زوَاج الكادي و هزّاع ~
هنادي : ابتسمي يا بنت
الكادي : مو لازم
اكتفت هنادي بالصمت تخرج و توصي ايلاف : انتبهي لاختك !
ايلاف بتعجب : مو بزر ولا بطفله بس ابشري
دخلت ايلاف تنطق : وراهم يقولون لي انتبه لك وش مسويه انتِ !
كادي : بحسبوني بهرب يعني
ايلاف : الصدق كوكو انتِ تبينه ولا لا
كادي : من جدك تسالين ! تعرفين من احب و من ابغا و من قلبيي معلق به
ايلاف : ليه وافقتي عليه طيب !
كادي : عشان أمي
ايلاف ناظرت كادي و ابتسمت كادي بإتساع من نطقت ايلاف : تفكرين بالي افكر فيه !
ضحكت الكادي : والله !
ايلاف : والله ، قولي تم و ازهلي الباقي عندي انا و غازي
كادي : لا بليز لا تدخلين غازي بالسالفه !
ايلاف : اششش قلت لك ازهلييي
ضحكت كادي و اتسّع خاطرها عكس اول النهار ...
بيت آل نافل /
مُنتهى بصراخ : ساااالم يمين بالله اذا ما خرجت بحرقك بالفير ! اخرج يا حبيبي
سالم بوناسه على صراخها : تحرقين من ؟
مُنتهى بضجر من سالم : وربي بحرقك
ضحك سالم : يله اتحداك
قربت منه مُنتهى بالفير و هوّشت له خاف و مسك الفير و صرخ : ياااااا كلبه !
انفجرت تضحك : قلت لك بتنحرق بس ما تفهم
سالم ينفخ كف يده : الله ياخذكم ي البنات
رجعت تهوّش له : عيد عيد ! ما سمعت حياتي
صرخ فيها : كان كان نمزح
دخل نمر بعد ما سمحت له مُنتهى بالدخول ينطق : ولد ! ايش علتك تصايح و تصارخ ! عسى ما خلاف ؟
مُنتهى بعدم وعي : يمكن يطلق
اتسعت عيون سالم و كتم نمر ضحكته و بغضب : بنت !
تنحنحت : معليش اسف ، طيب ممكن تخرجون ! خلصت ميكب و شعري و الحين ابي البس ممكن ؟
تقدّم نمر لسالم و مسكه مع رقبته : كم مره قلنا لك و قالك ابوي و امي و كُلنا لا عاد تدخل غرفتها من وين تفهم
مُنتهى بتتهوّر كانت بتتكلم و لكن سبقها نمر : اسكتي انتِ يرحم بوك
ابتسمت : لا بس كنت بقول انه حيوان ما يفهم بس انت نيتك ماش
ناظرها بطرف عين : بعديها لك المره ذي ولا والله لا اخليك تمترّين البيت كُله
مُنتهى : لا والله امزح خلاص
ببيت آل صقر /
غزلان : امانه بسوي لك ايلاينر بليز
مشبب : لا
غزلان : بليز والله بمسحه لك معليك
مشبب : لا
غزلان : ميييشووو
مشببب : لا
غزلان : على شحم رايحه لمطلق يا الشايب مدري كيف ساره بتتحملك مُستقبلاً
اتسعت عيونه : شعليتس انتِ
غزلان بمزح : كريهه
مشبب : اقول روحي جيبي غترتي و ثوبي اعجلي
غزلان : لا
مشبب بتقليد لغزلان : بللليز تراه بالغرفة
غزلان : لا
مشبب : غزلاااااننييي
غزلان : برضه لا
مشبب : على شحم
ضحكت بإتساع و خرجت تكمّل مكياجها
بالقاعة /
كانت ام هزّاع و بناتها واقفين ع المدخل يستقبلون الضيوف و المعازيم ، و ع الجهة المقابلة كانت هنادي و الجدة منيرة و حنان ايلاف
تقدمت ام هزّاع : خلصت الكادي
هنادي : ايه خلصت ابشرك
ابتسمت ام هزاع و اكتفت بالصمت ترجع لمكانها ...
