ياهل المحبه ذاب قلبي بحبه..

بسم الله اللهم صلي على محمد 🤎. البارت ( 16)

بيت الجد الفجر
عند العيال
جبر : يماااا
نوره ام جبر : سم سم
جبر : عقالي وينهه
نوره ام جبر : شوفه عند خالد يمكن
خالد جاء : يما وين شرابي الابيض
جبر : شرايك بغرفتي
خالد: عقالك بغرفتي
وراحو كلهم يركضون عكس بعض
ام جبر وهي تبوس يدها وجه و قفا : الحمدالله و الشكر
عبدالله ابو جبر : عيدك مبارك يام جبر
ام جبر : يا مرحبا علينا وعليك يتبارك
تقدم وباس راسها
جات روان وهي تصفق : واو واو وش ذا الرومنسيه
عبدالله ابو جبرضحك: ياهلا ب بنت عبدالله
تقدمت و باسته : اهلين العيد عليك مبارك
عبدالله ابو جبر: :ء...
قاطعته نوره ام جبر: انتي ليه طالعه كذا ب البجامه
روان بصدمه : مو حلوه !
نوره ام جبر : او جاء رجلك وشافك كذا بيهون
روان : امي الناس عيد شوي و ببدل
عبدالله ابو جبر: اتركي بنتي كل شي عليها حلو
روان غمزت له : وين عيديتي ☺️
عبدالله ابو جبر: روحي ل فزاعوه يعطيك
روان شهقت : افا زعلت
عبدالله ابو جبر : اذا دخلنا نعايد عطيتك يا الطماعه
فجاء روان سمعت صراخ وريف وهي تقول تعالي احط لك ايلاينرررررر
روان : يما بتذبحني بروح باي
راحت وراحو الجد جابر و عياله و احفاده ل صلاة العيد

عند البنات الساعه 6:00
روان : بنات شرايكم
ساره : يجنننننن ياحظ اخوي
روان : اي والله ياحضه
( طبعاً روان و فزاع اتفقو ان يبينون علاقتهم حلوه قدام الناس )
روان كانت لابسه اسود
و ساره احمر
ووريف سماوي
ساره : تعالو نصور مع بعض
وريف : يلا
وقفو عند المرايا و صورو مع بعض
روان : يلا ننزل الحين بيجون عماني و جدي يعايدون علينا
وريف : اي صح يلا
نزلو تحت كلهم

في بيت جميله بنت الجد جبر
كانو جالسين حمد ابو محمد و جميله ام محمد  و غيداء و محمد و زوجته ايلاف و عيالهم لين و ليان و مبارك و
جميله : كل عام وانتو بخير يا اهلي انتم
محمد: وانتي بخير يا الغاليه
حمد ابو محمد : تعالو يا عيال
جاه مبارك وعطاه ٥٠ و جاو لين و ليان
حمد ابو محمد يضحك : يا ايلاف من لين و من ليان
ايلاف وهي تضحك : الى على اليمين لين و الثانيه ليان
حمد ابو جميله : هاه انتي ٥٠ وهي ٥٠
لين و ليان مع بعض : شكراً
حمد ابو محمد وهو يضحك : العفو . محمد تعال
جاه محمد : سم
حمد ابو محمد: عط 500 ذي ايلاف و ذي 500 غيداء وذي 500 امك
محمد : افا وانا
حمد ابو جميله : انت اذلف
ضحكو كلهم
حمد ابو جميله : يلا يلا نروح عند عمي جابر واهله ( يقصد الجد جابر)

بيت الجد جابر
الجد جابر: يا ولد ندخل
نوره ام جبر: ادخل يا عمي
دخلو كلهم ما عدا فزاع و خالد الى كانو مع عيال الديره
و سلمو على بعض
الجد جابر ببتسامه : ماشاءالله ماشاءالله على حفيداتي قمر
وريف : طالعين عليك يا مُز
فيصل : حيالله بنات اخواني
روان : الله يحيك
فيصل قام و جلس جنب روان : خليني اجلس جنبك قبل يجي فزاعوه
روان وهي تضحك : ء...
ما امداها كملت كلامها الا دخلو خالد و فزاع
فزاع وهو يسلم على جدته : اقول قم من زوجتي جايك
فيصل قام وجلس جنب اخوانه : يوه لو طاري مليون
وقفت روان و سلمت على خالد و على فزاع
فزاع : كل عام وانتي بخير
روان : وانتي بخير يارب
جلس جنب روان
وكان ترتيبهم روان و فزاع و جبر ووريف و ساره وخالد بس طبعاً في مسافه بينهم
عبدالله ابو جبر: ياولدي يا فزاع متى ماشي ؟
فزاع وهو يشرب قهوه : انشاءالله بعد ساعه او ساعتين ماشي انشاءالله
عبدالرحمن ابو فزاع: جهزت اغراضك ؟
فزاع : لا بروح الحين
حنان ام فزاع : اجلس يما بقول ل وحده من الشغالات تسوي اغراضك
فزاع : لا يما ما احب احد يمسك اغراضي

خالد :وهو يهمس ل ساره : كل عام وانتي بخير
ساره بنفس الهمس : وانت بخير انشاءالله
خالد : اخبار رجلك ؟
ساره : الحمدالله بخير

دخل الجد سعد و عياله و احفاده
الجد سعد: ياخوي يا ولدد
الجد جابر : اقلط يا اخوي مافي غريب
( طبعاً الكل كان متغطي )
الجد سعد : العيد عليكم سعيد
عبدالرحمن ابو فزاع: ارحبو اقلطو ب المجلس
فزاع عقب ما سلم : انا استأذن بروح اجهز اغراضي
الجد جابر : استودعتك الله و الله يسدد رميك
فزاع : اللهم امين
نوره ام جبر قرصت روان : قومي يلي ما تستحين روحي ساعدي زوجك
روان : ايييي شدخلني
نوره ام جبر: بتقومين ولا كيف
روان : قمت قمت
طبعاً فزاع سمع وابتسم بداخله عليها
مشت جنبه
فزاع : وين ؟
روان وهي مستحيه منه: ءء بجي اساعدك
فزاع : تمام
روان : بروح افصخ عباتي واجي لأن ميته حر
ما رد فزاع و دخل الغرفه يجهز اغراض و بعد وقت قصير دخلت روان : وش اساعدك فيه
فزاع : ولاشي
روان : انت للحين زعلان؟
فزاع : لا ماني زعلان
رفع نظره لها وانصدم من جمالها ومن جمال البس الاسود عليها
روان وهي بتموت من الحياء:ءء شفيك
فزاع : احم ولا شي
خذا بدلته العسكريه ودخل يبدل لبسه
طلع و شافها جالسه تلعب ب سلاحها جاها من ورا و مسك خصرها
:ذا الشي ممنوع تلمسينه
وبعد منها
روان خجلت : ءء بس كنت بشوفه
حطه فزاع بخصره : استودعك الله ان صار لي ادعي لي ب الرحمه
شهقت روان : فزاع لا تقول كذا انشاءالله بتجي وكب صاير لك شي
فزاع : تخافين علي ؟
روان : اكيد في احد يقول الكلام ذا
فزاع خذا شنطته و جاء بيطلع من الباب و لف عليها : مع السلامه
روان وهي ما تحب احد يوادعها كذا : مراح تودعني
فزاع ما فهم وجات روان ضمته بقوه : انتبه على نفسك
و باست على خده وركضت تحت جلست جنب امها

تحت ب الصاله
نزل فزاع عقب ما شاف وجه خاف يكون فيه روج من روان
فزاع وهو يناظرها مستحيه : يلا ودعتكم الله وان صار شي ادعو لي ب الرحمه
ودعوه كلهم و جاء بيركب سيارته وشاف روان تركض له
فزاع مسكها ووداها ورا السياره : كيف تطلعين ب فستانك او جاء احد !
روان : اسفه بس كنت بعطيك ذا
فزاع : وش ؟
روان : هاذي قهوه سوداء عشان تصحصح ب الطريق و بدون سكر
فزاع ضحك : يعطيك العافيه
روان : الله يعافيك
فزاع : شو سويتي فوق ؟
روان : ما سويت شي
فزاع : وراح انساها
روان : انسى !
فزاع : مع السلامه
روان جات بتروح : مع السلامه
فزاع : مافي مثل الى فوق
روان خجلت و شقهت: اذلف
ضحك فزاع و ركب سيارته ماشي للجنوب

دخل عند البنات
اصايل : مافي عيد بدون رقص جيبو السماعه
وريف : اصايل تموت لو ما رقصت
اصايل : الناس عيد نبي نستأنس
الجده حصه : اي والله حطي خلينا نرقص
حطت اصايل
في منتهى الرقه 
في منتهى الذوق حبيبتي ....
رقصت اصايل و روان
وريف : عاشوووو
ساره : عاشت رواننيييي
وريف : عاشتتتت اصايللللل
و ضحكو كلهم و دخلو معهم يرقصون

عند الرجال
الجد جابر : ابك انتو شبلاكم حطو شي نلعب عليها
( نلعب = نرقص )
خالد : والله العيد بدون الفزعي ناقص
عبدالرحمن ابو فزاع: الله يرده ب السلامه يارب
الكل تمتم ب امين
وقفو صفين و شغلو شيله و بدو يلعبون العيال مع الكبار

الساعه12:00 بعد ما الكل راح بيته
روان : يما جوعانه
نوره ام جبر : .......

عطو البارت حقه🤎.