شوقي لعيونك ليالي

16

بيت صقر بو مشبب |

غزلان : وناسه بتعرف عليههم اخيراً
رقيه : يوه كم قدلي من مرة حسين !
صقر : لنا مده مده هيا اجهزو عشان نروح بعد المغرب
مشبب : ابه ... بشور عليك شور
صقر : دندن
ضحك مشبب : انا ابي اتزوج وش رايك تخطب لي من عندهم
وسعت رقيه عيونها بصدمه : اخيراً !!
غزلان بستهبال : حاط عينك على حد منا ولا منا
ضحك مشبب : لا بالله لكن خبري ان على الشايب عايض بنت اصغر عياله يا يمه و وحيدتهم ولا قد تعدت ٢٤
صقر : وش اسمها
ضحك بورطه : والله معلم
صقر : توكلنا على الله
استانست رقيه بولدها وانه اخيراً قرر يتزوج
غزلان نقزت لغرفتها تتجهز و تغني و مبسوطه لاخر حد ،، تذكرت عزوز  : اموت و اعرف هل هو منهم؟
ضحكت بسخريه على نفسها : اهجدي وجع ما درا عنتس
كملت مكياجها بروقان و انها اخيراً بتتعرف على ال ضاحي و بينها وبين نفسها تبي تشوف ساره وهي اصلاً ما تعرفها ولا تعرف العايله كلها بس بتسال عن اصغر عيال الشايب عايض ...

عند العيال |

متعب : اسمع تراك ملعون صح ماني اخو البنت لكن تراك عصبي و لا تجي البنت و لا تقربها
ضحك بسخرية : صح اني معكم فرفوش و ونيس لكن انا مدري شفيني اذا كلمتها هي بالذات
متعب : تراني ادري انك م تطيقها لكن وش نسوي !؟ حُكم عايض
نايف : اذا خلص الزواج ذا الي مب زواج فين اروح
شهق متعب بصدمه : الله لا يوفقك ! م خذيت لكم فندق في الرياض !
نايف : ليه فندق ؟ ترقد في احد الغرف حقت البيوت وش فرقها عن امي وامك ؟
ضربه متعب في صدره : اعقل لا العن شكلك ! انت صاحي ؟؟؟
نايف بحده : مني صادق !! بالله عليك اضرب مشوار 3 ساعات ! ذليل و بكره ؟
تافف متعب منه : كان كل تبن

عند البنات | 

انتهت عذاري من مكياجها و لبسها و شعرها : بنات ! بموت بصيح ! اظافري مب راضيه تضبط مثل الناس من يومني في المتوسطه وهي كذا !!!
ضحكت عليها ايلاف : تستاهيل مغير تاكلينها
ضحكت كادي : تحسبها فصفص
ظبية بحده : كان من الفقفقه و انتِ يا عروس بسرعه استعجلي بيأذن المغرب الحين
ساره : يوه يا بنات مدري ليش فيني حاجه في بطني
ضحكت ظبية : يا سوير خصلتي ؟
ساره هزأت راسها بالايجاب ,

عند العيال |

عزوز متضايق : ياخي مدري ليش احسها مب راضيه
عبدالله : يا رجال معليك توكل ع الله و نايف رجال بيصونها معليك
عزوز اسفهّل خاطره : تدري وش ؟
عبدالله أبتسم من وناسه عزوز : وش ؟
عزوز : بتجـ.. انقطع كلامه من ادرك انه جاب العيد فعلاً
عبدالله : الله يعب لك قنبله ! منهي منهي !!
ضحك عزوز : لو يهمّك عرفت , و عطاه ظهره
عض عبدالله شفايفه بفضول وهو يبي يعرف عزوز وقع في حب من ؟

نايف جالس بين ابوه و عمّه عادل بشروووود تام
عادل : بو محمد ؟ ، نايف : سمّ
عادل : اطلع برا ابيك
نفّذ نايف كلام عمه ،، لحقه عادل
عادل : نايف انا ادري انك م تبي عذاري ولا هي تبيك صح ؟
تنهد نايف : صحيح ، لكن من له كلام فوق كلام الشايب عايض !
عادل : ليش ما اعترضت ؟ نايف : علمت لك ، مال حد منا كلام فوق كلام جدي عايض
عادل : اسمع ، انا عطيتك بنتي معززه مكرمه و انا واثق انك ما بتأذيها و بتصونها ،، لا تجيني يا نايف تقول نايف ضربني نايف هانني
نايف بهدوء : غيره ؟
عادل : ابيك تصونها , نايف : غيره
راح عادل متوجّه لمجلس الرجال ..