.
.
.
الصباح صحى يوسف ولقى غزل مقفله من زمان ذكر ربه وقام تروش وصلى وطلع لدوامه ولقى امه صاحيه تزين الفطور لاابوه اللي جالس بالصاله
يوسف / صبحت بالخير يبه
ابو سيف / صبحت بالنور والسرور اجلس افطر معنا
جلس يوسف وكان مو عارف كيف يفاتح ابوه بالموضوع
يوسف بتردد / يبه بكلمك بموضوع
ابو سيف / وشهو؟
يوسف / اليوم بملك على غزل
رفع راسه ابو سيف وناظر ليوسف / وراك مستعجل انت!!
يوسف / يبه انا ابيها تصير حلالي بسرعه وانا مستعجل بس كذا مافي سبب بس تكفى يايبه ابي اليوم نملك !
ابو سيف / انت صاحي ولا مجنون لو يدري ابو عتيق ان اليوم الملكه بيطردك مع الباب
يوسف / كلمه يايبه عشاني واقنعه تكفى
ابو سيف / بسيطه بسيطه
طلعت ام سيف معها الاكل / وش تتكلمون عنه
ابو سيف / شوفي ولدك يبي يملك اليوم
شهقت ام سيف / يوليدي شفيك مستعجل انت!
يوسف ناظر امه / مافي سبب لكن ابيها بسرعه وبس
قام يوسف ومااكل حتى وطلع لدوامه ..
ابو سيف / هالولد مدري وش بلاه اسأليه واعرفي بلاه !
ام سيف / مابه الا كل خير ان شاء ودام الولد مستعجل ويبيها ملك له اليوم
ابو سيف بحده / صاحين انتم ؟ وش بيقول علينا ابوعتيق !! ملكه اليوم لا يعني لا
ام سيف / خلاص ياابو سيف شورك وهداية الله
عند غزل اللي قامت من النوم عشان الجامعه لبست وخلصت وطلعت مع ابوها للجامعه وكانت طول الطريق ساكته وتناظر الشباك ..
دخلت الجامعه وشافت العنود سلمت عليها وراحت المحاضره
كانت تهوجس طول المحاضره لين بكت !! نزلت راسها ومسحت عيونها بالمنديل ..
طلعت للحمامات وجلست تحاول تهدي نفسها نص ساعه وخلصت المحاضره وطلعت لمن طلعت لقت العنود تركب بالسياره وكان يوسف اللي جاء ماخذها
ناظرها يوسف وبلع ريقه
العنود / شفيك؟ ولا شفت الحب وتلخبطت
يوسف / اص بس
ناظرت غزل ابوها اللي ناداها وراحت له
يوسف بينه وبين نفسه - شفيها عيونهاا حمر!! اكيد قعد تصيح !!! ياربي وانت ربي !-
مشى لبيتهم وكان ابو عتيق جنبهم ..
لف على سيارتهم وكانت غزل تناظره لف قدام واسرع للبيت ..
نزلت العنود ويوسف بالسياره ينتظر ابو عتيق
لمن وصلوا نزل يوسف يسلم على عمه ابو عتيق ..
يوسف / شلونك ياعمي عساك بخير؟
ابو عتيق / والله بخير ياحيي شلونك انت
يوسف وهو ماسك يده / بخير دامك بخير ، ياعمي بطلبك وتكفى لاتردني
كانت غزل واقفه عند الباب تسمع يوسف وش يقول
ابو عتيق / امر !
يوسف / م يأمر عليك عدوو ، ابي الملكه اليوم نسويها وتكفى ياعمي لا تردني
مسك لحيته وباسها
ابتسم ابو عتيق وقال / لهالدرجه مستعجل ياوليدي بالهون بالهون
يوسف / اليوم ياعمي تكفى
ابو عتيق / بشاور الاهل وبرد لاابوك
يوسف / خذ راحتكك
سلموا على بعض ورجع للبيت وهو مرتاحح
في بيت المقرن ~
ابو عتيق / ياام عتيق ترا اليوم يوسف يقولي الملكه اليوم على الاقل بس عقد القران والشبكه بعدين
ام عتيق / دام عقد القران بس حياهم الله ..
غزل نزلت من الدرج / وش يايبه؟
قالها ابو عتيق وقالت / تمام
وصعدت
ابو عتيق / ياغزل!
غزل / هلا يبه
ابو عتيق / تعالي اجلسي
جت غزل وجلست
ابو عتيق / وش فيه وضعك له يومين مو عاجبني وش فيك؟؟
غزل / مافي شي يايبه والله
ابو عتيق / اذا م تبينه نفصخ الخطبه وخلاص
غزل / الا يايبه ابيه بس خايفه
ام عتيق / مابها شي ياابو عتيق خوف العرس معليك
ابو عتيق / على خير ان شاء الله
صعدت ونامت بعد تفكير
اتصل ابو عتيق وقال لاابو سيف ان الملكه اليوم
ابو عتيق / شلونك ياابو سيف عساك بخير
ابو سيف / ياهلا والله شلونك انت بشرني عنك
ابو عتيق / وش ابشرك بوه انا
ابو سيف / خير ان شاء الله
ابو عتيق / والله ودي اليوم نعقد القران وش رايك؟
ابو سيف سكت وقال / م تحس ضغط شوي عليك وعلينا؟
ابو عتيق / مابوه ضغط يارجال نتصل على الشيخ ويعقد القران وخلصنا
ابو سيف / اجل شورك وهداية الله
ابو عتيق / اجل حياكم الله بعد صلاة المغرب
ابو سيف / على خير ان شاء الله الله يحييك ويبقيك
طفى ابو سيف وبشر اهله
يوسف ناظر لسليمان وابتسم
سليمان / هاللي م تستحي تخطب وتملك بيوم وليله! وقبلي بعد !
يوسف ضحك ونزل راسه
عند غزل اللي صحت وجهزت نفسها نفسياً اولاً..
رفعت الجوال واتصلت على هديل اللي كانت تحط ماسك وتوها متروشه
هديل / هلا بحبي
غزل / هديل
هديل خافت لمن سمعت صوتها / وشبك!!
غزل / اليوم عقد قراني
شهقت هديل / اماعاد! مبروككك يابعد حيي
غزل / انا خايفه
هديل / وش اللي يخوف يابنت مافي شي يخوف
غزل ضحكت وقالت / عساس ماراح تخافين انتِ اذا انعقد قرانك !
هديل / والله مدري المهم انتِ قومي تزيني وم عليك انتِ بس اذكري الله
سكتت غزل وقالت / تمام مع السلامه
طفت وقامت تتجهز ..
بعد المغرب وصلوا المسعود وسلموا على عيال بيت المقرن ..
وصل الشيخ وخلصوا كل شي لمن طلع الشيخ
قال يوسف / يبه
ابو سيف / هلا
يوسف / ابي اشوفها
ابو سيف لف عن يوسف وقال / ياابو عتيق الولد بيشوفها
قام ابو عتيق وقال / حقه حقه بسأل البنت واشوف..
ابو عتيق / ياغزيل الولد بيشوفك
غزل / طيب
ابو عتيق / روحي للمجلس الداخلي وبناديه لك انا
غزل / يلا بروح
راحت غزل وجلست كانت لابسه فستان أبيض قصير للركبه وكانت تتهبللل
دخل يوسف بعد ثلاث دقايق
بلع ريقه يوسف وجاء جلس / السلام عليكم
بقت ساكته غزل وبعده قالت / وعليكم السلام
يوسف / شلونك
غزل سكتت وم ردت عليه
رفع يده يوسف ومسك وجهها ولفها عليه
رفع يدينه وحضن وجهها فيهم / للحين زعلانه ياعيوني؟؟
غزل بدموع بعيونها متجمعه / وببقى زعلانه
يوسف / م يهون علي
غزل بعبره رفعت يدينها وحطتها على يدينه / اللي سويته شي كبيرررر اصلاً احمد ربك اني وافقت عليكك انت المفروض م تتزوج تبقى عانس عند اهلك يوسف قرب وجهها وحبها على راسها / انا م قلتلك عشان تقولين هالشي انا قلتلك عشان تعرفين مني !!! م تعرفين من غيري وقلتلك عشان مااغبي عليك شي
نزلت دموع غزل ودفته عنها ونزلت راسها
قرب يوسف وضمها قوهه رفعت يدينها وحضنت كتوفه / انا موجوعه كل مااحاول ابعد التفكير ذا عني مو قادره احس اني مكسوره منه اعرف ان لازم تقولي والحمدلله اني عرفت منك مو من غيرك لكن تتوقع حتى لو كذا بيكون هين علي؟؟ ارحمني ياخي !!
شد عليها يوسف وابعد عنها مسك رقبتها وباسها
دفته غزل وعضت على شفايفها / شفيك مستعجل انت بعد !
ابتسم يوسف وقال / م قدرت امسك نفسي اعذريني
خذت غزل منديل ومسحت عيونها شوي شوي
وبعدها قامت بتطلع لفت عليه وقربت وباسته قوهه وهو حرفياً مصدوم !!
طلعت وركضت اتصلت على هديل وقالت لها كل شي وهديل وماسكتها صراخ
هديل بصراخ / حبيتيه!! يمه تو الناس شفيكممممم
غزل / قلتله شفيك مستعجل وانا بوستي اقوه من بوسته بس شسوي يعني يجنن
هديل / يمه بموتتت مااتحمل مااتحمللل
غزل / هههههههههههههه شرايك بس
هديل / انثبري بس خليني اعقد قراني مع سلوم واوريكك وش بسوي
غزل / نشوف نشوفف اخر شي حضن بس هههههه
هديل / انقلعي بس
طفوا بعد السوالف وهديل مصدومه وتضحك وغزل متنومسهه وهي تحاول تتناسى ذاك التفكير
ونفس الشي مع يوسف اللي طلع للرجال شفايفه متلطخه بروج غزل اللي فز سليمان وسحبه برا
سليمان / صاحي انت!! وش اللي على شفايفك
مسحه سليمان ودخله واشوا محد انتبه ..
.
.
.
أنتهى 🌷.
