عدلت على البارت جزئية أدهم و قتيبة
******
أدهم و أوس و كلهم وراه مع بدر واقفين جدام مكان بالحديقة معزول و مرتب حوالينه بعناية
و لما سألو بسام عنه قالهم أهو طلع بمهمة و رجع لقاه و حذره نعمان يقرب منه أو ينبش فيه أو بيذبحه و يبيع أعضائه
(هني أمك وولدك مدفونين)
أدهم أمرهم يحفرون المكان و كل ما يوضح له ولده ينهار بجي لأنه بادي يتحلل و يمه الأسوار إلي صممه لأمه و أوس يطبطب عليه أهو لا شاف أمه و لا بيتكلم إنه كان يدري عن ولد أدهم بالأخير يعتبر عمه
أدهم ألتفت يطق أوس بغباوة و يالله رفعوه عنه
و الثاني منهار يبجي متمسك برجل أخوه عشان كان رافعها و بيطقه فيها ما يدري ليش فصل عليه
(ليش فصلت عليه تعتقد نعمان لحقه و عرف)
نطق فيها بدر و أهو يطالع أوس المنصدم كان حذر حيل و يتلفت وراه ألف مره و لما يدخل البيت يسكر كل شي
(نعمان لحقك أنت كشفت نفسك)
أدهم أنهار بسبب غبائه كان وده يعيش الولد بأفخم حياه،،،عيشه بقصر مع مربيات و سايق
و طباخين و حديقه كبيرة و سيارات و أفخم المدارس و المدرسين كان يعوض طفولته فيه كان وده ياخذ كل طفل من نعمان و يعيشهم هناك بهالقصر يفتح لهم طريج نقي بالحياة
(منو قاله)
بدر سواا أتصال و بعد فترة وصل واحد بيده شخص راسه متغطي
كان آخر سايق وظفه أدهم لولده و صار تابع لنعمان أشتراه بفلوس كانت تعمي العين كان نعمان يبي يحط أحد يراقب أدهم و يعرف وين يروح لما يغيب و لقى هالسايق هدده بعياله أول شي بعياله عقب عطاه ملايين أهو ما كان يهمه بيعوض هالفلوس عن طريج الولد
وظف واحد جديد عنهم كليا و ماله سوابق و ملفه نظيف و عنده عيال و زوجة و تطمن له أدهم حيل من راقبه و شاف حنيته مع عياله و بعدها ولده حبه بسرعة و تعلق فيه و بيوم أجازته يتصل على أدهم يسأل عنه و دايما يشتري له هدايا
(أدهم أنا يوم أنقتلت أمك سكت سنين من إلي كان يسويه فيك نعمان خفت على عيالي بس مع ولدك ما قدرت رغم إنه مو من دمك بس كنت أشوف شلون كنت تحبه و تعامله)
بدر كان يدري عن أدهم شافه و أهو يتسحب
و يشيل الولد كان عمره وقتها 20 سنه و راقبهم سنين يشوف حياة الولد سعيدة
(يومها كنت أطمن عليه من بعيد كان دايما قلبي ناقزني لا يدري عنه نعمان لما شفت السايق كممه
و طلع فيه و ضيعته يومها بعدها لقيت جثة ولد جدامي ملامحه مو مبينه من التشويه و طلب مني أفرغه و نفذت متصل عليك بعد ما تأكدت)
بدر أكتفى من جبروت نعمان و ساديته و مرضه النفسي كان ينام مع الجثث و يصور بالدارك ويب و المبالغ إلي تندفع بأرقام خيالية عشان يشوفون الأشياء الغريبة مباشر
