عند فزاع و روان .......
فزاع بطفش : روان
روان : هلا
فزاع : دقي جبر يجي
روان : تمام
دقت عليه و جاء جبر
جبر : السلام عليكم
روان و فزاع :'وعليكم السلام
فزاع : اسمع الحين ابيك تطلعني من المستشفى
روان : ايش !
جبر : منجدك انت ممنوع مااقدر اطلعك
فزاع وهو بدا يتنرفز : بتطلعني ولا شلون؟
جبر : فزاع اعقل توك انت ممكن جرحك ينزف
روان : فزاع تكفى المستشفى آمن لك
فزاع وهو مايحب يشوف نفسه ضعيف همس ل روان : انتي اسكتي
روان زعلت مرا
وقف فزاع و خذا جواله
جبر : ولد شفيك انت !
فزاع : حبيت اعطيك خبر بس ولا ترا سيارتي برا قلت ل كومار يجيبها
جبر : وكيف بتسوق انشاءالله!
فزاع بعصبيه : جبر ! خلاص
جبر لف على روان : قولي شي
روان وقفت : انا ما يحق لي اتكلم لازم اكون ساكته بس
عطت فزاع نظره و عرف انها زعلت
طلعو فزاع و روان من المستشفى
فزاع : بنت!
روان طنشته و مشت
فزاع مشى بسرعه ووقف جنبها و مسكها مع معصمها : وش ذي الحركات
روان طنشت ما ردت
فزاع : ما اقدر اركض وراك تفهمين لا تسوين حركات بزران
روان : شقصدك ! يعني انا بزر
فزاع مسح على وجه : لا الها الا الله
مشو و ركبو السياره وتحركو ل بيت الجد
بيت الجد سعد في غرفه سُلاف
كانت جالسه تبكي
اصايل : سُلاف تكفين وافقي عشان ابوك و جدي
سُلاف : كيف كيف انا واحمد ! مستحيل
عُذوب : اتزوجو بس على الورق تكفين ما نبي علاقت ابوك و جدي تنتهي
اصايل : بعدين احسن عشان تكملين دراستك ب كندا مع احمد و ترا احمد ما بقى له الا سنه وانتي بعد باقي لك سنه
سُلاف : مقدر مقدر
دق الباب
عُذوب : من
.......: انا احمد اطلعو بكلم سُلاف
اصايل : احمد !
سُلاف : لا تطلعون بليز مابي اكلمه
عُذوب : لازم نطلع ولا تعرفين احمد وش بيسوي فينا
احمد بنرفزه: مطولين !
طلعو اصايل و عُذوب
اصايل : احمد بليز شوي شوي على البنت
احمد : وش بسوي انا باكلها !
عُذوب : هي تقصد كلمها شوي شوي
احمد : مب شغلكم و اطلعو
دخل احمد عند سُلاف
احمد بدون يناظرها بحكم ان سُلاف للحين مو حلال له : اسمعي يا بنت عمي اتمنى انك توافقين علي مو عشاني ولا عشانك بس عشان عمي و جدي اذا رفضتي بتصير مشكله كبيره واذا تزوجتك مراح يصير شي الا برضاك زواجنا راح يكون على الورق فقط بتزوج و باخذ معي كندا و بخليك تكملين دراستك معي و كلها سنه واحنا راجعين ل السعوديه ، اتمنى تفكرين ب كلامي مع السلامه
سُلاف بسرعه : ءء احمد
احمد : هلا
سُلاف : اوعدني
احمد : على ايش
سُلاف : ان زواجنا يكون على الورق فقط
احمد : اوعدك وترا انا ما افكر فيك عندي حبيبتي
سُلاف : احسن
طلع احمد بدون كلام
في بيت الجد جابر
كانو جالسين كلهم يتقهوون مع بعض
دخلو روان و فزاع
الجد جابر: فزاع !
خالد ضحك : سويتها كفو عليك
فزاع : كفوك الطيب يا ولد العم
الجد جابر ضرب ب عصاه كتف فزاع اليمين : وجع يا الى ما تستحي كيف تطلع من المستشفى و جرحك ما طاب
فزاع : اهخخ يا جدي كتفي اليسار مصُاب و الحين انت ماشاءالله كسرت كتفي اليمين
حنان ام فزاع : اجلس يما اجلس
الجد جابر: روان !
روان بتوتر :لبيه ياجدي
الجد جابر بعصبيه :وينك عن ذا الداشر
روان :ءء جدي محد يقدر عليه
فزاع اجلسو اجلسو خلونا نتقهوى
حنان ام فزاع: شخبارك يا ولدي انشاءالله بخير
فزاع بمزح: كنت بخير بس عقب ضربت جدي زاد الوجع
الجد جابر: تبي وحده ثانيه ؟
فزاع : لا حشى
الجده حصه : بقوم اسوي لك شوربا
فزاع بسرعه : لا لا تكفين شبعان
الجده حصه : انت خسرت دم واجد يا ولدي لازم تاكل
فزاع : بس شبعان
خالد ضرب فزاع مع راسه : ورع
فزاع : شتبي
خالد: شرايك نطلع نكشت
فزاع صارخ : قدامممم
عبدالرحمن ابو فزاع: خير انشاءالله
فزاع : ها ولا شي
عبدالله ابو جبر: وراهم بلا
خالد ب استغراب : لا بس بنطلع نكشت
فزاع ضربه : يا حمار
خالد: وش
فزاع : الحين بيقولون مافي روحه عشاني تعبان
خالد ضرب جبهته : يليل
الجد جابر: مافي روحه للبر
فزاع : ياجدي تكفى بنروح عند حلالك ب البر وانت ماشاءالله عليك مخيمك كأنه فندق خمس نجوم كل شي فيه
الجد جابر : اذكر الله
وريف : جدي شرايك نروح معهم
خالد : لا وش تبون بنطلع انا و فزوعي لحالنا
فزاع بقرف : الله يمغصك
مشعل ابو وريف : اترك بنتي يا خويلد
ساره : جدي تكفى خلنا نروح معهم نستانس ب الخيل و الابل
خالد وهو يتاملها : اي جدي خلهم يروحون معنا
وريف دقت ساره وضحكت
الجد جابر : مدام بناتي يبون شرايك يام عبدالله
الجد حصه : والله الساعه المبارك اشتقنا ل للبر
روان وهي ما تحب البر مرا :اوف مانبي البر روحو لحالكم
فزاع : ليش ؟
روان وهي تبي ترد له الحركه همست له : انت اسكت
فزاع كتم ابتسامته وعرف انها ردت له الحركه
فيصل : روان امشي الطلعه بدونك ولا شي
روان : ب شرط
فيصل : وش ؟
روان : اروح معك ب سيارتك
فيصل ب وناسه : اوف اوف الشيخه روان بتروح معي ياحضي بس حياك السياره وراعيها تحت امرك
روان ارسلت له بوسه : احبكككك
فيصل : اعوذ ب الله
روان :شفيك !
فيصل : في ناس غيرانه
روان ما فهمت ؛ من؟
فيصل اشر على فزاع روان عطت فزاع ونظره ولفت
وريف : خير خير وش قلة الادب بنروح معكم احنا بعد
فيصل : ما اتحمل كذا
ضحكت ساره : كيفك عاد بنروح معكم
فيصل : حياكم حياكم
الجده حصه : متى بنمشي
الجد جابر : شرايكم بكرا العصر ؟
مشعل ابو وريف: حلو تمام
الجد جابر : هلا جهزو كل شي وانا بدق على عمال المخيم يرتبونه
ساره وهي تعشق الخيل : تكفى يا جدي خلهم يجهزون الخيول
الجد جابر: ابشري يا الشيخه
في بيت جميله ام محمد ......
بارت خفيف لطيف 🤎
عطو البارت حقه و انشرو القصه 🤎.
أنت تقرأ
ياهل المحبه ذاب قلبي بحبه..
Actionبسم لله اللهم صلي على محمد انا كاتبة مبتداء عطوني رائيكم ب الروايه سواً سلبي او ايجابي. الكاتبه : عُذوب عبدالله 🤎.
