عند روان ب الجناح........
كانت جالسه تسولف مع ساره
روان : وين وريف ؟
ساره : عند جبر
روان : ليه ؟
ساره : تقول تبي يعلمها شي
روان: اها
ساره : وين فزاع ؟
روان بعدم اهتمام: اكيد عندها
ساره : روان بسألك
روان: سمي
ساره: انتي مو زعلانه ان فزاع كان متزوج ؟
روان: الصدق اني كنت اعزه لكن من عرفت ب يوم زواجه كرهته و كرهته زياده يوم مد يده علي
ساره بصدمه شهقت: فزاع مد يده عليك !
روان: بليز ساره مابي احد يعرف
ساره: لو اني منك ما اجلس عنده دقيقه وحده
روان: مقدر ساره تبينه يطلقني ! واحنا ماصار لنا اسبوع متزوجين
ساره ضمتها: يا عمري انتي
جاء اتصال ل ساره وشافته طلع خالد
ضحكت روان : الحب يتصل
ساره انحرجت : يلا سلام
روان: روحي روحي لا تموتين من الشوق
ضربتها ساره و هربت برا
خالد: الو
ساره وهي تحاول تكابر لأنها للحين زعلانه منه يوم صرخ عليها : نعم
خالد ابتسم :افا وش فيك زعلانه
ساره بهدوء: مدري من الى مزعلني من تتوقع انت؟
خالد ابتسم : اممم تدرين ان الى زعلك يحبك
ساره ابتسمت من داخل :اممم الى يحب ما يزعل
خالد: وينك ؟
ساره : شدخلك
خالد : افا واضح الزعله قويه
ساره وهي تكابر لكنها مستانسه : باي مشغوله
سكرت بوجهه وهي من داخلها خايفه تعرف خالد ما يحب الحركه ذي
اما عند خالد كان داخل قصر ابوه لكنه يوم شافها سكرت بوجهه رجع رايح ل قصر عمه الى جنبه على طول صادف عمه بطريقه وانحرج
ابو فزاع: اشوف خالد عندنا
خالد تنحنح: احم جاي اشوف ساره
ابو فزاع ضحك: واثق فيك
خالد هز راسه يعرف قصد عمه لأنه توه ما ملك على ساره و ملكتهم بعد بكرا الجمعه
مشى خالد وركب الاصنصير و توهق لأن ما يعرف غرفتها شاف الشغاله تمشي
خالد: لو سمحتي
جيني: ها بابا
خالد: وش اسمك انتي
جيني : انا اسم جيني
خالد : اي وش غرفت مدام ساره ؟
جيني باستغراب : ليش مين انتا؟
خالد : انا هازبن ماما ساره( زوجها)
جيني : انتا كم عمر
خالد بنفاذ صبر : يوهه بتخطبني انتي وين غرفتها
جيني : روح هاذا غرفه يمين
خالد دخل الغرفه و ابتسم من ريحتها الحلوه و جلس ب الصاله حقتها الصغيره ( طبعاً جناح ساره كبير)
اما عند ساره كانت لابسه بجاما حرير حمراء و لابسه سماعتها طلعت ل الصاله و ما انتبهت ل خالد جلست على الكنبه وشهقت اول ما شافت خالد
ساره بصدمه : خالددد!
خالد بسخريه : لا خياله
ساره : وش تبي جاي هنا
خالد: ثاني مرا اذا سكرتي ب وجهي شفتي جوالك ذا بكسره لك قطعه قطعه
ساره : اول شي اذا كسرت جوالي بكسر جوالك ثاني شي كيف تدخل جناحي بدون اذني
خالد: ادخله متى ما ابي
ساره : اطلع خالد
خالد : مراح اطلع
ساره : وش تبي
خالد: ابيك
ساره بسخريه: الناس تعتذر
خالد وقف : انتي الى تدخلتي
ساره بصدمه : يعني اخليك تغلط على اخوي و اسكت
خالد : اخوك كان غلطان
طلع خالد و جلست ساره بغرفتها
الصباح ببيت الجد سعد
الجد سعد: متى طيارتكم يا احمد
احمد:انشاءالله بعد شوي
الجد سعد: انتبه على نفسك و على سُلاف
احمد هز راسه : ابشر
سعيد ابو احمد : انا بوصلكم انشاءالله
ناصر ابو سُلاف: وانا بعد بجي معكم
احمد : ما يحتاج بروح مع السايق
سعيد ابو احمد: لا لا بنجي معكم
احمد : براحتكم ، سُلاف بروح انزل النشاط اذا خلصتي اطلعي
سُلاف قامت تودع البنات وودعت امها و جلست تبكي وودعت الكل و طلعت برا وركبت جنب احمد ورا و عمها و ابوها قدام كان احمد يناظرها اعرف بخوفها و توترها بيحاول يكون لطيف معها
بيت الجد جابر
الجد جابر: وين فزاع من امس مختفي ؟
ابو فزاع : يقول انه راح مكان فاضي يبي يرتاح ويقول انه بخير
الجد جابر باستغراب : وشلون يعني بكرا ملكت اخته وولد عمه مب جاي؟!
ابو فزاع : والله مدري
ابو جابر : اليوم احمد راح كندا
ابو وريف : اي قال لي ابوه
الجد جابر: الله يستر عليهم
الجده حصه : ابيكم تفضون الصاله
الجد جابر باستغراب: وليش ؟!
ام جبر : اليوم بيجون ناس يركبون الكوشه و يزينون البيت
الجد جابر: اجل خلي الشغالات يجيبون القهوه و الشاي المجلس بنجلس هناك
خلصو فطور و راح المجلس يجلسون
عند فزاع كان منصدم مو قادر ينسى الى سوته العنود حجز له فندق و جلس فيه اكتشف ان خربت علاقته مع اقرب الناس له خالد و روان و ساره وعمه ابو جبر كان جالس يحتاج وقت يرتب افكاره مو عارف وش يسوي هو صار يحب بروان لكن مستحيل روان تحبه لانه كذا مرا جرحه وكذا مرا ضربها لبس غترته متجه ل بيت الجد بحكم ان الوقت صار العصر
العصر بيت الجد كان الكل جالس يتقهوى وعند خالد الى متنرفز من تجاهل ساره له
الجد جابر رفع عيونه ل خالد : خالد
خالد : سم
الجد جابر: ابيك تودي البنات ل المول
خالد : كل وحده عندها سياره
الجد جابر: قلت كلمتي
خالد تنهد : ياجد انا عندي عمال بيجون جناحي يجيبون اثاث و اغراض
الجد جابر بصدمه : امداك تجهز
خالد انحرج : ترا خاطب لي اسبوع يعني عندي وقت و العرس بعد شهر
شهقت ساره : ايششش كيف العرس بعد شهر
خالد : اي بعد شهر
ساره : ما يمدي اتجهز
ام فزاع : الا يمديك كلنا معك
خالد : خلهم يروحون ب سياره جبر
جبر بصدمه : قطها علي
الجد جابر: خلاص انت و ياه جبر يوديهم
جبر : ابشر
دخل فزاع عليهم وهو معصب ( يعني لاف شماغه)شماغه
الجد جابر : وينك انت!
فزاع : كان عندي شغل
الجد جابر : وين زوجتك ؟
فزاع : طلقتها و تكفون لاحد يسألني وش السبب
ابو فزاع بصدمه : كيف تطلقها وهي حامل !
فزاع بقهر وقف : طلعت تكذب علي
طلع ومشى فوق ل جناحه هو روان شاف روان الى لابسه عبايتها بتطلع
فزاع : وين رايحه
روان بعدم اهتمام : مالك شغل
فزاع سحبها : تكلمي عدل
روان بذهول : خير بتطلع حرتك فيني
فزاع قرب من وجهه : اقسم بالله ان ما تكلمتي عدل يويلك
روان بسخريه : وش بتضربني نفس المرا الى راحت
فزاع فكها و دخل غرفته وطلعت روان تركب مع جبر
في المطار .........
بارت خفيف لطيف 🤎.
عطو البارت حقه ⭐️🤎.
أنت تقرأ
ياهل المحبه ذاب قلبي بحبه..
Actionبسم لله اللهم صلي على محمد انا كاتبة مبتداء عطوني رائيكم ب الروايه سواً سلبي او ايجابي. الكاتبه : عُذوب عبدالله 🤎.
