شوقي لعيونك ليالي

14

كادي مغمضه عيونها تنتظرها تطيح فتحت عيونها وهي تشوفه محاوط خصرها و ظهرها ملاصق صدره : فكني يا حمار من انت !
متعب : ابك احببببششش احبش يا بنت !
عرفت صوته بردت اطرافها و خافت كثير و هي كانتت تتمنى الكل الا متعب !
حرر خصرها و ناظرته و دموعها بعيونها : لا تتعلّق
متعب ببتسامه بارده : لا اتعلق !؟
هزت الكادي راسها بـ ايه  بدموع تحرق خدودها
متعب بهدوء : تعلقت و خلصت !
كادي راحت و تركته و طلع متعب الجبل و نام هناك و هو مجلوط

عند مشبب |

بعد ضحك و سواليف و خبال ،،

عزوز : بو صقر لاهنت ابي دوره المياه
مشبب : عانه جوا في قسم الرجال
عزوز : تم
راح عزوز و هو يدخل قسم الرجال و يسمع صوت مبحوح يغنني !

استغرب وهو يتنحنح : ياولد !؟
التفتت له بصدمه : من انت !!
عزوز ناظرها وصد : معليش معليش مغير الا ضيف مشبب جيت ابي الحمام
ناظرته : بروح و ادخل ،، راحت ودخل عند قسم دورات المياه حقت الرجال و ريحة عطرررها خرقت انفه استنشق : ذي اخت مشبب عز الطلب ! ابتسم و دخل دورات المياه و خرج ،، حصّل جوالها ع المغسله جاء بيشوف كم الساعه و تراجع بسبب م يدري وش هو غسل يدينه و قدهو خارج رصّع حاجه اوجعت رجوله شال رجله عن الارض وهو يشوف سلسال مكتوب فيه - غزلان -
ابتسم : غزلان !! انشهد انها غزال(ن) صدق ،، حط السسلسال بجيبه و خرج لعبدالله و راحو لبيتهم

اليوم الثاني | الساعة ٩ الصباح

ورود كانت عند ارانب عبدالله و تلعب معاهم

صحى عبدالله من النوم طفشانننن جواله طافي شحن والشاحن مع عزوز و السوني محد بيلعب معه , اتصل على ظبية م ردت عرف انها نايمه وهو م كان يدري ان ورود هنا
عبدالله تنهد : يالله صباح خير , اروح المزرعة احسن لي !

راح المزرعة و هو يشوف احد جالس عند الارانب
تقدم : ورود ؟
التفتت له بحده : نعم !؟
عبدالله : اعتذر والله اني اسف م كنت اقصد بس انتِ لعبتي في اعصابي
رجّعت انظارها للارانب و عطته ظهرها
عبدالله ضاق صدره وهو يشوفها تصدّ عنه هي دايم تناقره و تتهاوش و تسولف معاه
عبدالله : طيب شوفي وش معي !
طنشّت : م ابغا
عبدالله ببتسامه : شوفي طيب شوفي
التفتت له و اتسعع مبسمها من شافت معه قطوه !
ضحكت بوناسه و تقدمت له : هذي حقتي !؟
ابتسم من ضحكها : ايه اجل لمن
لا زالت مبتسمه : ذكر ولا انثى !؟
عبدالله كبت ضحكته : مدري شوفي انتِ
ناظرته بوسع عيونها : صدق قليل ادب
ضحك عليها : انثى يا بوي
ورود : وووناسه ! وش نسميها
عبدالله : ليش بنتنا هي عشان اسميها ! سميها انتِ
ناظرته : مستتتفزززز
ضحك عليها , ورود : خلاص بسميها اولقا !
عبدالله : انا رايح اجيب لنا فطور وش خاطرش فيه
ورود رفعت نظرها له و هي تلعّب اولقا : بكيفكم انا م باكل اصلاً
عبدالله : ليش ما تاكلين مثل الاوادم انتِ
ابتسمت له : انا اسوي دايت و ماشيه مع برنامج صحي
عبدالله ابتسم لها : داخله نادي ؟؟
ورود مبتسمه : و العب كراتيه يعني الله يعينك
ضحك : الله يعيني ليه
ورود تورطت : ييي..يعني لا عاد تسوي اشياء عشان م الكمك
عبدالله : تم تم , توصين على شي بروح انا
ابتسمت له وراح ، لوحت له بيدها و رمت له بوسه
وسّع عيونه بصدمه : يياا بنت والله لا اجيش
ضحكت باعلى م عندها : بيجيك كف