ياهل المحبه ذاب قلبي بحبه..

بسم الله اللهم صلي على محمد 🤎. البارت (52)

الساعه 12:00 في استراحه عيال الديره
خالد : والله انه قليل ادب
فواز( واحد من عيال الديره ): انت الصادق
ساير(من عيال الديره كذالك ): الا وين فزاع ؟
جبر : ابد والله ب البيت نايم بكرا عنده شغل
حمد : اذا تبون مساعده ولا شي احنا حاضرين
جابر : ما تقصرون
جبر : اسمعو شرايكم نروح نركب خيول ؟
فارس : من وين الخيول ؟!
محمد ( ولد العمه جميله ): جدي جابر عنده مربط هنا بس شراه خالد قبل ثلاث سنين
جابر: ماشاءالله
خالد وهو وده يروح مع ساره للخيول و المزرعه لأنها تحب الخيول : لا لا خلوها بكرا
كاسر وقف : يلا تمسون على خير
وقفو احفاد جابر و فيصل واختلفت الردود بين : مع السلامه ، نشوفكم بكرا

في جناح فزاع
كان تميم جالس بحضنه فزاع بتعب : يبابا هاذي ثالث قصه اقولها لك وما عجبتك
تميم : انت مو حلوه قصصك
فزاع بذهول : اجل من الى حلوه قصصه !
تميم : امممم ماما تقول قصص حلوه مرا مرا
فزاع ابتسم: فديت امك
تميم : وش ؟
فزاع : ارقد ارقد
تميم انسدح ب حضن فزاع و بعد وقت قصير نامو كلهم

في جناح خالد
دخل و شاف روان نايمه ب السرير التفت وشافها طالعه من المطبخ ابتسم وتقدم لها : اخبارك
ساره ابتسمت و ضمته : بخير الحمدالله تأخرت يابو روان
خالد ابتسم : خذتنا السوالف ما ودك تطلعين ؟
ساره بذهول. : وين نروح ! شكلك نسيت ان احنا ب الديره
خالد ضحك و باسها : ما نسيت بوديك مكان حلوو امشي بسرعه قبل تقوم روان و تبكي
ساره : زين. قولي وين عشان اشوف وش البس
خالد : البسي بدله
البست ساره بنطلون ابيض و تيشيرت بنك بدون اكمام و طلعت وشافت خالد لابس شورت اسود و تيشيرت ابيض
خالد ابتسم : جاهزه ؟
ساره ضحكت : الله يستر
خالد : بدون صوت مانبي جدي يقوم
ساره هزت راسها و طلعو من الغرفه وما شافو احد نزلو تحت بسرعه و شهقو بخفه يوم سمعو جميله : خالد ساره ؟ وين رايحين الساعه 1:30
خالد حك راسه : ءءءء طالعين نتمشى
جميله : الحين !
ساره : والله يا عمة مالي شغل هو خذاني معه
خالد : جحدتني !
جميله ضحكت : مدري متى تعقلون روحو روحو لاكن روان وين ؟
ساره : اممم خليتها فوق نايمه
جميله : طالعين و تاركينها لحالها
ساره بفهاوه : طيب وش يعني ؟
جميله ضحكت : روحو انا بنتبه عليها
خالد مسك يد ساره : احبك يا اطلق عمه ب العالم
طلعو بسرعه و ركبو جيب خالد و اتجهو الى المربط
( طبعاً احفاد الجد جابر اذا جاو الديره ما يجون بسيارتهم الفخمه يجون ب الجيب و الشاص عشان الديره اغلبها تراب )
خالد : شغلي لنا شي
ساره : المكان بعيد ؟
خالد : لا عشر دقايق
ساره طلعت جوالها : ازهلني
شغلت :
على الموعد الى بيننا جيت لك
ملهوف اسابق عقارب ساعتك
قبل موعدنا وانا داري ان قلبك
على شوفتي مشغوف او انه يجور الوقت فينا و يتعبنا .......
ابتسمت وهي شغلت الكاميرا تصورهم مع بعض فديو و ثبته على الكبوت و مسك يدها و جلسو يغنون مع بعض