فزاع بضحك : ابد جالسين نسولف
ساره جلست معهم : الله يدوم
خالد بصوت : يا ولد فزاع
فزاع بهمس : قاتل المتعه
قرصته روان : ترا اخوي
فزاع عطاها نظره ورفع صوت : هلااااا
خالد : بجيك عندك احد
فزاع : تعال عندي روان و ساره تغطت
تغطت ساره و دخل خالد : وش تسوي انت و مخليني لحالي ب المجلس
فزاع : اجل وين جبر ؟
خالد : راح ينام
روان : وانت ليه صاحي
خالد : ما فيني نوم
فزاع : امش امش جدي بيقومنا من صلاة الفجر
خالد : يلا تمام
راح الكل عرفته ينام
في بيت الجد سعد
( هو عياله في بيت واحد ب الديره اما المدينه كل واحد له قصره)
الجد سعد : بكرا ابيكم تساعدوني
سعيد : ابشر يا بوي
اماني : سعيد !
سعيد ارتبك : ها سمي
اماني : امش وراي
طبعاً على طول راح وراها
هز الجد سعد راسه بأسه : ذا الولد الله يصلحه
ناصر : معليكم يابوي كل شي بيكون جاهز و احفاد عمي جابر بيجون يساعدونا و البنات نظفو المجالس
الجد سعد : يعطيكم العافيه يا بنات
اصايل : يعافيك
عذوب و سلاف: الله يعافيك
الجد سعد : يلا تصبحون على خير
الجده مريم : وين
الجد سعد : بمسي وراي قومه من الصبح
راحو الجد سعد و الجده مريم ينامون و كذالك ناصر ابو احمد و منير ام احمد
باقي ب الصاله البنات جلسو يسولفون
الصبح الساعه 4:30
الجد جابر وهو يدق الباب على العيال : قومو ياولد روحو ساعدو اخوي يا جبر يا خالد يا فزاع قومووو
فزاع فتح باب غرفته وهو يحرك شعره وفاتح نص عين : ها يجدي
ضربه الجد على راسه : هويت في بيرً ماله قاعه
فزاع صحصح عقب الضربه : اه يجدي سم سم
طلع من الغرفه وراح الحمام وشاف روان : وش مقومة انتي
روان : اصلي شايفني نفسك
فزاع : اكرميني بسكوتك و اطلعي بدخل اول
روان : اذلف انا اول
فزاع : يليل وخري
فجاء شافو جبر وهو يدخل و يقول : دز انتي و هو
فزاع : يليل
راح الحمام الثاني
و راحو العيال يصلون و يساعدون الجد سعد
الساعه 12:30 في بيت الجد جابر
كانو الكل جالس يتغدا
عبدالله : وين روان يا نوره
نوره : مدري كانت تاخذ شور
فجاء نزلت روان وهي مستعجله
روان : جدي تكفى ابي السايق يوديني الشرقيه
الجد جابر : وش صاير في شي
روان : جدي فيه مناديب بتجي الكوفي ولازم استلمها بنفسي عشان العيد بكرا و الكوفي بيكون عليه زحمه
الجد جابر: والله يا روان كومار ( السايق ) عند اخوي سعد يساعده
روان: اهخ وش اسوي
الجد جابر : فزاع زوجك هو يوديك
روان وهي ما عندها حل ثاني الا توافق و تأففت : طيب طيب
الجد جابر: وش قلت يا فزاع
فزاع : ابشر اصلاً انا رايح عندي اشغال
لف على روان و عطاها مفتاح السياره : روحي السياره بلبس بدلتي العسكريه و جاي
راحت هي وجلست ب السياره و طلع فزاع و شعره يحركه الهواء و رافع اكمامه ولابس بدلته بدون الجاكيت و الجاكيت على يده
ركب السياره
فزاع : بسم الله توكلنا على الله
مشى ووقف عند محطه
فزاع بهدوء : تبين شي ؟
روان وهي نفسيتها تبن الله يكرمكم : اسكت لا تكلمني
فزاع انصدم : خير وش ذا الاسلوب
روان انفجرت : ياخي اسكتتت لا تكلمنييييي وافقت انك توصلني عشان ما عندي حل ثاني انا اكرهك مابي اسمع صوتك اذااا شفتك تجيني لوعه انغصبت اتزوجك عشان عمي و ابوي انا بنيت 1000 خطوه بيني و بينك لا تعلقني فيك ولا تتعلق فيني
فزاع انصدم و انقهر لأكن تكلم بهدوء و قهر : شفيك انتي امس كنتي وش زينك وش غيرك بيوم و ليله !!!
روان : مالك شغل افهم ! لا تكلمني اكرهك
فزاع تنرفز : ابشري يابنت عمي مراح اكلمك
طلع من المحطه وهو ما شراء شي
اما روان انقهرت من تصرفها و حست انها كسرت فزاع كان حاب يعطيها شي تاكل لاكن هي صدمتها وكل هاذا صار من الهرمونات
كمل فزاع طريقه وهو مسرع
عند وريف و ساره
كانو جالسين بغرفه ساره
جبر دق الباب : ساره عندك احد ؟
ساره : تعال مافي الا وريف
دخل جبر و جلس معهم
جبر : بسألكم وين فزاع و روان ؟
وريف : راحو الشرقيه
جبر : ليه
ساره : عشان روان تستلم اغراض الكوفي
جبر: اها ، طيب طفشان وش تسوون انتو
ساره : نلعب جاكارو ؟
وريف و جبر : تم ، طيب
راحت ساره تحت اجيبها و بقت وريف و جبر ب الغرفه
جبر : ها دكتوره وريف شخبارك
وريف بنظره : بخير دكتور جبر
جبر وهو يكذب عليها : ترا نقصتك ب التقييم
وريف غصت ب الماء :ايش !
جبر : اي
وريف : ليه يا حيوان
جبر : لأنك تخافين من الدم مدري كيف دخلتي طب
وريف : اول شي مب شغلك كيف دخلت ثاني شي ما اخاف من الدم
جبر : نشوف اذا رجعنا
دخلت ساره : يلا
بدو يلعبون
عند فزاع و روان
توهم داخلين الشرقيه و قضو الطريق و هم ساكتين و مكالمات فزاع مع العسكر
روان بهدوء : وقف عند ذا الكوفي باخذ شي اشربه
وقف فزاع بدون ولا كلمه و طلب قهوه سوداء و كورسون
روان عرفت انه زعل لاكن مو أي زعل لااا زعل منجد
خذا اطلب و عطاها و مشى
روان : وقف ذي مو لي
فزاع بهدوء : طلبتها لك لأنك ما افطرتي
وصد عنها
اما عند روان تأنيب الضمير وصل اقصاه من احترام فزاع وانه ما نساها
وصلو الكوفي و نزل فزاع معها
روان : ما تقول عندك شغل ؟!
فزاع : اذا خلصنا من الكوفي بنروح ل مكتبي و اذا ما تبيني انزل عادي ارجع
روان بسرعه وهي ما تبي تعصبه اكثر : لا لا مو قصدي حياك
دخلو و صكو الكوفي عليهم لأن مافي دوام اليوم
جلس فزاع و حط النظاره على شعره و جلس يشتغل على الابتوب حقه ولابس السماعه
اما روان استلمت المناديب و بدت ترتبهم على حسب النوع و الشكل
الساعه 4:30 العصر في بيت الجد سعد
عند البنات
اصايل : بنات البس احمر؟
عُذوب : امممم اجل العيد وش بتلبسين ؟
اصايل : اسود
سُلاف : اجل البسي الاحمر اليوم
اصايل : تمام
دخلت عليهم الجده : تعالو و صل احمد
ركضو كلهم و اما سُلاف لبست عبايتها و نزلت
احمد : هلا هلا
اصايل ضمته : اشتقت لك يا الشايب
احمد : هلا ب دكتورت الحيوانه
اصايل : وجع تراني دكتورت بشر بس اذا تبي ما عندي مشكله اعالج الحيوانه تعال
احمد: هههههههههههههههههههههههههههههههههههههههههه ام لسانين
عُذوب : يوه وخري ترا اخوي بعد
احمد : هلا ب قلبي و روحي
عُذوب : ياروحي نورت السعوديه
احمد : ء...
اصايل : اح اح تقول لها روحي و قلبي و مدري وش وانا ؟
احمد : انتي نبي نفتك منك و تتزوجين و خلي زوجك يقول لك
اصايل : موت حرا على كبدك
سُلاف بصوت هادي و ناعم : شخبارك أحمد الحمدالله على السلامه
احمد نزل عينه : هلا سُلاف الله يسلمك بخير الحمدالله
الجد سعد : روح بدل و الحقنا المجلس
احمد وهو يحك راسه ب فشله: بس ياجد كل الى عندي بدل و شورتات
الجد سعد : اعقب ما عندك ثياب وش تطلع فيه ل الرياجيل
و ربعنا الى بيجون من الكويت و قطر عشانك
احمد: جدي ريلاكس
الجد سعد : اعقب وش كرلاكس ذا
انفجرو البنات يضحكون
اصايل بضحك : ياجد يعني اهداء
الجد سعد : ءء....
اماني : شوي شوي على ولدي
الجد سعد : وش قلنا ل ولدك مب شغلك اكرمينا بسكوتك
اماني سكتت و لفت على احمد : تعال خذيت لك ثوب من فزاع ولد اختي
راح احمد يبدل وراح الجده و عياله سعيد و ناصر المجلس يستقبلون ضيوفهم
عند فزاع و روان .....
عطو البارت حقه🤎
أنت تقرأ
ياهل المحبه ذاب قلبي بحبه..
Actionبسم لله اللهم صلي على محمد انا كاتبة مبتداء عطوني رائيكم ب الروايه سواً سلبي او ايجابي. الكاتبه : عُذوب عبدالله 🤎.
