ياهل المحبه ذاب قلبي بحبه..

بسم الله اللهم صلي على محمد 🤎. البارت (39)

في الفندق دخلو خالد و ساره
كانت جداً خايفه و متوتره
فصخ شماغه خالد وشافها واقفه ما جلست و الواضح انها خايفه و متوتره تقدم لها و مسكها مع خصرها : لا تخافين انا عند وعدي و اول ليلة مراح يصير شي
ساره هزت راسها و هو شوي التوتر بدا يروح منها : طيب ببدل
خالد باس خدها :تمام انا بروح اجيب العشاء لا تفتحين ل احد
ساره هزت راسها : تمام

في قاعة الرجال
الجد جابر وقف : يلا ما بقى احد
ابو فزاع : اي والله مشينا البيت
ابو جبر : جبر و فارس وكاسر و فيصل اجلسو هنا عشان ترجعون الحريم لأن السواقين نامو
فيصل : انا عمي سعد قال لي ارجع اهله
الجد جابر: سعد اخوي ؟
فيصل : اجل ولدك ايه اخوك
الجد جابر: اعقب
فيصل : خلاص اسفين
ابو جابر : لا لا انت اجلس و فارس يوديهم
فارس : ليه انا ؟
ابو فزاع : لأن فيصل سيارته كبيره و الاحسن ان انت توديهم لأن سيارتك صغيره و تكفيهم
فارس : خلاص ابشرو
الجد جابر وقف :  خلاص فارس يوديهم و يلا سرينا وانتو انتظروهم
جبر : سم

في قاعه الحريم
راحت روان فوق و دقت على فزاع يجي ياخذها لأنها تعبت 
ركبت السيارة : سلام
فزاع : وعليكم السلام ، شخبارك
روان : بخير
فزاع : تبين اوصلك المستشفى ؟
روان : لا معليك بخير
فزاع : تمام
روان ناظرته بأستغراب : ليش لابس بدله ؟!
فزاع : خلص العرس ورحت البيت بدلت
روان : اها
اتجهو للقصر

في القاعه
ام احمد : يلا يا بنات
اصايل : من بيودينا ؟
الجده مريم : فارس
عُذوب: من فارس ؟!
اصايل : اي والله من فارس
ام سُلاف: اخو حصه و حور
اصايل : اها فهمت ، وين احمدوه ليه مو هو يودينا
سُلاف : يقول ابوي ان جاته حراره وراح البيت
الجده مريم : امشو تأخرنا على الولد
طلعو وكان فارس واقف قدام سيارته و كان فاصخ غترته و لابس سديري و ينتظرهم
الجده مريم: انت فارس
فارس اف بأتجاه الصوت : سمي اي انا فارس
الجده مريم : شخبارك يا ولدي
فارس : بخير نحمد الله ، يلا اركبو
ركبو كلهم و ركبت الجده مريم قدام  ماعدا اصايل الى كانت توها طالع و لف نظره ل البنت الى يعرف عيونها زين و يعرفها
اصايل رفعت عينها و انصدمت يوم شافت الدكتور فارس الى صارت تدري عنده من فتره قصير لأن الدكتور الى قبل اخذ اجازه
اصايل من غير وعي : فارس !
فارس :   اصايل!
اصايل ضحكت : اح طلعت تصير لنا
فارس ابتسم : الحمدالله صار المشوار قصير علي
اصايل استحت: حبيبي ! ترا احنا ب الشارع
فارس ضحك : ياحضي والله بتركبين ب سيارتي
اصايل : باي بركب قبل يشكون فينا
اصايل ركبت بسرعه بدون رد كان فارس منصدم ان  حبيبته اصايل طلعت تصير لهم حرك شعره وركب
الجده مريم: وش تشتغل يا وليدي
فارس تنحنح: دكتور ياخاله
الجده مريم ضحكت : وشو خاله قول جده كبرنا على الخاله
ضحك فارس : الى تبين
الجده مريم: ماشاءالله دكتور وين أي مستشفى
فارس : مستشفى ******
الجده مريم: هاذا المستشفى الى تدربين فيه يا اصايل ؟
اصايل توترت : ءءء اي ياجده هو
الجده مريم: ماشاءالله ماشاءالله ، انت متزوج يا ولدي ؟
فارس هز راسه ب لا
اصايل بهمس ل جدتها : جده بس صيدليه
الجده مريم: ليش ؟
اصايل بهمس  : ابي كريم رجلي عورتني من الرقص
الجده مريم تنهدت : امي فارس في صيدليه مفتوحه ؟
فارس : اي يا جده في
الجده مريم: وقف عندها اذا ما عليك امر
فارس ابشري
وقف فارس و جات اصايل بتنزل
فارس : دقيقه
اصايل لفت تناظره
فارس بغيره : بتنزلين ب فستانك و كعبك قدام الرجال ؟!
اصايل : اي بنزل ب فستاني
فارس : اقول ارجعي انا بجيب لك
اصايل بعناد : مو على كيفك
فارس : بتنزلين كذا !
اصايل نزلت بدون رد
نزل فارس معها وهو معصب منها ومن عنادها
اصايل تدري انه وراها و ما اعطت اهميه 
فارس  دخل وراها
اصايل : ءءء ابي .....
قاطعها فارس وهو معصب : نبي كريم ******
الصيدلي : حاضر بس ثواني
دخل داخل
اصايل لفت عليه : ياخي شدخلك انت ؟
فارس : والله يا اصايل ان ما عقلتي بيصير شي مو اشوا لك
اصايل :فارس وش فيها اذا نزلت ب فساتين ترا علي عبايه !
فارس غصب زياده وهمس لها وهو راص على اسنانه : يعني تبين الناس تشوف لون فستانك و خلخالك و رجلك و تشم ريحة عطرك و تشوف عيونك  ب المكياج تكلمييي
اصايل تنهدت : يا حبيبي ترا الوقت متأخر و مافي احد ب الصيدليه
وانا اصلاً ابي اغراض
فارس بدا يهدا : اخذي الى تبين يلا
خذت اصايل الاغراض و حاسب فارس و طلعو من الصيدليه
و ركبو السياره
ارسلت له اصايل : زعلان ؟
شاف الرساله فارس و ما رد
اصايل: بيبي خلاص اسفه بس كنت ابي اغراض خاصه
فارس ارسل لها  : نتفاهم بكرا
اصايل ارسلت له بوسه و سكرت الجوال
الجده مريم: يا ولدي سكر الجوال و انتبه ل الطريق
فارس : ابشري
وصلو للقصر و نزلهم وراح متجه ل قصر الجد جابر