عند جبر نزل وهو كان يفور شافه العامل وجاء
سمير : هلا بابا جبر
جبر بحده : الحين تاخذ كل العمال و تطلعون من العزبه مابي احد تفهم
سمير باستغراب : بس عمي جابر ( يقصد الجد جابر) موصينا ما نقدر نروح ونخلي الأبل و الخيول و الصقور
جبر صرخ بعصبيه : سميرررر قلت لك خذ العمال ورح لكم اجازه من عندي بس ابي عامل واحد يكون موجود و يويلك يا سمير ان احد عرف اني موجود ب العزبه
سمير بلع ريقه : ابشر يا عمي بخلي لك اختيار ( العامل )
هز راسه جبر وهو جاء هنا لأن المكان الى يحب يجلس فيه هو عزبه الجد جابر دخل بيت الشعر و جلس يفكر سبب رفضها وهي كانت موافقه هو متأكد في احد قايل لها شي
في جناح روان و فزاع
دخل وشافها جالسه ب الصاله و في كيكه و قهوه
جلس جنبها و فصخ شماغه :شخبارك ؟
روان ابتسمت : بخير
فزاع : وش الطاري كيك و قهوه ؟
روان : خلك منها ماتدري جبر وين ؟
فزاع هز راسه: لا والله لاكن بكرا انشاءالله بشوفه هي ليش رفضته ؟
روان : ما كلمتها للحين
قصت له كيكه و استغرب فزاع من لونها الأزرق : ليش لونها ازرق ؟
روان ابتسمت و مسكت بطنها ناظرها بذهول وهو توه يفهم : احلفي !
روان ضحكت : والله
صرخ بفرحه و قام ينط قدامها : الحمدالله الحمدالله
روان : رحت مع ساره و كشفنا
باس راسها: الله يطول بعمرك يأم تميم
روان ابتمست: تميم ؟
فزاع : من زمان خاطري ب الأسم ذا مو عاجبك ؟
روان : لا ب العكس حلو تميم بن فزاع
فزاع ابتسم و جلسو يتقهوون
في جناح خالد و ساره
جلست تنتظره لوقت طويل هي تعترف انها غلطانه يوم رفعت صوتها عليها و عاندته وهو ما طلب منها شي صارت الساعه 1:30 وهو للحين مو مبين دقت عليه ورد بعد وقت
خالد بهدوء : نعم
ساره : ءءءء وينك؟
خالد : وش تبين ؟
ساره تنهدت بهدوء : خالد وينك ؟
خالد : في المجلس تحت
ساره : طيب ليش جالس ب المجلس لحالك؟
خالد بحده : ساره شفيك ! تحقيق هو
ساره بزعل واضح : خلاص طيب
سكر خالد بدون رد
وقفت ساره و دخلت الغرفه و بعد تفكير طويل نامت
اليوم الثاني على الفطور
الجد جابر ناظر ام جبر : جبر ما جاء ؟
ام جبر تنهدت : لا من امس مو مبين
الجد جابر للعيال : ما كلمكم
ردو كلهم ب لا
الجد جابر ناظر وريف الى لابسه الآبكوت و جلست تفطر
الجد جابر بهدوء : ليش رفضتي ولد عمك يا وريف
وريف تنهدت بهدوء: لأني مابيه
خالد بحده وهو منقهر على اخوه : ليش ما قلتي انك ما تبينه من اول ! عاجبك كذا من امس وهو مو موجود ب البيت طلع وهو منقهر حطيتيه ب موقف بايخ قدام اهله و اخوياه جبر رجال وما يعبيه شي مليون بنت تبيه واذا انتي ما تبينه ليه ما تكلمتي من اول
ليششش
وريف بسخريه: روحو زوجوه ال مليون بنت
ابو وريف : وريفففف
الجد جابر صرخ بحده: بسسس
وريف وقفت بعصبيه : انا الى احدد اذا ابيه ولا لا تفهمون هاذا قراري ومحد بيغصبني على شي ما ابيه جبر ما يعبيه شي لكن انا استخرت و مابيه
خالد بحده : كان تكلمتي من قبل يا بنت مشعللل
وريف : هييي انتتت ما عاش الى يرفع صوته علي تفهمممم
خالد بحده : ورب البيت ذا ان ما سكتي لأقوم عليك
وريف ضحكت بسخريه : وش بتسوي ياولد عبدالله
خالد وقف : بكسررر راسككك المرفوع على ولا شي
ابو جبر صرخ : خالددددد اجلسسسس مكانك
خالد جلس بعصبيه و وريف جلست بعد
الجد جابر وقف : انا رايح العزبه
ابو فزاع :وش عندك يا بوي
الجد جابر: جبر هناك و ابي الكل يجهز اغراض بنجلس ب البر ثلاث ايام بما انه اجازه انا رايح الحين مابي يجي العصر الا اشوفكم كلكم موجودي و بيجي اخوي سعد و بتكون ملكت فارس اليوم ب البر العيال جيبو امهاتكم. البنات و جدتكم
الجده حصه ابتسمت : زين زين اجلس بقوم اجهز الاغراض
وقفو الأمهات يجهزون بعد
أنت تقرأ
ياهل المحبه ذاب قلبي بحبه..
Hành độngبسم لله اللهم صلي على محمد انا كاتبة مبتداء عطوني رائيكم ب الروايه سواً سلبي او ايجابي. الكاتبه : عُذوب عبدالله 🤎.
