شوقي لعيونك ليالي

21

تمسك بايده تنطق : نايف , زفرت : مره شكرا على كل شي ما ادري كيف اشكرك على كل شي بس الي اقدر أقوله لك مره شكرا , اتسع مبسمه يشد على يدها : شكرا ؟ وش مسوي انا عشان تشكريني ؟

رفعت نظرها من الأرض تناظره : على كل شي
ابتسم لها : ابد م سويت شي ذا واجبي ! تشجعت و هي تحضنه و تشد عليه و هو انصدم و حاوطها و قبل راسها بعمق : يالله لا تحرمني منها يالله ,

ابتسمت بخفوت تبتعد عنه تنطق : جد بنروح الرياض ؟
هز رأسه بالنفي : لا جدي عايض قال لاحد يروح ذليل مكان يبينا في موضوع !
هزأت رأسها بتفهم : عسى خير وهي تتلحف و تنام و بعد دقايق قليلة لحقها نايف و غطو بالنوم

الساعة 11 ليل /

نايف فتح عيونه بخفيف وهو يشوف نور القمر مع الشباك و رجع ينام و فز مره ثانيه يشوف عذاري نايمه بعمق و فتح جواله و انصدم من شاف الساعة 11 مسح وجهه و استقام يتوجهه لحمام يتوضأ و يصلي ما فاته من صلاه و هو يتوجهه لعذاري يصيحيها و صحت مفجوعه و سمى عليها و استندت عليه و راحت للحمام ,,

خرجت و نايف ينطق : يا رجال ؟ متى انخطبت , عقدت حجاجها بهدم فهم و جلست ع السرير بحكم انها ما تصلي , انتهى نايف من المكالمه وهي تساله بفضول : خير ان شاء الله ؟ من الي انخطبت؟؟

, نايف : عمتي ساره انخططبت ! و احنا رقود م درينا عن شي !
ضحكت : شي طبيعي تسمى غيبوية العيد يعني , المهم مين الخطيب ؟ نعرفه !

هز رأسه لها بالإيجاب ينطق : هالله الله , مشبب بن صقر .. ضحكت من تذكرت كلام غزلان وانهم بيخطبون ساره لمشبب ,
ابتسم وهو ينطق : انا بموت من الجوع عهدي بالفطور الساعه 8 !

ناظرته : تبي الصدق حتى انا جووعاانه حيل !! تأفف : بتصل على ايلاف ولا امي , المهم اشوف فيه عشاء شي ؟
رفضت : انا بتروش و بجيك نطبخ لنا كبسه على كيفك ,

وافقها : انتظرش لا توخرين ,,

بعد عشر دقايق خرجت : جيب لنا العزبة حقتك , كاملة هي صح ؟
هز رأسه لها بالإيجاب : كاملة مكملة , البسي و خلصي على بال م اجيبها , خرج و لبست بجامه زرقاء باكمام سلك و تعطرت و اخذت كريماتها و ترطبت و انتهت بالقلوس على شفايفها ,

دخل نايف : انكسر ظهري !! لولا الله ثم ايلاف كان مت ,
ضحكت : ايلاف جات معك ؟ ليش م دخلتها ؟ ,

نطق : كانت بتدخل بس انا طردتها
وسعت عيونها تنطق : ليششش ؟؟؟ ,

ضحك على ردة فعلها : وشو ؟؟ توها الأخت تصحى من النوم و قلت لها هيا قالت لا مدري وشو بعدها قالت بجيكم و قلت اطلق من يجي و قالت طبعا اطلق من يجي يا الجربوع و عشان كلمتها حلفت م تدخل
ضحكت بصدمه : حرام عليك ! بتصل عليها ,, أرسلت لها و قالت لها انها مع غازي بالمزرعة ولا عرفت تصرف نايف عشان كذا عايرته و حلف م يدخلها ..
عذاري : خلاص ما بتجي , تعال افرش الفرشه هنا عشان فرشه الغرفه ما تنعدم , فرش الفرشه وقرب الدافور و قطع البصل و الطماطم و جهز كل شي باقي بس الطبخ , تربعت عذاري و بدات تطبخ و ضغطت اللحم و وطلع نايف الشيش من العزبة و بدو يلعبون و يضحكون و يتضاربون , عذاري ميته ضحك لانها سجنته 3 مرات كلما وصل للفوز سجنته
نايف : يا بنتي غش غغغشش ,, ضحكت : كمل وانت ساكت ,
قرر نايف يراقب ويشوف وش تسوي و كيف تلعب بمهاره , كشفها و صصرخ : يا غشااااااششه ! كشفتش ! اجل ترجعين الدبوس بالأمان عشان ما تنسجنين يا غشاشه والله لا اعضش الحين ,
انفجرت تضحك من عرفت انه كشفها و انضغط وهي تضحك : يا ابوي 3 جولات م كشفتني !!
ضحك : م عاد بلعب بيطقني السكر لا لعبت , ضحكت و هو يلف النرد و الدبابيس و يرجعها مكانها وهي تشرف ع القدر
عذاري : ليت فيه سوني ! ابي سوني فكر نايف كيف يجيب سوني العيال من المشب و هو يقولها بيروح للسياره يجيب منها أغراض و نزل للمشب يأخذ السوني و يرجع , طرق الباب لانه م يقدر يفتحه بحكم ان السوني و الاسلاك معاه , فتحت عذاري الباب تصرخ بوناسه : وناااسه ,, شبك السوني و بداو يلعبون فيفا و جلدها نايف ب 9 _ 3 ولعبو شوط ثاني و فازت عليه 6_2 و رن الجوال بأن الاكل استوى و هو يقفل السوني و نزل يجيب اللبن من الثلاجة و يجيب سفره و كوبين , وصل وفرش السفره و حط الصحن و حضرت عذاري الاكل
نطقت : ترا مب مره اعرف اطبخ اذا م عجبك فاستر ما واجهت و لا عاد اطبخ مره ثانيه ,ضحك ينطق : عوافي يا بنتي ,