وصلو الرياض و كانت عذاري نايمه و صحاها نايف من وصلو الفندق ينطق : بنت يله وصلنا !
صحت ترمش بتكرار تنطق : ابي انام
ضحك عليها : اخ اويل حالي يا حظ الي خلّه يسهر معه ولا هو يرقد !
ناظرته بطرف عين : احسن تراه عقاب !
ابتسم : عقاب ؟
طنشته تنزل و تسبقه للمصعد و هي تقفله وهو باقي برا يصرخ صرخه مكتومه : عذاااااري !!
ضحكت توصل للجناح قبله و تفتح الباب بالبطاقة و ترمي نفسها ع السرير و نايف تحت يكمل شيل الاغراض , بعد رُبع ساعة انتهى نايف من شيل الاغرراض و يدخل الجناح و ينصدم من شافها نايمه ع السرير ابتسم من نومتها و من الواضح انها هلكانه , كانت نايمه على بطنها و تاركه شعرها على راحته , و ببجامتها الي تجيب راسه و هي عاديه و بخدودها الحمراء و بشفايفها المليانه, تنهد يدخل معها بالفراش و يستغل الفرصه يدخلها بحضنه و ينامون ..
بالعصر .. ببيت صقر /
غزلان : مااااااااا فيييه انا انسانه طفشت خلاص يا نروح تنومه يا نروح الشمال !
ضحك صقر : يا بنتي خلينا نخلص سالفه بنت عايض و اخوتس و يصير خير
غزلان زمّت شفايفها بزعل : متى طيب ! البنات كلهم تجمعو هناك بتنومه و جدو كلهم هناك
رقيه بضحكه على زعلها : لاحقتن عليهم وانا امتس , بعدين وش قصروا بنات الضاحي به ؟
غزلان : م قصروا بحاجه , بس عيب وانا كل يوم عندهم , مو ؟
ضحكت صقر يحتضنها : مو مو يا عين ابوتس
دخل مشبب و عيونه فيها التعب وباللون الاحمر ينطق ببحت صوته : السلام عليكم
ردو السلام بهدوء ينطق مشبب : غزلان الحقيني
غزلان توترت لان حال مشبب مو طبيعي تنطق : وش تبي ؟ تحاك
التفت لها بحده نظرته ينطق : انا اقول الحقيني
دقتها رقيه بفخذها بمعنى روحي له , غزلان : جايه جااايه
لحقته و هو يسحب يدها و يدخلها غرفته و يقفل الباب وراه و بقوّته , غمضت غزلان عيونها بخوف : شفيك انت ؟
مشبب ببحت صوته : انا تعبباااان تعبت تروحين معي الحين لساره و تجيبببينها هنا فاهمه ؟
بردت اطرافها من طلبه تنطق بهمس : مب صاحي ؟
صرخ فيها : ايه ايه مب صاحي مب ص ا ح ي ارتحتي الحين ؟ ساره و تجيبينها هنا فاهمه ؟ بالطيب ولا بالغصب
اتسعت عيونها من صراخه عليها تصرخ بنفس نبره صراخه و بصوتها المبحوح : خير مشبب خير ؟ مو صاحي انت ابدا مريض تبيني اجيب البنت هنا و بعدها !! سلاماتتتت فين عايشيييييينننن خيرررر , و بحدّه : والله ثم والله اذا م تعقل و تهجد لا اعقلك انا و اهجدك انا و انت تعرف مين هي غزلان بنت صقر زين
مشبب بصراخ : مالتس شغل الي اقوله تسوينه تسسوووييينهه يعني تسوينه , و ساره تجيبينها هنا و انا بعرف اتصرف بعدين
مدت يدها و هي تصفقه كف دوى صوته بالغرفه : لعنتك يا كلب يا حيوان , ترضاها فيني ؟؟ ترضاها اروح لهم و يسوون فيني زيك زي م تبي تسوي ؟ واناااا م ادري وش نيتك يا لعين ما ادري باقي لكن وضحت لي الفكره , بس والله ما تشم شعره من راسها الا وهي لك حليييلتك غيرها احلم احححللللللللللللممم , وساره لو هي لك بتكون لك و لو ماهي لك م بتكون لغيرك انا اشوف بعيونها لمعه حبها لك انا اعرفها كويس مستحيل تكون لرجال غيرررررررك , بعدين الشي مو بالغصب يا ولد مووو بالغصب تفهم انت ؟ البنت قلت لي انها تعبانه خلاص انتظر وش بيجيك بتموت يعني ؟ اعقل يا ولد صقر اعقل
كان مشبب مثل الصنم يناظرها و هي تنطق : غلطط والله غلط يا حبيبي انك تسوي كذا مره غلط ترضاها لي ولا لاحد من محارمك ؟ مستحيل مشبب وانا الي اعرفك و اعرف غيررتك زين اناااا , انا اعرفك اكثر من اي شخص بالحياه و, م كملت كلامها الا وهو يحتضنها لصدره : آسف
بكت : كلنا اسفين كلنا و انا اسفه بس الي انت تبيه غلط و استحاله اسويه تفهم ؟
قبل راسها بهدوء يخرج من عندها جاهله غزلان وش بيسوي وش بتكون النهايييه ...
