.
.
.
جو الرجال على بيت أبو محمد على العصر وجاء أبو سيف وعياله كلهم م عدا عبدالمجيد اللي كان مشتط بتمايم بنته بليل ..
ابو محمد / ياابو سيف وين عبدالمجيد مااشوفه ! عسى م خلاف
ابو سيف / ابشرك بخير لكن اليوم تمايم بنته وتعرفه مشتط .. ويعزمكم كلكم يارجال على التمايم اليوم باليل
ابو محمد / م شاء الله تبارك الله ان شاء الله
كل الرجال لبوا الدعوه ..
عند سليمان اللي اول م جلس حس بشي يوجع ركبته رفع ركبته وكان سلسال ذهب ناعم عقد حواجبه باستغراب بس شاله بخفه بحيث انه محد يشوفه وحطاه بمخباه ..
بعد العصر كلن رجع لبيته وقاموا يتجهزون لتمايم بنت عبدالمجيد المسعود ..
اذن العشاء وطلع الكل متجهه لبيت المسعود ...
دخلت هديل وامها وكانوا ثالث عايله توصل سلمت هديل على بنات البيت
هي وامها ودخلوا المجلس اللي كان شبه فاضي سلمت وجلست ..
خمس دقايق ولاتدخل غزل وامها
ابتسموا اول م شافوا بعض
سلمت غزل وجت عند هديل اللي حضنتها بقوه
غزل / اهخ هديلل اشتقتلك !!
هديل / انا اكثرررر ويننك مختفيه!
غزل / انتِ اللي وينك مختفيه لو انك بالجامعه ومو فاصله كنت المفروض يومياً اشوفك
جلست هي وهديل جنب بعض وقالت هديل / شسوي ياغزيل تدرين ان امي تعبت واخواني كلن متزوج وطالع ببيت واختي ليان توها ثانوي م تدري وين ربي جادعها وابوي كبير بالسن م يقدر يراعي امي افصل من الجامعه ويعوضني الله
غزل / معليهه صدقيني ربي بيرزقك الاحسنن !!
هديل / ان شاء الله ..
بعد نص ساعه امتلا المجلس مرهه وكان الحمدلله حاطين فرشات بالارض وحتى الفرشات امتلت
ضربت هديل يد غزل بخفه / امشي نطلع بالحوش انكتمت
غزل / واذا راح مكاننا !!
هديل / عادي نجلس بالارض
غزل / لاوالله وتخرب كشختي
هديل / امشي بس وانتِ ساكته !!
تأففت غزل وقامت هي وهديل غصب عنها
طلعوا بالحوش وسمعوا صراخ بزران ورا البيت ..
راحت غزل ولحقتها هديل
وكانوا احفاد ابو سيف فهد اللي عمره ٨ ويصير ولد سيف وراكان اللي عمره ٩ ويصير ولد لمياء بنت ابو سيف ..
مسكت غزل فهد وهديل مسكت راكان
هديل / ها ها وشفيكم !!
راكان ببكي / شوفي ذا اخذ فلوسي
هديل / افا ياراكان انت رجال م تصيح فتحت شنطتها وعطته عشر ريال وقالت يلا مسح دموعك ورح
غزل بحده لفهد اللي بالع العافيه / ياويلكك تسرق فلوس البزران مره ثانيه تسمع ؟؟
فهد / ا ابشريي !
تركته ودخلت غزل بتصور وكانت هديل بتدخل بس انتبهت لفجر بنت مشاعل بنت ابو سيف ..
ومسكتها وجلست هديل على رجولها وقالت / انتِ فجر صح ؟؟
فجر / اييهه مين انتِ ؟
هديل / انا هديل بنت الخلف ، عادي اصورك ياحلوهه ؟؟
فجر بابتسامه / اي عادي
وقفت هديل تصور فجر وبنص التصوير طلع من الباب اللي جنبها اللي يعتبر الباب الخلفي سليمان لفت هديل وشهقت لمن شافته يناظرها باستغراب لمن شافها شهقت استوعب ولف عنها ودخل داخل وقامت هديل وراحت للحوش الثاني اللي فيه البنات ..
سليمان / تعالي يافجر امك تبيك !!
جت فجر بتدخل ومسكها سليمان / من ذي اللي تصورك ؟
فجر / قالت اسمي هديل بنت الخلف
دق قلب سليمان بقوه وتذكرها بايام الطفوله
- هذي هديل معقوله!! كبرانه ومتغيره مرهه !!! -
قال / خلاص ادخليي
لف واستغفر وطلع للرجال..
عند هديل اللي راحت للحوش الثاني وكانت غزل واقفه هي ورغد
غزل / شفيه وجهك كذاا
العنود جت / رغد امي تبيك روحي
راحت رغد وجلست العنود
وقالت هديل / شفت واحد ماادري مين
شهقت العنود / سليمان ؟
كانت هديل مخنوقه تبي تروح للبيت وتنهار هناكك جحدت وسوت نفسها م تعرفهه
هديل / مااعرف .
غزل / هديل !! شفيككك
هديل / م فيني شيي والله بس خفت لايشوفني بس اشوا م شافني
جحدت هديل مع انه سليمان شافها وشافته وعرفها من بنت اخته وعرفته هيي من ملامحههه اللي م تغيرت ..
لفت هديل وحاولت تنسى
جلست على الفرشه اللي حاطتها العنود توها
قامت العنود بتجيب القهوه وهديل سحبت غزل وجلست غزل
هديل بغصه / سليمان
ناظرتها غزل بصدمه / احلفي!!
هديل / والله .. بس اتوقع م عرفنيي
غزل / وانتِ ليه بتبكينن الحين ؟؟
هديل / انا مستغربه شلون م صادفته ولا شفته طول السنين ذي من ايام الطفوله وهو بيته جنبنا ابي افهم !!
غزل / يابنت الحلال انتِ اطلعي من البيت اول وبعدين فكري تشوفينه وبعدين انتِ تدرين اذا شفتيه ماراح تكونين بخير ووضعك الحين اكبر دليل !!
لفت هديل بالم بقلبها ...
وكان نفس الشي عند سليمان اللي كب القهوه بالغلطط على ملابسه وفز يغير ملابسه وهو يسمع الرجال يسمون عليه ويتطمنون عليه
دخل غرفته وفتح ازرار ثوبه وجلس .. استرجعت له كل ذكريات الطفوله اللي نساها وتناساها طول هالمده ..
حط يدينه على راسه وهو يفكر بهديل
اللي كانت حب حياته بالطفوله
تذكر موقف لهم واللي كان ....
طلع سليمان يلعب كوره كالعاده بالحاره مع العيال ولكن سمع صوت بكي هديل
لف وجاء يركض
سليمان / شفيك! من بكاك؟؟؟
هديل بدموع / مشعل ضربني على يدي
رفعت يدها وورتها سليمان كانت بقعه حمراء على يدها اثر ضربة مشعل ولد صاحب البقاله
راح سليمان لمشعل وضربه لين فكوه العيال اللي يكبرونه سن
رجع لهديل اللي ماسكه يدها بالم
قرب منها وضمها على قلبه قوهه وكان يمسح على راسها وكانت هديل مبادلته الحضن بشعور حلو بقلوبهم رغم صغر سنهمم
كانت اعمارهم ٩ و ١٣
طلع من مخباه بسكوت وعطاه لها وقال / ادخلي ولعد تطلعين عشان لايضربك مشعل !!
هديل وهي تمسح عيونها وتاخذ البسكوت / حتى لو طلعت وضربني انت م راح تخليه صح ؟
سليمان / اكيد !!
دخلت هديل وبعد هالدخله اجبرتها الظروف معد تطلع مثل م قالها سليمان
كانت طول السنين ذيك لين الحين يوم صار عمرها ٢٦ م تطلع من البيت الا نادراً !!
....
قام سليمان وغسل وجهه وتعوذ من ابليس وغير ثوبه ورجع يطلع عند الرجال اللي جاء ولقاهم قالطين على العشاء ..
جلس برا وتجمعوا عليه عيال عمه يتطمنون عليه ..
عند هديل اللي استأذنت من امها ترجع البيت وامها استغربت لكن وافقت لمن قالت لها هديل انها تعبانه ومن الصبح قاعده
العنود / هديل تو الناس شفيك مستعجله
هديل / والله تعبت من الصبح قاعده
غزل تعرف هديل بوش تحس / خلاص معليه روحي ارتاحي
ابتسمت هديل بخفه وطلعت ..
طلعت هديل ولقت سليمان واقف برا عند سيارته ويناظر الحاره ..
لف على صوت باب بيتهم وهو يتسكر وشاف عيون هديل بالنقاب وعرفهاا وقفت هديل ثواني تناظره ومن هالنظرات عرف سليمان انها م نست برغم صغر سنها اللي كانت تحبه فيه ..
لفت هديل وكانت تمشي على بيتهم ووصلت للمكان المظلم اللي بعد خمس او ست خطوات توصل للباب بس اوقفها صوت سليمان وهو يقول لها
/ نسيتي ؟
وقفت هديل وهي ترجف وقالت بصوت مبحوح وخايف / لا م نسيت ! وشلون ابنسىى ؟
لفت عليه وهو يناظرها وقال / للحينك تحبيـ..
قطعت كلامه وهي تقول / تحسب بجاوبك؟؟ ماراح اجاوبك .. الا بالوقت المناسب !
لفت عنه وكانت بتدخل بس صدمها كلام سليمان / قصدك نتزوج ؟ بكرا بجي اخطبك وجهزي نفسك !!
لفت عليه وكانت بتتكلم بس هو م عطاها فرصه ومشى وخلاها
نزلت دموعها ولفت ودخلت البيت دخلت غرفتها نزلت عبايتها وجلست جنب السرير
هي حرفياً م تدري وش صار بهالسرعه شافته وكلمته وقال انه بيجي يخطب !!
هي م تدريي اذا انتصر هالحب ولالا مشاعرها متلخبببطططهههه !!
كل شي صار بسرعهه ممداها حتى تستوعببب !
انتهى 🌷
