النيرس : سلام انا يسمع صوت بيبي يبكي لازم سوي اكل
روان هزت راسها بحرج من وجود فزاع طلع النيرس و لف فزاع عليها
روان ناظرته : خير!
فزاع ابتسم: تقول لك رضعيه
روان : انقلع طيب!
فزاع ضحك: ماني طالع انتي زوجتي
روان بخجل : فزاعععع
فزاع ضحك ووقف : بس المره ذي
روان : دز امها
فزاع لف عليها ورفع حاجب ابتسمت روان بطفوليه : امزح 😊
فزاع ضحك و طلع
أنت تقرأ
ياهل المحبه ذاب قلبي بحبه..
Actionبسم لله اللهم صلي على محمد انا كاتبة مبتداء عطوني رائيكم ب الروايه سواً سلبي او ايجابي. الكاتبه : عُذوب عبدالله 🤎.
