.
.
.
الصباح في بيت المسعود ~
قام سليمان يغسل ولبس وكان بيطلع لدوامه ولقى امه جالسه بالصاله / صباح الخير يمه
قرب وباسها على راسها
ام سيف / صباح النور ياوليدي ، وراه لبسك خفيف كذا برا برد
سليمان/ معليك يمه انا داخل هالمكتب ودفى
ام سيف/ ايي زينن
سليمان / يمه بكلمك بموضوع
ام سيف / وش
سليمان / انا ابي اخطبب ..
رفعت راسها ام سيف وقالت بفرحه / صادق انت؟؟؟
سليمان / اي والله يايمه واللي ابيها هديل الخلف
ام سيف / بنت ابو محمد؟
سليمان / اي يمه
ام سيف / ايي ان شاء الله اجل بكلم ابوك ونشوف يوم نروح نخطبها فيه
سليمان / يمه اليوم
ام سيف / اليوم!!
سليمان / اي يمه انا مستعجل
ام سيف / شفيك ياوليدي مستعجل خلينا نكلم ابوك وبعدها اهلها وبعدها يصير خير
سليمان / يمهه تكفين حاولي تخلينها اليوم اليوم يعني اليوم !!
ام سيف تأففت / افف منكك دوم مستعجل انتت
قام سليمان وحبها على راسها وطلع لدوامه ..
بعد نص ساعه بالسياره كان سليمان قريب من دوامه
كان كل تفكيره انه ترفضهه بس مستحيل هي دامها قالت له بجاوبك بالوقت المناسب يعني بتوافق ..
عند ام سيف اللي لمن صحى ابو سيف من النوم وجهزت الفطور له هي والعنود كلمته بالموضوع
ام سيف / يبو سيف عندي لك بشاره
ابو سيف / خير ان شاء الله وش هي ؟
ام سيف / سليمان بيخطب
رفعت راسها العنود وهي مبتسمه
العنود / صدق يمه!!
ام سيف / اي والله ويقول اخطبيلي هديل بنت الخلف
ابو سيف / م شاء الله اجل كلمي امها ..
ام سيف / سليمان يقول اخطبيها لي اليوم
ابو سيف / هالولد دايم مستعجل !
العنود / ازين يبه نبي عرس اشتقت للعروس
ابو سيف / على خير ان شاء الله
~ في بيت المقرن ~
صحت غزل الظهر وعلطول تذكرت هديل واتصلت عليها
بعد اتصالين ردت هديل
غزل / هديل للحين نايمه ؟
هديل / ايهه
كان صوت هديل تعبان مرهه
غزل / شفيه صوتك !!!
هديل / م فيني شي توني قاعده يمكن عشان كذا
غزل / والله م ظنتي لكن قومي اليوم بنطلع انا وياك نتمشى ونغير جوو
هديل / مالي خلق والله
غزل / الا قوميي قوميي
تذكرت هديل كلام سليمان لها امس وقالت / ياغزل!!!
غزل / بسم الله شفيك!!
هديل / سليمان امس قال انه بيخطبني !!
غزل بضحك / شكلك حلمانه
هديل / لا والله مو حلمانه امس لمن رجعت بيتنا قالي كذاا
غزل / صادقه ؟؟ وش قلتي له
هديل / ممداني اتكلم الا مشى وخلاني
غزل / بتوافقين ؟
سكتت هديل شوي وقالت / ايه..
.
.
قامت هديل وغسلت وصلت ونزلت تحت عند امها اللي لقتها صاحيه وتصلح الغداء
هديل جلست بهدوء واستغربت امها
ام محمد / شفيك يابنيتي تعبانه
هديل / لاوالله يمه مو تعبانه بس مالي خلق شي
ام محمد / يلا معليه قومي شوفي الغداء وش صار عليه
لمن جت تقوم هديل اتصل جوال امها وهو على الشاحن
ام محمد / هاتي لي جوالي
هديل / ابشري
راحت تمشي هديل على الجوال واوجعها بطنها لمن شافت اسم المتصل كانت ام سيف
فصلت الشحن وودت الجوال لاامها / سمي
ام محمد / اهلين هلا والله
ام سيف / شلونك ياام محمد ؟
ام محمد / والله الحمدلله بخير شلونك انتِ؟
ام سيف / بخير الحمدلله ، والله ياام محمد انا متصله اكلمك بموضوع
ام محمد / خير اللهم اجعله خير
ام سيف / خير ان شاء الله خير ، والله مااعرف كيف افاتحك بهالموضوع لكن تعرفين ياام محمد سليمان ولدي تعرفينه كبر وتوظف وبس باقي له بنت الحلال اللي يتزوجها وعاد انا قلت مافي الا بنتك هديل م شاء الله هي اللي تصلح له وانا مااتصلت الا اني داريه انك ماراح تردونه ان شاء الله واذا مافي مانع بنجي اليوم العصر نتكلم بالموضوع
ام محمد كانت مصدومه لكن ردت بالرد اللي حست هديل ان كل شي صار حقيقه وان سليمان قد كلامه !!!
ام محمد / والله مافي احسن من سليمان م شاء الله والنعم فيه رجال ومابه قصور وحياكم الله العصريه اجل وقبلها بكلم ابو محمد واقولك وش يقول يوم تجين
ام سيف / على خير ان شاء الله
قفلت وكانت هديل واقفه ومصدومه / يمه وش تقول
وقالت لها امها كل شي / ها وش قلتي ؟
بلعت ريقها هديل وقالت / موافقه يمه
ضحكت ام محمد وقالت / اي زينن اجل لكن اشوف ابوك وش يقول اول !!
على كلامها دخل ابو محمد / وش اقول ؟
ام محمد / سليمان ولد ابو سيف تو اتصلت امه تخطب هديل لهه وتقول العصريه تردين لي وش يقول ابو محمد
ابو محمد / سليمان م غيره؟؟ والله والنعم وقوليلها اني موافقق ماراح نلاقي احسن منه!
هديل / ماراح تسأل عنه ؟
ام محمد / وش يسأل وبعدين انتِ مو موافقه؟ والولد ابوك يعرفه رجال وكفوو وم عليه خلاف
ابو محمد / وامك صادقه!
هديل صعدت لغرفتها وهي خايفه
فتحت باب الغرفه ام محمد / تجهزي ياهديل يمكن تبيك تجلسين عندها ام محمد
هديل / ابشري
بعد اذان العصر جت ام سيف ولمياء ومشاعل بناتها رحبت فيهم ام محمد ودخلتهم المجلس
دخلت هديل وسلمت عليهم وجلست
ام سيف / م شاء الله تبارك الله عاد انا امس حتى م شفتك انتِ جيتي للعشاء؟
هديل / ايي جيت بس قبل العشاء رجعت البيت
ام سيف / انا اقول م شفتك
هديل / عاد سلمت عليك بس يمكن ماانتبهتي
ام سيف / اي والله كنت مو يم الحريم مشتطه ههههههه
ابتسمت هديل وصاروا يتكلمون بأمور الخطبه اللي بعد بكرا ...
بعد م خلصوا اتصل سليمان وتعمدت لمياء تحطه سبيكر
لمياء / هلا ياسليمان
سليمان بنبرة صوته الثقيله / يلا انا براا
نزلت راسها هديل وبلعت ريقها
ابتسمت ام سيف وضربت لمياء بخفه على كتفها وضحكت لمياء وطفت السبيكر / يلا طالعين
طلعوا كلهم وركبوا السياره
سليمان / البيت هذا هو ورا م تجون مشي؟
مشاعل / الارض كلها طين !!
سليمان / المهم يمه وش صار!
ام سيف / ينتظرونك بعد بكرا انت وابوك واخوانك تروحون تخطبونها رسمي
سليمان ابتسم وشد على الدركسون
عند هديل اللي صعدت غرفتها وهي م تدري وش تسوي وكانت فرحانهههه
اتصلت على غزل
غزل / ها بشريني !!!
هديل / جو وخطبوا وقالوا بعد بكرا يجون الرجال يخطبون رسمي
غزل / مبروكك ياحياتيي وعقبالي انا واللي ببالي
هديل / ومنهو اللي ببالك!!
غزل / نسيتيه من الحماس شكلك
هديل / يمكن ههههه
غزل / عاد ضبطيني اذا تزوجتي سليمان
هديل / اييههه مع يوسف ؟؟ ابشري ابشري
ضحكت غزل وقفلت ..
عند العنود اللي خططت مع سليمان تعزم هديل بالليل عندهم هي وغزل
وفعلاً عزمتهم وقالت تعالوا ببدلات عادي ..
بعد الساعه ٩ طلعت هديل من البيت وحصلت غزل توها تطلع من بابهم
هديل بهمس / غزل
غزل شهقت / يمه خرعتيني !
هديل / هههه امشي بسس
غزل / يمه هديل مو مستوعبه انك ماخذه حب الطفوله
هديل / اص بس
غزل / يعنني مو مستحيه!
سكتت هديل وضربت غزل على يدها واشرت على باب المسعود اللي كان جالس عنده يوسف وسليمان
مشت هديل وقالت / قوليلهم يبعدون
غزل/ والله مااتكلم
هديل / سليمان يعرف صوتي يابنت تكلمي
غزل / مستحيلل
هديل / وجععع
ولمن وصلوا ناظرها سليمان وقال / من ؟
هو يدري انها هديل من عيونها لكنه سوا نفسه م يدري بس اللي فعلاً م يدري به اللي معها م يعرف مين
هديل بهمس / بندخل عند العنود
بقوا جالسين وكان يوسف يناظر غزل وغزل نفس الشي قام وقف وقال / انتِ غزل؟
غزل / شدخلك ! ابعد بندخل
رفعت يدها هديل وقرصت غزل من جنبها بقوه صرخت غزل فز سليمان ويوسف عليها يحسبون بوه شي
يوسف / بسم الله عليك شفيك!!
غزل / شفت ش شفت عنكبوت على الجدار
لفوا على الجدار لكن م لقوا شي مشت غزل وابعد يوسف بسرعه بس كان المسافه بينهم صغيرهه جداً شم ريحة عطرها اللي ثبتت بباله وبقلبهه
فتحت الباب غزل ودخلت وبعدها هديل اللي ناظرت سليمان وسكرت الباب
يوسف كان ثابت وواقف
سليمان دقه على كتفه / المفروض انا اللي اثبت واوقف وانسى نفسي واللي حولي مب انت
يوسف / انثبر بس
ركبوا بالسياره وقال سليمان / والله ودي اتزوجها اليوم قبل بكرا بس..
قطع كلامه يوسف / اعقل بس واجمع مهرها اول
سليمان / مهرها جاهز !!
ابتسم على جنب وحركوا للعزبه
.
.
.
أنتهى 🌷
