.
.
.
بعد صلاة المغرب في بيت الخلف ~
كان الكل مشتط ويلبس ويكشخ اليوم خطبة هديل ..!
ابو محمد / يلا يعيال اخلصوا وتعالوا نصلي المغرب !!
محمد / خلصنا يبه بس باقي نايف
ابو محمد / اهخ من هالنايف!!
نايف / جيت جيت!!
علطول صفوا وبدوا يصلون ..
هديل اللي كانت جالسه بغرفتها وهي ترجف وخايفهه
دقت ام محمد الباب ودخلت / بسم الله عليك وش بلاك خايفه وترجفين كذا
ليان جت وهي مبتسمه / يمه اسمع ابوي يسلم على الرجال هو واخواني اتوقع جو
مسكت قلبها هديل وجتها ام الركب اللي خلت ليان وامها يضحكون عليها
ام محمد بضحك / يابنيتي خافي معليه بعد الزواج بيصير الوضع ططببيعي واسأليني انا
هديل / يمه يمههه
ليان / خلاص بروح اقول لاابوي يكنسل الخطبه وش اللي يمه!! بتصيرين متزوجه
هديل / ليانوه فكيني من خفة دمك ذي تكفينن
رفعت جوالها هديل لمن جاها اتصال وكان من غزل وردت علطول
غزل / انوار بيتكم اليوم صايرتن شمس م شاء الله ههههههه
هديل / غزل خايفه خاايفهه
غزل / تصير ياحيي انتِ بس خذي نفس
هديل / اهخخ تكفينن
بعد السوالف قفلت غزل وجاء محمد / هدولل
هديل / لبيهه
محمد / خطيبك يبي الشوفه الشرعيه اليوم وابوي وافق قومي اللبسي عباتك والحقيني
هديل بصراخ / وشوو!!
محمد / اقصري حسكك !! وش اللي وشو !! قومي الرجل يبي يشوفك
قامت هديل وهي ترتعد غيرت ملابسها ولبست عبايتها بعد م تعطرت وحطت ميكب خخخفييفف وطلعت مع محمد ..
دخلها المجلس محمد وطلع للحوش عند الرجال ..
مشت هديل وجلست وكانت خايفه / وينه ذاا !
بعد م قالت كذا فتح باب المجلس وبقى واقف يناظرها نزلت راسها وشدت على يدينها
سكر الباب ودخل وجلس جنبها و تنحنح / السلام عليكم
رفعت راسها وناظرته وقالت بهمس يسمعه / وعليكم السلام ..
سليمان / شلونك ؟
هديل/ بخير
سليمان سكت وقال / انا الحين خطيبك وبعد اسبوعين زوجك وان شا..
هديل / م فهمت ؟
ابتسم سليمان وقال / يعني بعد أسبوعين الملكه
شهقت هديل وناظرته وكانت وجيههم قريبه من بعض / أسبوعين ؟؟ ممداني اسوي شي
كان سليمان يناظر عيونهاا وبلع ريقه مد يده ومسك يدها ضرب قلبه وقلبها قووهه
هديل رفعت يدها الثانيه وحطتها فوق يده وشدت عليها وبهمس قالت / أحبك
ناظرها سليمان بصدمه وابتسم فزت هديل وجت بتطلع لكن أوقفها سليمان لمن مسك يدها ولفها عليها وضمها قوهه
كان طويل وعريض عنها شوي بلعت ريقها وكانت منزله يديها
م كانت بتبعده بس لمن سمعت خطوات احد جاي دفته عنها بخفه وكان طلال اللي جاي
دق الباب وفتحه وطلعت هديل وهي مستحيه ..
طلال بضحك / شفيك متصنم بنص الغرفه لهالدرجه اختي حلوه
تنحنح سليمان وقال / اي والله ياطليل اختك تهبل
وابتسم عصب طلال لمن فهم قصده / ياللي م تستحي !!
ضحك سليمان وطلع للرجال بالحوش
عند هديل اللي دخلت الصاله وتصنمت لمن مسكوها اهلها ويسألونها وش صار
خذت نفس وناظرت امها / م صار شي بس سألني عن اخباري ..!
بعدت عن ليان وامها وصعدت لغرفتها
ليان / م ظنتي بس سألها
ام محمد / شقصدك انتِ!
ليان / يمه م تشمين ريحة العطر الرجاليه اللي مغرقتها ؟
ابتسمت ليان وقالت امها بحده / وجع ياللي م تستحين وش هالكلام امشي اذلفي عن وجهي
ليان / طيب طيب
ركضت وراحت للصاله ..
عند هديل اللي كانت جالسه على سريرها وحاضنه رجولها وشاده على عبايتها
كلها ريحة عطرهه
اهخخ يازين ريحته وريحة عطره ..!!!!!
نزلت عبايتها وحطتها بالدولاب
بس بعد م شمتها ..
جلست عند المرايه وناظرت بوجهها وتعابيرها
كانت تبي تشوف كيف كان يشوفها..
