شوقي لعيونك ليالي

20

نايف زّل : بروح لمتعب اشوف كيف حاله واجي
كادي بعدم فهم : ليه وش فيه ؟
نايف : هو الي تبرّ..سكت من دقته عذاري بجنبه
وكادي تناظرهم بصدمه : ءء متعب المتبرّع !!
ظبية خرجت لها بلثمتها : ايوه هو الي تبرّع
غطّت وجهها بكفوفها : ليش م قلتو لي !! ليش
نايف : انتهينا الي حصل حصل ، و الحمدلله على سلامتكم يا الاثنين و يا ويلكم من فاطمه و حسين و هنادي و محمد و صرخ : يااا ويلكم جدي ععايض !!
ضربته عذاري بكتفه : اهجد زلزلت المستشفى!
ناييف خزّها بطقطقه : بروح اجيب لنا فطور و اجي ، تروحين معي ؟
هزت راسها له بالنفي : بجلّس مع البنات من زمان عنهم !
وافق و خرج لمتعب يساله وش مشتهي ،، راح يشتري لهم اشياء من البقاله و لا ترك شي فيها ، اتصّل على عذاري ،
نايف : وش تبين من البقاله ؟
عذاري : جب كندر و ايس تي
نايف : غيره ؟؟
عذاري : سلامتك ، لا تسرّع !
نايف : ابشري ، قفّل و هو يشتري لها كرتونين كندر و علب ايس تي و يوديها الفندق و راح متوجهه للمستشفى لانه م بقى ع الاذان الا ساعتين ،،، وصّل للمستشفى و راح لمتعب بفطورهم و للبنات بفطورهم

بعد الفطور .. سمّح الدكتور لهم بالخروج و راحو متوجههين للقرية ..

بيت صقر |
بعد الفطور
مشبب : غزلان ، سوي لنا شاهي احمر خادر يصقع النخاع
غزلان : ابشر ، صقر : هو يقوم يسوي له
ضحكت غزلان : شدعوه يبوي ! بسويه انا ، شاهيه ما ينذاق
ضحك مشبب : خفي علينا يالي شاهيها ماخذ جائزة اوسكار
صقر : مشبب اتركها عنك و انتِ روحي سوي الشاهي بسرعه
نقزّت غزلان تروح تسوي الشاهي و من المطبخ : تبون حبق ولا نعناع ؟
صقر : مكّسيها
انتهت و جابته ، فين امل و عيالها ؟ و امي ؟
صقر : راحو للرياض ..
شهقت : وانا تركوني نايمه ولا اخذوني !
صقر بطرّف عين : توني وديتس الشهر الي راح تشترين للعيد يا خرّاطه
ضحكت و هو يحاوطها و يضمها لصدره : جعلك يا مشبب فداها
شهق مشبب : افااا افا افا افا
ضحكت : الا زعّل مشبب يا ابوي ! بعير ذا مب انسان
ضحك صقر : انشهد انه بعير !
ضحكو وتقهوو و يسولفون و غزلان كالعاده تناقر مشبب و يناقرها و يقوم صقر يضرب مشبب  ..

بالطريق |

يستمع لأغاني خالد عبدالرحمن و في اتّم الروقان ، و يتخيل رده فعلها إذا جاهم

قرية الضاحي |

عبدالله : كم باقي و تولدين
فاطمه ببتسامه و هي تشوفه يمسك بطنها و يبوسه : شهرين كذا ما اعرف الله العالم ، تبي بنت ولا ولد ؟
عبدالله : يكفي عيال ابي بنت و ابتسم بوناسه : تسمينها المها
فاطمه : لا بسميها شموخ ولا شيخه
عبدالله : ابي أميره
حسين من خلفه و بعدم فهم : منهي أميرته الي تبيها ؟
فز عبدالله واقف بخرشه : النونو يا بوي النونو
حسين : تبي اسمها أميره ؟
عبدالله : لا لا ابي ألمها
ضحك حسين : عندنا ظبية وشهو له !
عبدالله : طيب مب لازم المها
حسين : وش تبي
عبدالله بتفكير : أنا إنسان يحب الورد و الأزهار فلذلك ابي النونو اسمها ورود
فاطمه و هي قافطته : انت سمّ بنتك ورود !
عبدالله : م يجي نفس أسم امها ؟ كيف تجي ! ، سرعان ما فز من ضربة أبوه بظهره
حسين ناسي من ورود : نجلس ندور لك وحده اسمها ورود ؟
عبدالله بتوتر : لا لا لا امزح بسمي بنتي حسينه على اسمك
حسين : قم قم انقلع عزيز يبيك تحت
عبدالله نزل متوجهه لعزوز ،،،
حسين : والله و كبر بطنش !
ضحكت : طبعاً بيكبر الحين بالسابع أنا
حسين ابتسم من ابتسامتها : مسرع الأيام
فاطمه : فين متعب مختفي و ظبية و الكادي
حسين تنهد و هو يعرف السالفه كلها بسبب ان فيه دكتور بالمستشفى يعرفه : ادعي لهم
ارتجف جسد فاطمه بخوف عليهم : تخبي شي !!!
حسين وهو يسرد لها القصه كامله
فاطمه بدموعها : ياربي ياربي ليش يسوون ذا كله من ورانا !
حسين : كتبو لهم خروج و بنشوف وش العلم ، خرج من عندها متوجهه لمحمد