السلام عليكم ، أسم غزل راح اغيره لـ لين بسبب شي وماراح اقوله وبس اتمنى يعجبكم الاسم الجديد ..
.
.
.
انقضى شهر العسل بسلام ورجعوا اخيراً لحايل ولديرتهم اول شي لين ويوسف وبعدها سليمان وهديل بيومين ..
كان سليمان جالس يخلص اوراق شركته وهديل جالسه جنبه على الكنبه هو عنده مكتب صغيرر بالغرفه لكن على الكنب يرتاح اكثر
لمن خلص نزل الاوراق وقال / اقولك
هديل ناظرته وقالت/ قل
سليمان / متى ناويه تحملين؟
عقدت حواجبها هديل وناظرته بذهول حرفياً اول مره يسأل عن هالشي
هديل بضحكة صدمه / مااعرف م فكرت
سليمان / حلو طيب اسمعي
هديل / اسمعك ياعيوني
سليمان / ترا انا ماابي هالحين
هديل / حتى انا ماابي الحين ..
سليمان / يعني سنه سنتين وبعدها احملي
شهقت هديل وقالت / هالبعد !
سليمان تنهد / ايه!
هديل / ليه !
سليمان / والله ياهديل انا مااحب الاطفال خليني لمن اقنع نفسي وبعدها يصير خير
هديل / سليمان انت صاحي ؟ وش قعد تخثردژ ! ترا هالاطفال على قولك عيالك !!
سليمان / افهمي وش احتسي واسمعي الكلام !
لفت عنه هديل بزعل وم ردت وهي اصلاً كان بخاطرها تحمل وتجيب ولد وتسميه الاسم اللي مغيبته من زمان لكن سليمان صدمها بكلامه م يحب الاطفال !! هو عادي لمن م يكون الحين لكن بعد سنتين؟؟!
في الجهه الثانيه من البيت عند لين ويوسف ~
يوسف كان منسدح ويطقطق بجواله
ولين اللي نفس الشي
شهقت لين وقالت / من متى !
يوسف / بسم الله !! وشهو؟
لين / خليت حسابك انستا عام ؟
ابتسم يوسف وقال / من يومين
لين / طيب اغار
يوسف قال باستهبال وضحك يبي يشوف ردة فعل لين / يوه لاتشوفين البنات عندي بالخاص هههه
لين رفعت حاجبها وقالت / من زينك عشان يتجمعون عندك بالخاص
عقد حواجبه يوسف ووسع عيونه / وشهو!!! من زيني ؟ اشوفك لاصقه فيني
لين / شكواي لله الحب معمي عيوني
يوسف / اعقبي
ضحكت لين وقربت منه وضمته قوه / امزح امزح كلك حلاا يازينك ويازين وجهك ماالومهم يومنهم يتجمعون عندك
ابتسم يوسف وقالت لين / بس لاتحلم كثير ترا كلهن مراهقات
ضحك يوسف وضمها اكثرر ..
دخل سليمان غرفته ينام ونامت هديل بالصاله مااقوت تدخل الغرفه لانها مو قادره تقوم من الكنب تبي تنننااامممم
ونفس الشي عند البيت كله
فالصباح ~
صحى سليمان على صلاة الفجرر توضا وصلاها واستغرب من عدم وجود هديل بالسرير بالعاده موجوده وهو يقومها اغلب المرات على الصلاة
طلع للصاله ولقاها حاضنه نفسها من البرد والمكيف عليها وبدون بطانيه
راح سليمان لها وجلس قدامها وحط يده على راسها وقال بصوت واطي / هدول
صحت هديل وناظرته
سليمان / بسم الله عليك قومي نامي بالغرفه افضل
قامت بدون لاتتكلم ولا ترد عليه هديل وهي كالعاده ام دميعه من امس وهي حابسه دموعها
لفت عليه وقالت / وين ؟
سليمان / طالع عندي شغل
هديل / ماادري وش هالشغل اللي مع صلاة الفجر
سليمان عقد حواجبه وقال / دوام !
هديل م ردت وتوضت وطلعت للغرفه صلت وسليمان واقف يناظرها
بنص صلاتها نزلت دموعها وانهبل سليمان مايقدر يكلمها تصلي ولا يسألها شفيك ..!
لمن خلصت مسحت دموعها وجلس عندها سليمان وفكت لبس الصلاة عنها
مسكها سليمان من وجهها ومسح دموعها / وشوله الدموع ياعمري !!
هديل ابعدت يدينه وقالت وهي مغمضه عيونها / تكفى فكني ورح لشغلك اللي اهم مني
نزلت راسها وحطته بباطن يدينها وبكت اكثر
سليمان / هديل يوجعك شي ؟؟ اوديك المستشفى ؟ وش فيك بكيتي فجأه
هديل / لو تهمك دموعي بتعرف وشوله نزلت
سليمان تذكر كلامه امس وغمض عيونه ورجع يناظرها وابتسم / عشان كلامي امس ؟
هديل ناظرته وقالت بحده / وش اللي يضحكك!!
سليمان / تفكيرك
هديل لفت عنه ودموعها لا زالوا ينزلون
سليمان / انا طفشت من البزران ماابي بزران الحين وبس !
لفت عليه هديل بقوه وقالت / طفشت من البزران ووين شفتهم عشان تطفش
سليمان / ليه احسك مشككه فيني ترا شككتيني بنفسي وبعدين البزران عيال اخواني وخواتي من يعني
هديل / وليه تحسست انت ! م قلت شي انا
سليمان شد على يدها قوه وقال / لاتجنينيني !! تكلمي نفس الناس
هديل بغصه / ترا اللي موجعني مو انك م تبي عيال الا السنه الجايه ولا اللي بعدها اللي موجعن انك تقول مااحبهم وهم اللي بيجونك عيالك
سليمان / ياهديل ياعيوني وروحي انا احبهم عادي لكن مو متقبل فكرة الحمل والمسؤوليه الصدقيه الحين
هديل كانت بتتناقش معه اكثر لكن اكتفت بالصمت وضمت نفسها ولفت عنه
قرب منها هو وضمها / انتِ تدرين اني مااقوه على زعلك ليه تزعلين وفوق ذا دموعك بعد تنزلل تحسبين هالشي هين علي !!
لفت عليه هديل وصار وجهها جنب ملامح وجهه ضمت رقبته وقالت / تأسف
سليمان ناظرها وقال / هااه
هديل / تأسفف
سليمان ابتسم وقال / اسفف والله اني اسفف من كل قلبي
قربت هديل وباسته قوهه وهو كان يشدها اكثر ويوجعها صرخت هديل بألم لمن اوجعها وضحكت
سليمان باسها قوه وقال / احبك
في بيت ام سيف ~
كان سعود جالس بالمجلس ويصلح القهوه وابوه وامه جالسين
أبو سيف / ياولد
سعود / سم يبه
أبو سيف / وراك من اليوم تهوجس وراك علم ؟
سعود / علم ؟ لا والله
ابو سيف / انطق ياوليدي انطق
بلع ريقه سعود وقال / والله يايبه مافي شي
ام سيف / وش فيك على الولد يقولك مابوه شي
ابو سيف / اي واضح م تشوفين حاله متلخبط اخر فتره وصايرً يهوجس بكل مكان يجلس به؟
ام سيف ناظرت سعود وقالت / م لاحظت الا منك
ابو سيف / انطقق وانا ابوك
سعود اخذ نفس وقال / أنا بخطب
ام سيف بفرحه / صادز ياولدي؟
سعود / هالله هالله
ام سيف / ومنهي ؟
سعود / مهي مننا
ابو سيف / تسييف؟؟
سعود / يعني هي من الرياض
ابو سيف / صادز انت!! وش يديك للرياض !
سعود / انا ابيها يايبه
ابو سيف / ياولد تبيني اوافق واخليك تبتلش بالاخطوط بنات حايل والحلال من كثرهن خذ منهن وعين خير
سعود / يايبه
ابو سيف / اقطع الصوت !
سعود نزل راسه بضيق وقالت ام سيف / ياابو سيف لاتستعجل يمكن البنت بنت حلال !
ابو سيف / اللي عندي وقلته !
سعود ناظر ابوه بقل حيله وقال / بس انا وعدتها وبوفي بوعدي وانا احبها يايبه وماراح اقد اتركهاا يايبه لا توجعن
ابو سيف / ياسعود اللي تقوله صادز فيه انت ياسعود تعمل هالعمله تكلم بنات !
سعود / هي بنت وهالبنت وابيها بالحلال ويشهد علي ربي انها قالت لي لا تكلمني تبيني تعال مع الباب واثنينا نبي بعض
ابو سيف / هي وشهي؟
سعود / عنزيه
ابو سيف / عطني رقم ابوها
سعود قلبه بهالحظه كان حرفياً بيوقف ناظر ابوه بصدمه / يبه صادز!
ابو سيف / تسذبن يالسلوقي!
سعود / لالا
فتح جواله وارسل لروان اللي كانت تقرا قران
المحادثه •
سعود / روان
••
روان فتحت جوالها من الاشعار وانصدمت لمن شافته من سعود وعلطول ردت
••
روان / هلابك ؟
سعود / اليوم وفيت بوعدي وجايك اخطبك واخذك من بينهن يابعد دنياي
روان كانت ترتجف بقوه وقالت / كيف ؟
سعود / عطينن رقم ابوك
روان / يلا
ارسلت رقم ابوها له
سعود / انتظريني يابعد حيي وميتي
روان قرت كلامه وعيونها مليانه دمووع هي كانت تقرا قران بنية ان ربي يجمعهم بالحلال رغم المسافات والمستحيلات اللي بينهم لكن سبحان الله..
سعود / يبه اعطتني
ابو سيف وهو معصب / ارسله !
ارسله سعود على جوال ابوه
ابو سيف / ان شاء الله العصر اتصل عليه واكلمه وانت لااشوفك مرسلها ومكلمها والله لو تكلمها لاتحرم عليك ليوم الدين !
كان ابو سيف قاسي وم يرضى بالغلط وكانت ام سيف اصلاً مستغربه كيف م ذبح سعود ومشى الموضوع معه بهالسلاسه
قام سعود وباس راس ابوه / الله يطول بعمرك يايبه ابشر ابشر مانيب بمكلمها
.
.
.
أعتذر أعتذر مره على الغيبه يا جماعه بس كانت عندي ظروف 🥹
والحين رجعت الدراسه وانا اخر سنه ثانوي لازم اشد حيلي بيصير في اوقات معينه انزل فيها اعلمكم فيها بعدين
♥️
أنتهى 🌷.
