ياهل المحبه ذاب قلبي بحبه..

بسم الله اللهم صلي على محمد 🤎. البارت ( 29)

عند قاعه الحريم كانت الجده حصه و نسوان عيالها و حفيداتها واقفين عند المدخل يستقبلون الضيوف
الجده حصه : يلا حطو الشوط
حطو شوط الترحيب و رقص الكل
وكان الجو حلو و كانت القاعه جميله جداً كانت من اختيار روان و كانت تتزين ب ورود ب الون الوردي و الابيض خلف الكوشه كان معطي منظر خيالي

قسم الرجال كانت الاصوات تعج و ريحة البخور و العود و اصوات الفناجيل و الرسلان و مخُلف الاوان البشوت كان الجد واحفاده و عيالهم كلهم ببشوت
طبعاً من العادات اول شي يبدون فيه العرضه السعوديه النجديه
وقف فزاع بجانبه جده جابر و ابوه و قدامهم خالد و جبر يعرضون

نجد شامت لابو تركي وأخذها شيخنا
واخمرت عشاقها عقب لطم خشومها
لي بكت نجد العذيه تهل دموعنا
بالهنادي قاصرين شوارب قومها
حن هل العادات و مخبصين سيوفنا⚔️

كان خالد يعرض باحتراف طلع الجد جابر يعرض مع احفاده خالد و جابر

عند قسم الحريم
ساره : بنات ابي غنيه حلوه ارقص عليها
حور : طيب قولي للمطربه تحطها لك
وريف : انتظري سوسو بحط لك اغنيه حلوه ب صوت مجيد و ارقصي عليها
ساره : تمام
راحت وريف عند الديجيه و حطت :
انت يا هالموت الاحمر ليش عن هالناس لاهي
قم مادام الله عطاك الى عطاك وبه تبختر
بس ابشأل ب الكثير الى خذيته من تباهي ......

قامت ساره و بدت تتمايل على الغنيه وكان الميدان ل بنت عبدالرحمن
وكانو البنات يصفقون لها
حصه : عاشت سوسو
ووريف كانت جالسه تصورها
و كملو الحفل ب الرقص و الوناسه وصار وقت الزفه

الساعه10:30 وقت الزفه
دخلو اخوان العروسه و ابوها و عمانها و جدها على نفس الاغنيه
حي البشوت المقبله و الرجاجيل
اللي ليا من لبسوا البشت رزوه
مابه عقال الا تنومس و بالحيل
بافعال شجعان على الروس حطوه

وفتحت المصوره الاضاءه و الكاميرا توثق الاحضه الحنونه و الحلوه
وقفو على الكوشه و دخلت روان ايدها ب ايد ابوها كانت لحضه جداً جميله و مؤثره
كان فزاع يناظر الملاك الى يمشي قدامه و كأنه ندم ما يقدر يطلق العنود بحكم انها حامل و ب الشهر الخامس و ما يقدر يطلق روان لأنها بنت عمه
و اشتغلت زفه روان مع دخولها :
صلو على طه سيد المرسلين
واذكرو الرحمن سمو يا بشر
السماء اليله ب الفرحه تزين
والسعد ينثر من نجومه عطر

لا الها الا الله
لا الها الا الله
الف الصلاة و السلام عليك
يا حبيبي الله محمد .......

اما خالد كان يناظر الموت الاحمر الى قدام عيونه و يبتسم

نزل فزاع و مسك يد عروسته و باسها مع راسها اما روان كانت ب قمة التوتر
طلع الجد جابر و عيالها و احفاد باقي فقط فزاع و ابوه فصخو عبايتهم ساره و ام فزاع وتقدمو يسلمون عليهم
ام فزاع : مبروك حبيبي فزاع
فزاع : الله يبارك فيك يارب
ام فزاع عطت روان نظره ومن غير نفس قالت : مبروك
ساره ضمتهم : مبروك يا حلوين
روان ابتسمت : الله يبارك فيك حبيبي انتي
فزاع : الله يبارك فيك
سلم ابو فزاع عليهم و طلع و كانو يرقصون خالات العريس و امه و اخته و جداته فقط بحكم انهم هم فقط الى حلال عليه صار الوقت ان فزاع يطلع مع عروسته و اشتغلت اغنيه :

خذها امانه يا حفيظ الامانات اغلى الغوالي
في يمينك امانه خذها امانه يا حفيظ الامانات

اغلى الغوالي ب يمينك امانه اتصونها صون
الكرام العفيفات اولها ب قلبك قبل بيتك امانه .....

كانت ساره ووريف جالسين يصورونهم طلبً من روان
بعد ما طلعو و دخلو غرفة العروسه
فزاع : بنادي لك احد يساعدك
روان : تمام
طلع فزاع و نادا ام جبر تساعدها
فزاع مشى برا و شغل سيارته و طلع وقف جنب السياره ينتظرها و شاف جبر وخالد متجهين له وخالد كان خشمه ينزف دم
جبر : فزاع ذي اختنا الوحيده هالله هالله فيها
فزاع : ب عيوني انشاءالله
فزاع ناظر خالد الى ما يتكلم معه من اسبوع بحكم السالفه الى صارت : خال....
قاطعه خروج روان مع ام جبر اقدم يبوس راس ام جبر وياخذ روان ل سيارته و يساعدها و ركبت روان و ركب فزاع
جبر ابتسم ل روان : اذا سوا لك شي بس دقي علي تلاقيني عندك
روان دمعت : حبيبي انت 🥺
جبر : يوه بتبكي روح
ضحكت روان وضربته و مشى فزاع متجه للفندق

عند جبر وخالد
جبر : يلا انا رايح ولا تروح ل الرجال و تتهاوش معه
خالد: جبر! كان يمشي عند قسم الحريم لو شاف وحده من حريمنا !
جبر : الرجال ما شاف احد و مسح خشمك و اخذ امي
خالد : ليه ما تاخذها انت
جبر : انا مناوب اليوم و امي بتاخذ معها الله و خلقه

في قاعة الحريم خلص الزواج و ما بقى احد الا ام جبر كانت جالسه تنتظر خالد وشافت ساره جايه من الحمامات
ام جبر بصدمه : ساره !
ساره باستغراب : شفيك عمه ؟!
ام جبر : الناس كلهم راحو ما بقى الا انا و بروح
ساره بذهول : كيف راحو و نسوني !
ام جبر : وين كنتي انتي ؟!
ساره : يعني خالتي الله يهديك طالعه من الحمام وش كنت اسوي
ام جبر ضحكت: اجل يلا البسي عباتك ولدي برا ينتظرني
ساره هزت راسها و ركبت هي و ام جبر و ما رفعت عيونها على الى كان يناظرها
ام جبر ركبت : السلا..... انصدمت من شكل خالد: خالددد!
رفعت عيونها ساره بصدمه و شافت الدم و شهقت
سمع خالد شهقتها و مسح على وجهه بغضب
ام جبر : امي انت من مسوي فيك كذا !؟
خالد : مافي شي
ام جبر : كيف مافي شي من متهاوش معه انت!
خالد : يما خلاص تكفين تهاوشت مع واحد وراح
ام جبر: الله يصلحك بس ، وقف عند الصيدليه
خالد: يما وش تبين فيها ب ذا الوقت
ام جبر: ركبي تعورني باخذ كريم
خالد و قف عند الصيدليه : بسم الله عليك وش الكريم الى تبينه
ام جبر : اقعد اقعد وش عرفك ب كريمي ب جيبه و اجي
خالد: كيف بتنزلين ب كعبك
ام جبر : يوه يا خالد صدعتني ما تشوف لابسه شبشب
خالد: اها طيب
نزلت ام جبر و بقى خالد و ساره
ساره مدت فاين ل خالد : اخذ
خالد ابتسم : مشكوره يا الموت الاحمر
ابتسمت ساره : ليش متهاوش
خالد: ابعدينا من سيرته شخبارك انتي
ساره : بخير وانت
خالد : مغرم
ضحكت ساره
خالد: يا الضحكه الى اصير الها فدا وروح
ساره : خالد بس، اسمع
خالد: عيوني
ساره : الله يخليلك عيونك اليوم بسوي قهوه الفجر كذا ابي ؟
خالد: ماش الناس يقولون فديت عيونك و اي ابي
ساره بغرور : الناس مو ساره
خالد : اذا لفيت بعلمك الغرور صح
ساره : وش بتسوي يعني
خالد لف لها و ارتبكت ساره يوم حط عينه بعينها و ضحك خالد: هاذا وانا بس ناضرت.....
قاطعها دخول ام جبر : احم احم

عند العرسان ب السياره .......

وش تتوقعون مصير فزاع و روان و العنود
بارت خفيف لطيب 🤎.
عطو البارت حقه ⭐️🤎.