.
.
.
عند عصافير الحب ~
صحى سليمان على منبه الساعه ١٠
وطفاه ولقى هديل بحضنه ناايمه وحاضنه رجولها ووجها بصدر سليمان
سليمان / هدولل .. هدولتيي
هديل / همم
سليمان/ يلاا ياعيونييي بنتأخر
صحت هديل وناظرته وكانت عيونها شوي حمرا م شبعت نوم قربت منه وباسته على خده وضمته وقالت بنود / م شبعت نوم
سليمان / نرجع وترجعين تنامين يلا قومي
كان سليمان شاد على خصرها ويبوس رقبتها ويتكلم
ضحكت هديل بخفه / فكني طيب عشان اقوم
فكها سليمان وقامت تروشت ودخلت ولقت سليمان منسدح على جواله
جلست تحط ميكب
ناظرها سليمان طول ما هي تحط الميكب
وهي كانت مستحيه منه ومن نظراته لكن متجاهله
قام غسل وتروش ولبس وجاء عندها وكانت هي تسوي شعرها جلس يناظرهاا لين خلصت رفعت البخور اللي شغلته توها وجلست تبخر شعرهاا وابطت وهي تبخر
ابتسم سليمان / ابطيتي
هديل / ازينن
قرب سليمان واخذ البخور منها وباسها قوهه من خدهاا
ابتسمت هي ولفت عنه
قام سليمان ولبس ثوبه وشماغه
وقرب وحضنها من ورا / تدرين اني احبك ؟؟
هديل ناظرته وشدت على يدينه / وانا اعشقك ؟
ابتسم سليمان ووضحت غمازاتهه
هديل نبض قلبها هي تحب سليمانن مرهه وتحب اسلوبه وتعامله وشكله معها وتحب غمازاته حب خاص ...!
لبست عبايتها وطلعوا مع بعض بعد م اخذوا الاغراض معهم كلها
ركبت هديل السياره وسليمان دخل الاغراض بالمرتبه الثانيه بالسياره وحرك
هديل / سيارتك ذي fj صح؟
سليمان / اي
هديل / والله اني احب الـ اف جي مرهه الحمدلله ان سيارتك هي
سليمان / عاد كنت ناوي اغيرها
هديل / لاحبيبي لاتغيرها واذا غيرتها انا ابيها
سليمان / من عيونييي واجيبلك الاحسن منها لو تبين
هديل ابتسمت وكانت بترد لكن في شي يمنعها هو انها مستحيه
وسليمان كان متفهمها
وصلوا للبيت وبنفس الوقت وصل يوسف ومعه غزل
نزلوا وقرب يوسف وضم سليمان / ارححببب ارحبب
سليمان بضحك / اشتقت لي ؟
يوسف / ويسأل بعد !
سليمان / والله م ظنتي يالتسذوب
ضحكوا كلهم ودخلوا
غزل ضمت هديل
هديل / كنت ضايقه من امس ودي اكلمك
غزل / افاا !!
هديل / امشيي
مشى سليمان ومسك يد زوجته هديل ودخل للمجلس بعد م تنحنح
العنود صرخت / سوييللممم
ضحك سليمان وضمها فز ابو سيف وام سيف معه يستقبلون ولدهم سليمان سلم عليهم كلهم ونفس الشي مع هديل وجلسوا
ابو سيف / شلونك ياولدي؟
سليمان / والله الحمدلله مستانس ومرتااح
ام سيف / يعله دومم
كانت هديل جالسه ومتحجبه دخل سعود وسلم على سليمان وجلس جنب ابوه
سعود / شلونك ياهديل
هديل / بخير الله يسلمك شلونك انت
سعود / بخير دامك بخيرر
كانت هديل على كثر حبها لسليمان وان كل شوي تقرب من نفسها له كانت ترجفف جنبه من الخوف والتوتر
كانت هي جالسه جنب سليمان وترجف وترتعد قوه
العنود ضحكت وقالت لسعود / شف كيف خايفه
سعود ضحك وم رد على العنود
تعمدت العنود تحرج هديل قدام الكل وقالت / ياسليمان وش مسوي بالبنت ليه ترتعد وترجف جنبك كذا
كتوف هديل حرفياً كانت ترجف ويدينهاا وكانت شاده على يدينها ..
ناظرتها هديل ونزلت راسها وتفشلت
سليمان ناظر هديل وكان قريييبببب منهاا بشكللل واضحح وابتسم ورجع لف على العنود / اسأليها داخل بعد شوي
انحرجت هديل قوه لكن انقذها دخول خوات سليمان لمياء ومشاعل وبناتهم وعيالهم ومعهم عيال سيف..
لمياء / وينها وينهاا عروستناا
ابتسمت هديل وفزت تسلم عليهاا
لمياء / واخيراً خذيت حبيبة الطفوله
ناظرتها هديل واستحت قوه - حتى خواته يدرون !! -
سليمان وهو ضام لمياء / احمدي ربك ابوي م سمع ولا كان بيذكيني
مشاعل سحبت لمياء عن سليمان وضمته بدالها / يعله الف مبروك يااخوي الله يوفقكم ويسعدكم
ابتسم سليمان / اللهم امين
ابرار سلمت على سليمان / مبروك ياخاليي
سليمان / الله يبارك فيك
( ابرار ١٥ وراكان ٩ عيال لمياء ، عبير ١٧ وعبدالرحمن ١٣ وفهد ٨ عيال سيف ، الهنوف ثلاث شهور بنت عبدالمجيد ، فجر ٦ بنت مشاعل )
كلهم سلمواا وحبوا عمهم وخالهم واخيراً خلص سليمان وهديل وجلسوا كلهم
دخل سيف ووراه نوف وبقت واقفه برا
سيف بحده / روحن لمجلس الحريمم وراكن جالسات هنا !!
قامت هديل وواضح عليها الفشله وقامن كل البنات وطلعن لمجلس الحريم
واخذن نوف معهن
ابو سيف / انا دامني راضي فيهن يجلسن انت ترضى وغصبن عليك !
سيف / اسف يبه بس م يصيرر يعني الكل جالس مع بعض
استغفر سليمان وقام طلع
ابو سيف / وين !
سليمان / بسلم على رغيد م سلمت عليها
دخل وشاف رغد جالسه بغرفتها
فزت اول م شافت اخوها وضمته وبكت بحضنه
سليمان / وانا ولد ابوي وشبلاك انتِ !!
رغد / ضايقن صدري من اليوم
سليمان / افا ليهه
رغد / بس كذا مافي سبب
سليمان / خلاص معليه مسحي دموعك الحين وامشي معي الكل تحت موجود
رغد / حتى هديل ؟
سليمان / ايهه
دخلت غرفتها بدلت وعدلت وجهها وطلعت مع سليمان اللي ينتظرها
رغد / احسبك نزلت
سليمان / لا
مشت معه ودخلت مجلس الحريم تسلم على هديل وطلع سليمان عند اخوانه وابوه
رغد / هلا والله
هديل / هلابك اكثر ياروحي
جلست رغد وهي ضايقه
قامت العنود تقهوي البنات ولمن وصلت لغزل وهديل اللي جالسات عند بعض ويسولفن ابتسمت وقالت / اخيراً صديقاتي زوجات اخواني
ابتسموا وقالت غزل / عقبالك زوجتن لااخوي
العنود / يمه ايهم ؟
غزل / الفارس ياعيوني
العنود / يعقبب
غزل / خيررر
العنود / يصفقني وانا صغيره وتبيني اتزوجه !
هديل تبي تنقذ الموقف / لو طلول مو متزوج كان زوجتك له !
العنود / اهخخ عاد طلال يجنن
هديل صغرت عيونها وقالت / تراني اغار !
ضحكوا وراحت العنود تصب لباقي البنات
غزل / اقولك
هديل / قولي
غزل / وش اللي مضايقك ؟؟
هديل سكتت وقالت / ياخي امس
غزل / اي ؟
هديل / صارت بيننا
ابتسمت غزل وغمزت لها
هديل / يازفت اسمعيني ههههه
غزل ضحكت / اي ايي
هديل / وبعد م خلصنا هو تروش وانسدح وجلس يسولف شوي ونام
غزل / طيب ؟
هديل / ضقت لانه نام وخلاني وانا بقيت صاحيه لبعد اذان الفجر وللصبحح ونمت الساعه مدري كم يمكن ٨ وقومني ١٠
غزل / طيب !!؟؟؟
هديل / وش طيب اقولك نام وخلاني صاحيه
غزل / ياهديل انتِ مكبره الموضوع لحالك بدال تعذربك ذا المفروض منسدحه عنده ومتأملته لين صحى
هديل / اهخخ احبه
غزل / ياتناقضك توه مو عاجبك
هديل / اعقبي والله انه عاجبني واموت فيهه بس يعنيي
غزل ضحكت ومدت فنجالها للعنود اللي مرت
العنود / خلصتيه بسرعه
غزل / هاللي م تستحي رافضه اخوي وتنتقدني اني اخلص فنجالي بسرعه
ضحكت العنود وهديل
العنود / ياخي تلوميني ؟ اخوك كان يصفقني لين يخليني اعض الارض !
غزل / هو كان ملقوف لكن الحين كبر وتغير وصار ضابط !
العنود / افكر افكر
بعد انتهاء الغداء صعدت على شقتها اللي مقابل شقت غزل ودخلتها هي وسليمان ومعهم الشنط
سليماان / ها وش رايك ؟
هديل / م شاء الله كبيره وتشرح الصدر
ابتسم سليمان برضى وضمها / اوعدك ياعيوني من تجيبين اثنين ولا ثلاث نطلع
هديل ضمته وهي ترجف / اثنينن مو ثلاث
سليمان / من عيونييي ، تعالي اجلسي بعطيك شي
جلست هديل على الكنبه وسليمان مقابلها دخل يده بمخباه وطلع سلسال
مده لها وقال / لك عرف فيه ؟
هديل شهقت وقالت / سلسالي !!
سليمان ضحك وقال / الحمدلله انه لك مو لليان
هديل / من وين لك !
سليمان / زمان جيت اتقهوى عند ابوك واول م جلست اوجع ركبتي وشلته بدون لا ينتبه علي ابوك وحطيته بمخباي
هديل ضمته وعيونها مدمعه / احبكك احبكك
سليمان شد عليها / وانا اعشقكك واهواك
لف عليها وباسها بقوهه شدت على رقبته هديل وبادلته بكل حب وقوهه
ابعد عنها بعد ثواني طويله وقالت بهمس / لاتخليني .. ماابي انحرم من هالشعور اللذيذ منك
سليمان / اعقب والله مااخليكك باذن الله
فك السلسال ولبسه لها وكانت قريبه منه باسها من رقبتها وابعدت هديل عنه وهي ترجف شوي
هديل / والله فيني نوم بنام
سليمان / نامي ياعيوني انا طالع اخلص لي كم شغله
دخلت هديل تنام وطلع سليمان يخلص اشغاله ..
.
.
.
أنتهى 🌷.
