.
.
.
عند العنود والبنات ~
جلسوا البنات حول النار المشغله وكانت القهوه السعوديه على النار ريحة القهوه مع ريحة النار ..!
كان الجو بارد وفوق ذا تجي هبات هواء بارده
بعد نص ساعه هديل قالت / العنود بردد وش رايكم ندخل؟
العنود / لاااا الجو حلو بقوم اجيب لك فروه اجل
دخلت العنود تجيب لغزل وهديل فروات ..
غزل / تخيلي يدخلون علينا يوسف وسليمان هههههه
هديل / يوهه انا وين وانتِ وين
غزل / وانتِ وين ياعيني ؟؟ تراك جنبي
هديل / ياكمخه اقصد بتفكيري
غزل / ادري بس استعبط وش تفكرين بوه؟
هديل / مدري بس احس اني خايفه وفرحانه وفي شعور داخليي جحمميلللل الله يرزقكياه مع يوسفف
بعد كلامها غمزت لغزل ولفت
ضحكت غزل وضربتها على كتفها بخفه
جت العنود ومعها فروتين
وحده لونها أسود اخذتها غزل ووحده لونها رصاصي غامق اخذتها هديل
لبسوا الفرات وجلسوا ..
دخلوا يوسف وسليمان مع الباب الثاني وكلً دخل غرفته ينام
فتح الشباك سليمان وشاف هديلل ! بلع ريقه وقال / والله انها هي
كان شعرها لخصرها أسسوود وناعم وكان يتطاير خفيف من الهواء عيونها وابتسامتها الحلوه م قدر يبعد عيونه عنها!!
ركز شوي وانتبه لفروته اللي ضامه رجولها هديل وحاضنه الفروه بعد شد على يده وغصب ابعد نفسه وسكر الشباك بخفه
جلس على السرير وبعدها فز ورجع فتح الشباك بخفه وطلع جواله وسوه زوم على هديل وصورها ..!
رجع سكر الشباك وانسدح على فراشه
فتح جواله والصوره وجلس يتأملها
كانت تناظر لغزل وتضحك ..
دخل يوسف على سليمان اللي كان جالس على السرير وفاتح جواله قدامه
يوسف / وش تسوي ؟
سليمان / شغل
يوسف ضحك ودخل سكر الباب / شغل؟ والصحكه شاقه وجهك ؟
سليمان/ شدخلككك
يوسف / يلا عقبالي اتأملها واضحك
سليمان / علمن انت وراك بلاء صح؟
يوسف / صح
سليمان / انطقق مغبي علي !!
ابتسم يوسف وجلس وحكاله كل شي
سليمان / غزل اللي بالحوش الحين؟ هههه
يوسف بلع ريقه / ايهه
سليمان / ناوي تخطبها
يوسف / ان شاء الله
سليمان / حب من اول نظره ذا ولا وش ؟ هههههه
يوسف / اقولك شلعت قلبي من مكانه لمن شفتهااا الصبحح !!!
سليماان / اهخ يايوسفف اجل عجلل واخطبهاا قبل لاتروح
يوسف / الله لايقولها ! قريب ان شاء الله بس نخلص من ازمة عرسك
سليمان / ازمه؟؟؟ الحين صار ازمه لان وراه شغلهه تبيها كلها شهرر بتتحمل ؟
يوسف / بحاول لو م قدرت اخو المعرس يقدم العرس لااسباب مجهوله !!
سليمان / تسويها!! هههههههههههههههههه
يوسف ضحك ونزل راسه ..
عند البنات اللي تأخر الوقت واستأذنت هديل / يابنات تأخر الوقت وانا لازم ارجع للبيت
العنود / تو الناس
هديل / والله مااقدر وحتى امي قالت لاتتأخرين
العنود بابتسامه / تبين اخلي سليمان يوصلك؟
هديل / فكيني يابنت !! هههههه
ضحكوا البنات وقامت هديل تلبس
من غير قصد كانت بتاخذ الفروه
العنود / خلي فروة اخوي !!
لفت هديل وناظرتها باستغراب وناظرت ليدها ورجعت ونزلت الفروه / اخذتها من دون قصد والله ماانتبهت وبعدين لحظه كنك قلتي اخوي؟
العنود / سليمان !
هديل / جعلك للوجع !! وانا اقول وش ريحة العطر الرجاليه اللي فيه
العنود / بس بالله شرايك بالريحه
هديل / اذلفي بس
طلعت وهي وجهها احمر وراحت بيتهم
رجعت جلست العنود وقالت غزل / عاد يارب الفروه اللي علي فروتك !!
العنود / فروة يوسف ابشرك
فزت غزل تبي تنزل الفروه لكن العنود حلفت عليهاا
غزل / والله ماالبسها انقلعي
العنود / والله ان نزلتيها مااعرفك ولا تعرفيني
غزل / يابوي دزيي !!
فزت العنود وشدت الفروه على غزل وكانت تحلف م تنزلها
تأففت غزل ودفتها بخفه / خلاص طيب
جلست وضمت رجولها وشدت بيدها على الفروههه
بقت تهوجسسسسس لين قالت بفهاوه وبنص سالفة العنود / ذا دفى الفروه كيف دفاه؟
رفعت راسها العنود وقالت / وشوو!!!!
غزل / هاا ؟ مااقصد شي لاتموتين
وقامت نزلت الفروه ولبست عبايتها وركضت بتطلع فزت العنود ومسكتها / والله تقولين لي وش تقصدين!!! وش قلتي؟؟؟
غزل جت بتتكلم بس خلاص مافي تصريفه
مسكتها غزل بقوه وقالت / انا احب يو...
سكتت غرل ودفت العنود وطلعت لبيتهم ركض
العنود / خلاص عرفتت حتى لو م تكملين كلامك
تفشلت غزلل وركضت لبيتهم ودخلت غرفتها / وش سويتي ياخي الحين تقوله ولو قالت له بموت بموتتتت!!!!!
حاولت تنام لكن ريحة الفروه ثابته بشعرها ولبسهاا ضمت نفسها وكانت تشم الريحه وهي مستمتعه !!!
عند هديل ~
اللي اول م دخلت البيت سكرت الباب وحطت ظهرها عليه / اهخخخ ياحلوهه وياحلو ريحته!!!!!
طلع ابوها وقال / من ذا ؟؟ من اللي ياحلوه وياحلو ريحته؟؟
خافت هديل لكن فتحت شنطتها وقالت / توني تعطرت من هالعطر وعجبني مره !
ابو محمد / من وين لك هالعطر ؟؟
هديل / منـ.. من غزلل بنت ابو عتيق
ابو محمد / ادخلي بس نامي الوقت تأخر
دخلت هديل وهي خايفه وبنفس الوقت شعور داخلها يجننننن
عند العنود ~
اللي بعد اول م طلعت غزل راحت تركض ليوسف مستحيل تغبي او تسكتت !
دخلت غرفته م حصلته / اكيد عند سليمانوه
دخلت غرفة سليمان وكان يوسف وسليمان يضحكون
العنود / م شاء الله ياعلها ضحكةً دايمه .. بس بالبشاره اللي عندي
اثنينهم / خيرر اللهم اجعله خير!!
العنود / اصلاً انا م يجي مني الا كل خيرر ..!! المهم سليمان انت مخلصين منك ابعد يوسف تعال
سحبت يوسف وقالت / تعرف غزل بنت المقرن؟؟
بلع ريقه يوسف وقال / اي وشبها؟
ضحكت عنود وغمزت له
يوسف بصدمه / انخطبت!!!!؟؟
العنود / شف الكمخه! لااا
قربت منه وقالت قريب من اذنه / تحبك
دق قلب يوسف بقوهه !!!!
ابعد راسه وناظرها / ابعدي بس
ضحك سليمان وقال / اايوووههههه طلع حب متبادلل !!!
طلع من الغرفه وركض لغرفته وهو يسكر الباب / العنود صادقه؟؟ معقولهه ؟؟
انسدح على سريره وكان حاط يده على قلبه اللي يدق بقوهه / انا مااكون رجال اذا مو قبل نهاية الاسبوع اكون خاطبها لين تخلص خطبة سليمان!!!
العنود نزلت للحوش وهي مبتسمه هي م كانت تبي تقول ليوسف بس هي حاسه انهم يحبون لبعض من غير لا يعرفونن وكلً يحسب انه حب من طرف واحد !!
العنود / يلا يازوجي المستقبلي مو ناوي تجي!!
شالت صينية القهوه ودخلت داخل بعد م نظفت المكان كامل وراحت تنام بكل برودة دم ..
ناموا الكل بعد افضل شعور حسوا فيهه
كان افضل يوم عند الكلل ..
في الصباح كانت الدنيا ترعد وتبرق ..
فزت غزل على صوت رعد قوييي
وبنفس الوقت فز يوسف على الصوت / بسم الله علييكك يانظر عينيي
رفعت راسه غزل وقالت / الصوت يخوف يوسف سكر البلكونه تكفى
قرب يوسف وضمها / بسم الله عليك من الخوفف يابعد قلبيييي خليه اكيد بعد هالرعد بيجي مطر
فعلاً نزل مطر وقامت غزل وقفت عند البلكونه جاء يوسف وضمها من وراا قوهه / الدنيا برد ياغزولتي ادخليي !!
غزل / بس دفى حضنك م يخليني احس بهالبرد
لفت يدينها على يدين يوسف بقوه
وكان افضل حلم تحلمه غزل
فزت من نومها الحين فعلاً على صوت الرعد / وينهه هو الحين عشان اقوله الصوت يخوف !! اهخخ يايوسف وينك؟؟
قلبها كان يوجعها الحلم كان لطيفففف ويجننن !!
قامت توضت وصلت ودعت .. الدعاء اعتقد الكل عارفه ...
عند يوسف ~
صحى وهو يناظر الساعه وكانت ٢ الظهر فز بسرعه لمن تذكر انه م صلى صلواته اللي فاتوا
توضى وصلى ودعا نفس الدعاء ..!
.
.
.
أنتهى 🌷
