.
.
.
أول م جلست مشاعل تكمل سوالفها مع البنات
قرروا العيال يطلعون ويتركون الحريم ياخذون راحتهم طلعوا وجلسوا بالجلسه الخارجيه ( الدكه )
سليمان / يبيلها شاهي جمر ولا لا ياسعود ؟
سعود / الله الله الحين يحضر لك احلى شاهي جمر
سليمان ابتسم وناظر سعود بطرف عين / بعدي والله
قام سعود يجيب البريق والبيالات
عبدالرحمن/ عمي
سليمان وهو يحرك النار بالعصا اللي معه / سم ياعمي
عبدالرحمن / ليش عمتي رغد كانت تصيح ؟
سليمان / جدو عبدالرحمن هاوشها
عبدالرحمن / افا يالسمّي
سليمان / تخسى وتعقب يالبزر انت سمّي ابوي مهو هو سمّيك يالدلخخ
قام عبدالرحمن يضحك و يركض لخيمة الحريم خوفاً من عمه سليمان
يوسف / ياولدد .. هييي
ناظره سليمان وقال بابتسامه / تعد تعدد
دخل يوسف وبعده لين اللي كانت ماسكه شنطة اليد ويوسف ماسك شناطهم
يوسف / السلام عليكم
سليمان / وعليكم السلام ادخلل الخيمه هناك بس تنحنح بوه حَرمي
ضحك يوسف / حتى لو شفتها القلب لوحده وما مال لغيرها
احمرت وجنتين لين بشده وابتسمت بوسع ثغرها تلتفت عنه غمز يوسف لسليمان ودخل
راح سليمان للدكه وهو يقول بينه وبين نفسه -عليك ياكبدي سلام الصابرين ! -
أذن العشاء وصلوا جماعه وكان سيف هو الامام والكل صاف خلفه والحريم والاطفال وراهم كان منظر لطيييف جداً ، بعد ماانتهوا قاموا البنات وام سيف يجهزون العشاء والرجال جالسين بالدكه الخارجيه يسولفون
عند الحريم ~
مشاعل / يمه تكفين روحي اجلسي مع العيال ومعليك انا اسوي العشاء مع البنات
ام سيف وهي تقطع اللحمه / خليني يابنتي ابوك يحب طبخي
العنود / عشتو شهالقعده الرومنسيه وش اللي ابوي يحب طبخك حنا بناتك نعرف طبخك وبنطبخ نفسك روحي اجلسي
لين / اي عمه معليكك روحي
ام سيف رفعت يدينها وقالت / يالله تزينه
ضحكوا البنات وقامت غسلت وطلعت تجلس مع الشايب وعيالها
هديل / الا ماقلتوا لي بنات جهزتوا لرمضان؟ تراه على الابواب !
العنود / شرينا الصحون اللي نحتاجها قبل اسبوعع والاكل ان شاء الله بكرا
لين / والله مالي خلق استغفرالله شلون بطبخ واغسل
ضحكت هديل وقالت العنود / كلنا بنتساعد معليك تهون
كملوا العشاء على هالسواليف ...
عند الرجال ~
ابو سيف / رمضان باقي له اسبوع جهزوا كل شي من الحين ولا تسرفون ياعيالي بالاكل تراه شهر العباده مهو شهر الاكل
سليمان / ابشر ابشر يبه
سيف / وهالله هالله بالصلاة يااخواني ابيكم من اول الناس وبالصفوف الاولى بالمسجد
اخوانه / ان شاء الله لاتوصي حريص
ام سيف / والله ياابو سيف ودي اطلبك طلب
ناظرها ابو سيف / سمّي واطلبي وامري وش بغيتي
سعود / يالبيههه يخلونك تبي الزواج غصب
ضحكوا اخوانه عليه وقالت ام سيف / ودي برمضان نروح للعمره نعتمر ثلاث ايام
ابو سيف / ابشري على خشمي باذن الله ان الله اعطانا عمر بنروح ليه لا
ام سيف / عليه الشحم وعسى عمرك طويل يارب
سيف / يعني متى تبون بالضبط برمضان
ابو سيف / متى م تبيه الاميره
ابتسمت ام سيف وقالت / ١٥ ولا ١٣ رمضان احسن
ابو سيف / خلاص تم ان شاء الله
كانوا العيال كلهم مبتسمين على امهم وابوهم وكيف يتغزلون ببعض ويحبون بعض بعد كل هالعمر اللي انقضى منهم
عند البنات ~
اتصل جوال لين وكان رقم غريب طلعت من المطبخ وردت وليتها م ردت
المتصل / يامرحبااا بهالصوت وراعيته
تصلبت لمن سمعت صوته هوو والله هوو !
المتصل/ اشتقت لك ياخلفهم انتِ
مشت وراحت ورا الخيمه وبنفس الوقت هذا قام يوسف بيجيب مويا لاابوه من المطبخ
تنحنح ودخل المطبخ واستغرب عدم وجود لين
يوسف / وين لين؟
رغد / دق جوالها وطلعت برا ومدري وينها عاد
يوسف / تمام بالله رغود ودي مويا لاامي وابوي يبغون
رغد / ابشرر
قامت تودي المويا وطلع يوسف يدور لين بيسولف معها
عند لين ~
لين بخوف شددديدد / انت شتبي مو قلتلك اطلع من حياتي شتبي ملاحقني
رماح / افا نسيتي حب طفولتك ؟
ضحكت لين وقالت / هذاك قلتها حب طفولتي
رماح / لين انا احبك !
لين / يارماح لو تحبني صدق كان جيت خطبتني بدري انا وحده متزو...
يوسف / لين ؟
لفت برعب وضربت صدره وابعدت بسرعه / الاء بعدين اكلمك مع السلامه
ضحك رماح بعلو صوته وقفلت بوجهه
يوسف / وتكذبين بعد ؟
لين / كذبت في ايش !
يوسف / منهو رماح ؟
بلعت ريقها وقالت / محد !
اول مره يتجرأ ويمد يده على بنت رفع يده وضربها كف طيحها بالارض من قوته جلس عندها وشد شعرها بقوه ورفع راسها له جن جنونه وعيونه احمرت وبرزت عروقه / انا بسكت اليومين ذي بس من نطلع من المخيم بتذلفين لبيت اهلك انتِ وقتها ط..
سكرت فمه بيدها ونزلت دموعها وقالت بحرقه / يووسف خلني افهمك الموضوع لاتطلقني وتخليني وراك مكسوره بس اسمعني الله يخليك
ابعد يدها بقوه / وش تبين تفهميني ؟ سواد وجهك ؟
دفها بقوه وقام عنها يلف نزلت دموعه من قوة القهر مسحها بقوه وطلع يجلس عند ابوه واخوانه هو انسكرر وكسر قوي ومستحيل يُجبر منه بسهوله ..
لين احتضنت نفسها بقوه وبكت بصمت الين صدع راسها فتحت جوالها وحظرت رقم رماح اللي كان ولد جيرانهم اللي نقلوا الرياض قديمم كان حبيب طفولتها لكن من نقلوا للرياض وهي عمرها ١٤ نسته تماماً ونست اهله لكن هو م نساها للان ويحبها ويبيها !
ام سيف لاحظت ولدها مو طبيعي ابداً / يوسف ياولدي
يوسف كان ساهي ولا هو يم امه
دقه سليمان مع يده ورفع راسه له / امي
ناظر امه اللي قالت / وش فيك ياحبيبي ؟
يوسف بغصه كلهم انصدموا منها / ولا شي ياامي
دخل يده بفروته وضم نفسه قوه قرب منه سليمان وقال / ولد علامك ؟
يوسف ناظره وقطرت دموعه بوجع فز سليمان مسك اخوه وطلعوا للخيام الداخليه لوحدهم
جلسوا / انطق ياولد وشجاك !
يوسف / اوجعتني ياسليمان وكسرت ظهري وقلبي وثقتي وكل شيي انا بطلقها معد ابغاها خلااااص
سليمان / لين؟؟؟؟؟ وش حاصل وليهه
يوسف / لقيتها ... مو حاصل شي وانسى الموضوع
قام وطلع على مُناداة سليمان له لكن م رد عليه م يبي يشوه سمعة زوجته عند اخوه قبل يفهم الموضوع يمكن يكون فاهمه غلط !
سليمان / لاحول ولاقوة إلا بالله شنوحه هذا !
دخل للخيمه حقتهم ولقىى لين جالسه وتبكي فزت على دخوله تركض تضمه بين يدينها / اسمع لي تكفى
دفعها يوسف عنه / لاتقربين لي تسمعين ؟ وانطقي وش عندك مع اني ماراح اصدقك
بكت لين وقالت / والله اني نسيته من يوم كنت صغيره هو اللي جاني وانصدمت انه جاني هو كان حبيب طفولتي
رفع حواجبه يوسف صدمه من صراحتها
اكملت / لكن نقلوا للرياض لمن كان عمري ١٤ سنه ونسيته تماماً حتى اهله كنت احبه لكن الحين لا
يوسف بابتسامه ساخره / زين والله حسبالي للحين تحبينه
نزلت راسها ونزلت دموعها
يوسف / من نطلع للمخيم بتروحين بيت اهلك وخلي سعيد الحظ يجي وياخذك دامك تحبينه او اوه صح نسيتيه
خلص العشاء كله سليمان وهو نفسه مسدوده من شاف منظر اخوه وكلامه اكيد صاير شي كايد مسويته لين ولا ما قال اللي قاله ! ويوسف اللي كان يتغصب وهو ياكل عشان امه وابوه ولين اللي رفضت تاكل وبكت لين نامت ..
بعد العشاء ~
العنود / وشرايكم نحجز دبابات ونفحط فيهها؟
رغد / والله تم !!
هديل / بس اخاف يرفضون ؟
العنود / معليك عندي
راحت العنود عند جلسة الرجال تقنعهم وكلهم وافقوا بعد مُعاناة الا سليمان
العنود / تكفى تكفىى
سليمان / ياعنود اذلفي قلت لا
العنود / ياابو خشمم
ضحكوا كلهم ومعهم سليمان بصدمه وراحت تمشي للبنات
هديل ورغد / ها بشري !!
العنود كلهم وافقوا الا زوجك
رغد / بروح اقنعه
هديل / يلا يالمحزم الملياان !
ضحكت رغد وراحت تقنعه ورجعت وهو رافض
العنود ورغد / مالنا الا انتِ !
هديل اصبروا ركضت لشنطتها وعدلت وجهها وزينت روجها وتعطرت وراحت له
العنود / ايه كذا جيبي راس اخوي !
ضحكت هديل وهي تمشي ووقفت قدام الدكه واشرت له بمعنى تعال
مشى لها واخذته ورا الخيام / يقولون انك معيي على البنات لا يركبون الدبابات ؟
ضحك سليمان / مقومتني عشان هالموضوع؟
قربت منه وحطت يدينها على صدره / ايوهه
رفع يدينه وشد على يدينها قرب منها وقبل ثغرها بعمقق كلها تحت انظار العنود ورغد المتغيبات ورا الخيمه اللي ركضوا لمن صار الموقف هذا قدامهم من الصدمه رفع راسه سليمان يناظر للصوت اللي كان اقدام تركض
ضحكت هديل ورفعت ابهامها تمسح شفايفه اللي تلطخت بالروج / يلا حبيبي عشان خاطري وافق
سليمان قبل اصبعها وقال / بيقولن اني خفيف ووافقت !
هديل / عادي حبيبي !
ابتسم سليمان وقال / اوعديني تنتبهين لنفسك
هديل / والله وعد يادنيتي
طلعوا اثنينهم وكانوا ماسكين يدين بعض ناظر العنود وقال / انا موافق بس بشرط
العنود / وشهوو
سليمان/ تجين تأسفين مني لانك قلتي لي ابو خشم قبل شوي
ضحكت هديل وسكتت بسرعه ناظرها بصدمه وقال / اثنينكم
تأففت العنود وقربت تبوس راسه / اسفه
ضحك / انتِ بعد
قربت منه بتبوس خده لكن هو لف وقبل ثغرها للمره الثانيه قدام خواته المصدومات من جراته
ابعد عنها وقال / ياحلوك وياحلوو حلاوة شفايفك
ضربته من كتفه وابتسم وناظرت العنود ورغد
العنود وهي تحاول تشتت الموضوع / يازفت ارحموا حياة السناقل
ورغد اللي مشت توري سليمان وهديل المقطع اللي صورتهم فيه
ضحك سليمان وهو يشوف المقطع / لبى عينكك !
ضحكت وقالت هديل / رغووود ارسلي لي المقطع تكفين
رغد / على خشمي بس بفلوس
ضحكوا كلهم وقالت هديل / ارسلي واعطيك
ضحكت وقالت / تم
راحوا للدبابات يفحطون وراح سليمان للجلسه يجلس وهو مروقققق عكس اخوه تماماً!
.
.
.
أنتهى 🌷.
