ياهل المحبه ذاب قلبي بحبه..

بسم الله اللهم صلي على محمد بارت 2

يوم الخميس الساعه 8:00 في قصر الجد

كان الكل جالسه يفطر بهدوء
رفع الجد جابر نظره يتفحص عياله و احفاده تكلم الجد : وين خالد ؟
ابو جبر : لبيه ، يلبس و جاي انشاءالله
سكتو و كملو فطورهم
دخل خالد بعد ما قال يا ولد عشان بنات اعمامه : صباح الخير
رد الكل ب : صباح النور
رفع الجد راسه : وينك يا خالد مو من عادتك تتأخر على الفطور
خالد راح جلس جنب فزاع و جبر : تعب بسيط
الجد جابر : ما تشوف شر ما اشوف شر
هز خالد راسه و كملو اكل

عند البنات بعد ما الكل خلص الاكل
ساره وهي تاخذ شنطتها : بنوتات من بيروح معي ؟
روان : انا بروح ب سيارتي الكوفي ما عندي محاضرات
وريف : انا بروح معك وصليني المستشفى عندي تدريب
ساره : من عيوني يلا

بعد ما الكل راح شغله
وعند فزاع
كان عنده وقت يروح كوفي ف قرر يروح كوفي روان بما أنه على طريقه
نزل من سيارته ببدلته العسكريه الى تفرض هيبته و نظاراته الشمسيه
دخل الكوفي الى شبه فاضي فيه كم شخص فقط راح عند الكاشير يطلب انصدم ان الى تاخذ الطلبات هي روان
عند روان جالسه تسوي القهوه لزباين لأنه ما تقدر تجلس بدون تسوي قهوه راحت عند الكاشير لأن في احد يبي يطلب
روان : تفضل اخوي وش بغيت
فزاع رفع عينه : اوه روان هنا ما عندك محاضرات
انصدمت روان من الصوت رفعت عيونها تبي تتأكد اذا هو ولا لا : فزاع ! شتبي جاي هنا بعدين شدخلك اذا عندي او لا
فزاع انصدم من جمال عيونها الوساع و رموشها الطويله و الكثيفه : ابد حالي حال الزباين جاي اطلب ما توقعتك هنا بعدين جاي اشوف شغل بنت عمي كيف
روان وهي ما تحب تتكلم مع العيال و تنرفزت منه : اخلص وش تبي
فزاع كتم ضحكته من شكلها المعصب دليل انها تنرفزت : امريكانو
راحت بدون ترد عليه و سوت اطلب حقه و عطته الامريكانو
وخذاه فزاع و طلع و انصدم من طعمه ألى اقل ما يقال عنه ل ذ ي ذ
ركب سيارته متجه ل دوامه

عند الجنس الطيف
ساره ووريف مشغلين عبدالحليم و مرو خذو لهم كوفي
وقفت ساره عند المستشفى الى تدرب فيه وريف
ساره : باي يا روحي ب التوفيق
وريف : باي ادعي لي
مشت ساره ل جامعتها و دخلت وريف المستشفى عند صديقاتها
( سُلاف ، اصايل )
وريف : هاي بنوتات
اصايل و سُلاف : اهليننن، هلا والله
وريف : شفيكم واقفين هنا
اصايل : ننتظر الممرض يجي يقول كل شخصين مع من
وريف : تمام
جاء الممرض السعودي سعد : السلام عليكم بقول كل اسمين و كل شخصين بيروحون عند دكتور
رد الجميع السلام وهزو راسهم ب الموافقه و بداء الممرض يقول الاسماء
سعد : وريف مشعل . أحمد عبدالله عند الدكتور جبر
مشت وريف للدكتور الى بيدربها ما ركزت على الاسم
دخلت على الدكتور مع احمد و شافت ظهر الدكتور الى كان يغسل ايده
الدكتور جبر لف عليهم و ما ركز انها هي وريف لأنها تتغطى
لكن وريف عرفته و انصدمت أن الى بيدربها جبر ولد عمها
فتح جبر الملف :اهلاً أحمد عبدالله و وريف مش..
استوعب من الاسم انها وريف بنت عمه مشعل رفع عينه لها
و عرفت هي انه عرفها لكن جبر بسرعه تدارك الوضع و نزل عينه :و وريف مشعل اهلاً فيكم انا الدكتور جبر تدريبكم راح يكون عندي اتمنى ما تتاخرون الساعه 7:00تكونو عندي هنا
انصدمت وريف لأن الوقت مرا بدري
لكن هزو راسهم ب تمام و بدو يشتغلون ووريف محافضه على المسافه بينهم

عند خالد
الى كان نازل من سيارته رايح شغله نزل و دخل المركز
و تقدم و شاف العسكري سالم قدامه
سالم كان طالع رايح مكتبه و انصدم من هيبت خالد و طوله و عرضه لكنه على طول تدارك ودق له تحيه بحكم ان خالد اعلى منه رتبه
خالد : استرح ، جاء فزاع و منصور ؟
استراح سالم : لا طال عمرك ما جو
خالد : اذا جو خلهم يجون لي
سالم : ابشر

عند ساره الى نزلت ل الروضه لأنها تدرب بما انهم اخر السنه
دخلت و شافت الاطفال يركضون و هي تحب الاطفال
دخلت على المديره
المديره هدى : اهلاً ساره
ساره ببستامه عذبه: اهلين فيك
هدى : تقدرين تبدين شغلك عند فصل kg 3
راحت ساره ودخلت الفصل و ابتسمت اول ما شافت الاطفال لكنها انصدمت من الطفله الى كانت تركض تضمها ضمتها ساره
ساره : اهلين يا حلوه
رفيف : اهلاً انتي المس حقتي
ساره : اي انا مس ساره انتي ايش اسمك
رفيف: انا رفيف منصور
ساره انصدمت من جمال البنت و طلاقتها ب الكلام : واي ماشاءالله
جلست ساره تكمل شغلها

ب المركز عند خالد كان جالس ودخل عليه منصور ودق له التحيه بحكم ان خالد اعلى منه رتبه
خالد : استرح ابو رفيف
منصور : ارحب شخبارك
خالد : ب احسن حال
منصور : الحمدالله الحمدالله
خالد : وين الدلخ فزاع
فجاء دخل عليهم فزاع وهو يضحك ودق التحيه لهم
منصور و خالد مع بعض : استريح
خالد : ابي افهم وينك انت
فزاع : ابد والله خذيت قهوه و جيت
خالد سكت
و ضحك فزاع : يا زينوه الزعلان
ضحكو على هبال فزاع خالد : اذلف اذلف
ب نهايت الدوام
راح منصور ل مكتب خالد : اقول خالد بروح مع المدام موعدها واذا ما عليك امر ابيك تاخذ رفيف عندك كم ساعه لين اخلص الموعد مابي اخليها عند العاملات
خالد : ابشر وخذ راحتك باخذها بس ارسلي موقع مدرستها
منصور : ابشر
عند ساره ب نهايت الدوام كانت طالعه رايح البيت لكن تفاجت ب رفيف الى واقفه برا
ساره : رفيف حبيبتي ليه واقفه هنا
رفيف وهي حبت ساره مرا : انتظر بابا ما جاء
ساره : خلاص بنتظر معك
رفيف هزت راسها ب اوكي
عند خالد الى وصل المدرسه وشاف رفيف واقفه برا مع وحده
نزل من سيارته متجه ل رفيف
شافته ساره جاي باتجاهم وطبعاً على طول عرفته خالد ولد عمها
ساره بصدمه : وش تسوي انت هنا !
خالد ما عرفها بحكم انها منقبه
رفيف : اهلاً عمو خالد وين بابا
خالد : هاذي من رفيف
رفيف : هاذي مس ساره
ساره : انا ساره بنت عمك وش تسوي انت هنا
خالد...

عطو البارت حقه