ياهل المحبه ذاب قلبي بحبه..

بسم الله اللهم صلي على محمد 🤎. البارت ( 8)

في مجلس الجد جابر

الجد سعد : اخبارك ياخوي كيف حالك
الجده جابر: بخير نحمد الله الا يابو احمد متى بيجي احمد
سعيد ابو احمد: انشاءالله بيجي قبل العيد بيوم
عبدالرحمن ابو فزاع : مابقى على العيد الا يومين يعني بيجي بكرا ؟
سعيد ابو احمد: هالله هالله

داخل ب القصر عند البنات
وريف : ساره حبي بليز سوي شعري اكثر وحده تضبط الڤوليوم انتي
ساره : يوه بسوي شعري ما بقى شي و الله جدتي بتجلدنا هي قالت تبينا نكون تحت قبل الساعه ست و الحين الساعه ست ونص
روان : بنات احد يبي قهوه سوداء
غيداء : فاضيه انتي تسوين قهوه سوداء الحين !
روان : يوه ما صحصت بشرب كوب
وريف : توك شاريه الصباح!
روان : لا لا ذاك ما يعتبر شي
ساره : والله انك مرجوجه
روان : ء
فجاء دخلو عليهم اصايل و اسُلاف و عُذوب
اصايل : هاييييييييي
البنات بمختلف الردود : هلابي ، هلا والله ، اهلينننن
سلمو على بعض و جلسو كلهم
اصايل : ما خلصتو !
وريف: باقي لي خصله وحده ابي ساره تسوي و عيت
ساره : وجعاه جالسه اسوي شعري
اسُلاف : تعالي حبي اسويه لك
ساره : وععع
اصايل : هدوءءءءءء خلصتو كل شي صح ؟
غيداء : اي ما باقي شي بس بنلبس
وريف : صح وش لابسين انتو
اصايل فتحت عبايتها و كانت لابسه موڤ مخصر من عند الجسم و مسويه شعرها ويڤي و راسمه عيونها الوساع وطلعت خياللل

اما اسُلاف كانت لابسه جمبسوت وردي طالع عليها يجنن

عُذوب وكانت لابسه فستان تركوازي ناعم و هادي معيطه شكلها هيبيه و جماللل

روان ب ذهول : بنات ماشاءاللهههه عليكم يجنننن
ساره : حصنو نفسكم ماشاءالله
وريف : خيال خياللللل
غيداء : حبيت ايلايكت
اصايل : شكراً لكم جميعاً بس اتمنى تخلصون ب اسرع وقت
ساره طلعت وهي لابسه ال بيبي بنك طالع عليها يجننن مع فتحت صدر خفيفه
و روان كانت آيه من الجمال لابسه احمر ضيق كله و مفتوح من عند الصدر سوت شعرها ويڤي و رفعت شوي منه فوق ( اتمنى فهمتو)
اما وريف كانت لابسه اسود مفتوح من الصدر و قصير و كانت مسويه شعرها ستريت و قصتها و يڤي طالع شكلها يجنن

ب الصاله تحت الساعه 6:30
استقبلت الجده اهل الديره و استقبلت الجده مريم و نسوان اولادها و حفيداتها
الجده حصه : يا مرحبا يا مرحبا
الجده مريم : البقى لبى قلبي
منيره ام سُلاف : وين البنات
نوره ام جبر: الحين جايي...
ما مدها اكمل الا دخلو روان و وريف و ساره و غيداء  سبقوهم قبل
اصايل و سُلاف و عذوب
روان : السلام عليكم
الكل رد ب : عليكم السلام
و الكل منبهر بجمال حفيدات جابر آل.....

في المجلس الساعه 7:00

عبدالرحمن ابو فزاع رفع صوت عشان الكل يسمع : السلام عليكم يا رجال
الكل رد ب وعليكم السلام
عبدالرحمن ابو فزاع: ياخوي يابو جبر جيتك انا اخوك اطلب يد بنتك روان ل ولدي فزاع الولد ولدك و البنت بنتك
الجد جابر : ابد البنت ل ولد عمها ولا لا يا عبدالله ( ابو جبر )
عبدالله انصدم خصوصاً ان بنته روان مستحيل توافق على فزاع و روان صغيره على فزاع : والنعم فيك ياخوي انت وولدك فزاع لكن اسمحو لي يا الربع الراي راي بنتي
الجد جابر : ابد البنت موافقه لكن اسألها وان كانهي موافقه ف الملكه اليوم
فزاع : يا عم انا ولدك قبل اكون ولد اخوك و جايك اليله قدام الوجيه الطيبه اطلب يد بنتك روان على سنة الله و رسوله و الى تبون احنا حاضرين
واحد من الديره : و النعم يا فزاع انت رجال و كلً يبيك ل بنته
فزاع : ما عليكم زود
ابو جبر : اسمحو لي

عند الحريم
دخلت الجده حصه وهي تلولش و فرحانه
الجده حصه: مبروك يا روان خطبك فزاع ولد عمك
روان انصدمت صدمت عمرها و عرفت قصده يبي يتزوجها عشان يكسر شوكتها : يا جده وش تقولين
لكن مو بس روان المنصدمه في حنان الى كانت بتموت من القهر وهي ابي فزاع ياخذ بنت اختها
فجاء طلع صوت عبدالله ابو جبر : يا ولد خلو بنتي روان تجي المجلس
دخلت روان وكان موجود ابوها و اخوانها جبر و خالد
عبدالله ابو جبر : يا بنتي ءءء اليوم خطبك فزاع ولد عمك عبدالرحمن وانا جاي اخذ رايك اذا تبينه او لا
جبر : فكري ترا رايك هو المهم
خالد: موافقه ولا لا ؟
روان وهي مخها بينفجر من الاشياء الى فيه و شافت كيف ابوها منزل راسه لأنه ما وده يغصبها ولا وده يكسر كلمت ابوه وهي للحين منصدمه : ءءءء موافقه
ابو جبر رفع راسه بصدمه : موافقه؟!
هزت راسه ب ايه
خالد و جبر باركو ل اختهم
و طلعو المجلس و جلسو جنبه ابوهم
الجده جابر بنظرات غريبه : ها عبدالله البنت موافقه؟
عبدالله ابو جبر: موافقه الله يوفقهم
تقدم فزاع و باس راسه عمه
الجد جابر: الملكه الحين
تقدر عبدالله و همس ل ل الجد جابر: يبا شفيكم مستعجلين !
الجد جابر: ابد نبي نستأنس ونفرح ب احفادي
واحد من الديره وهو كان مؤذن المسجد : ابد المملك موجود تعال يا فزاع على يميني وانت يا ابو جبر على يسار
راحو جلسو جنب المؤذن
المطوع : قول يا بو جبر زوجتك ابنتي
ابو جبر : زوجتك ابنتي
المطوع : روان على سنة الله و رسوله
ابو جبر: على سنة الله و رسوله
المطوع : قول يا فزاع قبلت بأبنتك روان زوجتاً لي
فزاع: قبلت ب روان زوجتاً اي
المطوع : وقع يابو جبر و انت يا فزاع
و قعو
و دخل خالد عند الحريم يبي روان توقع و دخل المجلس يحسب ان روان داخل لكن شافت ساره الى كانت تصور تتمايل ب فستانها ال بيبي بنك
خالد وهو مذهول من القمر الى قدامه طبعاً ما عرفها : احم يا ولد
ساره وهي انخرشت وطار عقلها : انت وش تسوي هنا !
خالد : انتي الى وش تسوين هنا انا ابي روان توقع
فجاء طلع صوت وريف وهي تنادي : سارهههه
ساره وهي خايفه ان وريف تدخل و تشوفها مع خالد : اطلع بسرعه لاحد يشوفك
خالد : انتي ساره بنت عمي عبدالله
ساره وهي مرعوبه : ياخي اذلف اي انا ساره بنت عمك عبدالله
طلع خالد و من حسن حضه ما شاف احد قدامه صّوت ل روان
جات روان : هلا حبيبي
خالد وهو يضحك : لا تقولين حبيبي بعدين يغار فزاع
روان وهي لايعه كبدها من طاريه : شتبي
خالد : وقعي على العقد
روان وهي انصدمت : من قال العقد اليوم !
خالد : جدي وقعي بسرعه بروح العب مع العيال
وقعت روان و دخلت و شافت الحريم يلولشون و يباركون لها
جات ساره وهي تحول تسوي نفسها طبيعيه : هلا هلا ب مرت اخوي
روان : جعلك المغص اسكتي ل ابرك عليك
جاء جبر : رواننن
روان راحت ل الباب الرئيسي : وش تبي
جبر : ادخلي المجلس فزاع فيه
روان : ليه !
جبر : شوفه شرعيه

ب المجلس عند فزاع

بارت خفيف لطيف 🤎.
عطو البارت حقه ⭐️⭐️⭐️⭐️⭐️🤎