.
.
.
الصباح ~
هديل كانت عجزانه تنام وسليمان كان نايم
كانت هديل منسدحه على السجاده وتحاول تاخذ غفوه على الاقل عشان الغداء اللي شوي ببيت اهل زوجها
اول م غفت واخيراً قام سليمان وشافها وابتسم وطلع للحمام وتوضا وجاء يصلي صلى جنب السجاده عشان لايزعجها
بعد م خلص قرب منها وباسها وقام طلع يجيب فطور..
بعد نص ساعه جاء ومعه الفطور عدل الطاوله اللي بيفطرون عليها وراح للغرفه يقعد هديل
جلس عندها وحط يده على وجهها / هديلي .. هديلي
فتحت عيونها هديل وناظرته / همممم
ابتسم سليمان وقال / يلا قومييي جاء الفطور
هديل / ماابي ابي انام
سليمان / تبين تنامين !
هديل / ايي
تركها سليمان وراحح يحفظ الفطور وبعدها رجع للغرفه قومها من السجاده ومسكها مع خصرها سدحها على السرير وضمها بحضنه
شدت على رقبته هديل وحطت وجهها بصدره باسها سليمان على راسها وغفى معها ..
في بيت المسعود ~
كان كعادة اي ولد يتزوج عندهم والغداء اللي يصير ثاني يوم زواجه سيف هو اللي يذبح الذبيحه
طبعاً كان الوقت بدري ..
عند البنات كانوا صاحيين يزينون الفطور لاابو سيف
رغد / الحين بفهم غزل ورا م تجي تساعدنا !
العنود / ياخي البنت عروس للحين وبعدين من قالك لان شقتها فوق ببيتنا يعني تساعدنا بشغلنا !
رغد / اجل وش تجي تاكل وتشمي
العنود بحده / والله لو اسمعك تعيدين كلامك ذا لااقص لك لسانك سامعه!
رغد / انا الغلطانه اللي اسألك المفروض اسأل امي
طلعت وقالت العنود بصوت عالي / امي بتقولك اللي قلته يابزر !
طلعت رغد وراحت لاامها اللي جالسه بالحوش هي وابو سيف
رغد / يمه
ام سيف / وشو
رغد / الحين زوجة يوسف غزل ورا م تنزل تساعدنا ؟
ام سيف بحده تركت فنجال القهوه وقالت / وشو!!
رغد / وشو يايمه وانا صادقه
ابو سيف / انتِ تبين غزل تنزل من شقتها تساعدك انتِ والعنود ؟
رغد نزلت راسها وقالت / ايه
ام سيف / ياللي م تستحين
ابو سيف بحده / البنت جايه من بيت اهلها زوجةً لخوك ان كانت بتخدمه تخدمه هو بس ونفس الشي معه مهي جايه من بيت اهلها تخدمك انتِ وخواتك !
رغد / لكن يبه
ابو سيف / قومي سوي الفطور مع اختك ولاتكثرين كلام فاضي كذا ! طول عمرك انتِ واختك تشتغلين ولا احد ساعدكن وم كنتن تحتاجن المساعده ويوم جتكن زوجة اخوك تبين انتِ واختك تكرفنها !
طلعت العنود ومعها الفطور / يبه والله العظيم اني قلت نفس اللي قلته بالمطبخ لها لكن هي م تفهم
ابو سيف / لعد اشوفك ادخليي
دخلت رغد وهي زعلانه وطلع من جنبها يوسف وغزل ناظرت غزل وشمقت لها ودخلت البيت استغربت غزل تصرفها لكن مااهتمت
يوسف / ياصباخ الخير
ام سيف بابتسامه / ياهلا والله صباح النور
العنود بابتسامه / صباح النورر
ابو سيف / جيتوا بالوقت المناسب اجلسوا افطروا
يوسف / عوافي عليكم طالعين والله نفطر برا
العنود / اهخ بس نهاية فولي اللي كنت تحبه صرت تسحب عليه وتفطر برا
ضحكت غزل وناظرها يوسف ورجع يناظر العنود / اي حبيبتي الحين غيرر
ضم غزل من كتفها وصارت حمراء وتفشلت مره من نظرات ابوه له / الحين عندي غزولتيي تغنيني عنك وعن فولك
العنود / حسبي الله على ابليسك ترا والله ياغزل يقعدني من النوم اسويله الفطور واسويله فول ومرات قبل اطلع للجامعه يسحبني غصب اسوي الفول له
ضحكت غزل قوه وضحكوا كلهم
يوسف / ايي هذا قبل الحين طالع انا وغزل نفطر وانتِ خلك على فولك
العنود / كلها نعمه ياللي م تستحي
يوسف طلع وهو يضحك وشاد على يد غزل / م قلت شي الله يديمها من نعمه
ام سيف / اللي يديم عليهم الوناسه ولا يغير عليهمم
ابو سيف والعنود / اللهم امين
ابو سيف / اااييههه والله نسيت
ام سيف / وشهو ياحيي عسى خير ؟
ابو سيف / وصلني كلام ان بوه وحده من بنات خواتي جايتن الزواج تصيح ومدري وش وش صاير ومن هي ؟
ام سيف ناظرت العنود وغمزت لها تقوله
العنود بارتباك / يبه بزواج يوسف بدايته جت مريم بنت عمتي موضي وقعدت تصيح وتعاتب امي لكن امي طردتها وطلعت موضي مع بنتها
ابو سيف / والله اني متهول الحين مريم تسوي كذا !!
العنود / واشين يايبهه
ابو سيف / اليوم اتصرف مع موضيي وبنتهاا الكلام ذا كل ماادخل مجلس رجال عادوا لي السالفه ذي والمصيبه الاشاعات الحين ياكثرها كثراه على يوسف
ام سيف / حسبي الله عليها من بنتً م تستحي
عند يوسف وغزل
طلعت غزل ويوسف ولقوا سيف ماسك الخروف ويدخله البيت هو وسعود
غزل شهقت / يمههه كيف ماسكينه !!
يوسف / عاديي وش فيهم
غزل / لا والله يخوفف
ضحك يوسف وركب السياره ونفس الشي مع غزل
يوسف شغل اغنيه ومسك يد غزل / يقولون اليوم مطر
غزل وهي مبتسمه / الله يجيب الخيرر
سكتت وقالت / حبيبي
يوسف / عيوننن حبيبكك
غزل / ابوي
يوسف / وشفيه ؟
غزل / مدري احسه مو طايقني متغير اسلوبه معي مدري وش فيه
يوسف / من يوم مسكوك معي بالبقاله ؟
غزل لفت على الشباك وعضت شفايفها / ايهه
يوسف / ياعيوني مرده بيرضى عليك وبعدين لاتنسين انتِ الحين وكنتي بذاك الوقت زوجتي ومافي شي غلط سويناه
غزل سكتت وم ردت
رفع يدها يوسف وباسها وابتسمت غزل ونفس الشي عند يوسف
في بيت المسعود ~
سيف / بذكي الخروف الحينن عشان لاجت الساعه ١١ اصلي واكشخ واكون مخلص الذبيحه
ابو سيف / زين م تسوي ياوليدي سو اللي تشوفه صح
راح سيف وبقى سعود والعنود جالسين
العنود / عقبال نذكي ذبيحة غدا زواجك ياسعود
سعود ابتسم / ان شاء الله وذبيحة غدا زواجك انتِ بعد
العنود / لا انا طلعني من الموضوع
ضحك سعود على العنود
وقال ابو سيف / ان شاء الله من غير شر قريبب ياسعود ؟
سعود تنحنح / والله يايبه احس تو الناس
ابو سيف / لا تو الناس ولا شي كم عمرك الحين انت ؟
سعود ابتسم وقال / ٢٥
ابو سيف / حلاة عمر الزواج
ام سيف / ابد هو من يجي يقولي ابي اتزوج يبشر ببنت الحلال
سعود / والله يايمه اني كل ماافكر بالزواج اشيل هم تخيلي لو تطلع م تستحي ولا تطلع مقصره معكم
جاء بيكمل وقطعت كلامه ام سيف / ياامي ليه التعذرب ! بيتكم لحالكم وم راح نشوفها الا من ويكند لويكند وانت تكون معها واذا على معاملتنا معها بنعاملها باحترام واذا شافتنا كذا بتحترمنا هي بعد لاتشيل هم ياعيوني انت
ابتسم سعود وقام باس امه على راسها وابوه وطلع على صوت سيف يصوت له عشان يساعده
العنود / اول مره اشوفه يتكلم بشكل جدي
.
.
.
أنتهى 🌷.
