خلصت الملكه و الكل راح بيته ماعدا احفاد الجد جابر الى كانو جالسين ب الصاله يسولفون
روان : تبون الجلسه هنا ولا برا ؟
فارس : انتي وش تبين ؟
روان : انا معكم عادي
فارس : تمام اجل نجلس برا
روان: تما....
قاطعهم فزاع : لا نبي هنا
جبر : ياولد برا الجلسه حلوه و الجو حلو
فارس : اي والله الجو حلو خصوصاً انه بدا فصل الشتاء
فزاع :خلاص براحتكم
ساره :وين خالد؟
وريف: يوه بدت حركات متزوجين
ساره ضربتها : بس اسأل
فزاع : راح عنده شغل
ساره: تمام
روان : ابي احد يساعدني
فارس وقف : ابشري وش تبين ؟
روان : ابيك تساعدني ب الطاو....
فزاع وقف : خلاص انا اساعدها
فارس ناظرها بمعنى شفيه ؟
فزاع عصب : قلت لك انا يساعدها
فارس : شفيك انت ! ترا هي طلبت مساعده بس
فزاع تقدم له: قلت لك خل...
قاطعته روان قبل تصير مشكله سحبت فزاع : فزاع خلاص الولد ما سوا شي ، شكراً فارس
فارس مشى : العفو
تركت فزاع و صدت عنه و مشت مشى وراها فزاع و طلعو برا
فزاع : انتظري بكلمك
روان : فزاع وش هاذا الى سويته الحين ؟!
فزاع بعصبيه : ليه ما طلبتي مني انا اساعدك !
روان : ومن انت عشان اطلب منك ؟!
فزاع : انا زوجك زوجكك ثاني مرا اذا شفتك متكلمه معه يويلك يا روان
روان بسخريه : ليه وش بتسوي بتضربني زي اول ليله ؟
فزاع تنهد و مسح على وجهه : روان انتي الى تنرفزيني
روان : وش سويت انا ! عشان طلبت مساعده ؟
فزاع :ءء....
روان : خلاصصصص اسكت تعبت منك
تركته و طلعت فوق جاو الكل و جلسو ب الحديقه
ساره : وين روان ؟
فارس ناظر فزاع بسخريه: انسدت نفسها
فزاع : ان ما سكت مب صاير لك طيب
فارس : وش بتسوي يعني
فيصل : هوب هوب شفيكم انتو
ساره : اسكتو شفيكم احنا نبي روان اجلس معنا وانتو تتهاوشون ؟!
فزاع وقف : بروح لها
وريف : تمام وانا بروح اسوي شاي و اجيب مكسرات
جبر ناظرها ووقف مشى معها بدون تنتبه عليه
بجناح روان كانت جالسه ب الصاله تتابع التلفزيون دخل عليها فزاع ناظرته روان
فزاع : مراح تنزلين ؟
روان صدت بدون رد
تقدم يجلس جنبها : اكلمك انا
روان : وش تبي فزاع
فزاع : امشي كلهم تحت يسألون عنك
روان : ابعد مني خليت الجلسه لك
فزاع بجديه : روان
ناظرته روان بدون رد
فزاع : لين متى بتجلس كذا وش هاذي الحاله
روان : فزاع انا ما احبك و اكرهك ابعد عني عشان ما اكرهك زياده
فزاع : ليه ما تعطيني فرصه ؟!
روان بسخريه : عطتيك لكن ما كنت تستاهله
فزاع بعصبيه : رواننن حاولت كذا مرا و بحاول لين تفهميني و تحبيني مثل ما انا احبك
روان بقهر : الى يحب ما يصرخ الى يحب ما يضرب الى يحب ما يجرح تبي اعطيك زود
فزاع : بصلح بصلح كل شي بس عطيني فرصه
روان : اتمنى تكون قدها
فزاع ابتسم : بكون انشاءالله ، قومي يلا تعالي معنا
روان هزت راسها و نزلو هي و فزاع مع بعض
في المطبخ
جبر بهدوء :وريف
وريف مسكت قلبها : شفيك طيرت عقلي
جبر : جيت بسولف معك و بقولك ليش صار لك يومين مو مداومه؟
وريف بسخريه : على اساس يهمك
جبر : يمكن
وريف : كنت تعبانه
جبر : شفيك تعبانه ؟
وريف : تحقيق؟
جبر : لا بس
وريف : بس وش
جبر : حبيت اعتذر اني صرخت عليك ذاك اليوم
وريف بهدوء : لا عادي كنت معصب
جبر : اي والصدق اني اسف بس حبيت اعتذر لأني شفتك ما تداومين قلت يمكن زعلتي
وريف : لا ما زعلت
جبر : طيب في مؤتمر ب بريطانيا و بروح له شرايك تكلمين عمي تجين معي راح يفيدك ب المستقبل
وريف : جد ؟
جبر : اي والله
وريف : متى ؟
جبر : انشاءالله الثلاثاء بمشي تبين احجز لك معي ؟
وريف : اليوم الجمعه تتوقع يمدي ؟
جبر : اي يمدي بس شوفي عمي
وريف : ما اتوقع بابا يوافق خصوصاً اني اسافر معك
جبر : ليش؟!
وريف : شنو ليش انت مش حلال علي
جبر بمزح : خلاص معليك بكرا اخطبك من عمي و املك عليك مرا وحده و تصيرين زوجتي
وريف بذهول : اكيد انك تمزح
جبر : اي امزح اجل تبيني اتزوج وحده خبله
وريف شهقت : انا خبله ؟!
دخلت ساره و صفرت : اوههه عصافير الحب هنا
وريف : تعالي شوفي ولد عمك الخبل وش يقول
ساره : وش
وريف : يقول اني خبله
دخل خالد: وهو صادق
ابتسمت ساره يوم شافته و ابتسم لها
ساره: اتفق مع خلودي
وريف و جبر صارخو مع بعض : يععععع
جلسو وريف و جبر يقلدونهم
جبر: وهو صادق
وريف بدلع : اتفق مع جبوري
جبر بفهاوه : عيون جبوري
ضحكو كلهم
وخجلت وريف
خالد : امشو يلا ينتظرونا
طلعو برا و جلسو يسولفون و يلعبون
أنت تقرأ
ياهل المحبه ذاب قلبي بحبه..
Acciónبسم لله اللهم صلي على محمد انا كاتبة مبتداء عطوني رائيكم ب الروايه سواً سلبي او ايجابي. الكاتبه : عُذوب عبدالله 🤎.
