.
.
.
راحت غزل عند اهلها تسلم عليهم ..
أم عتيق / علومك ياغزل؟
غزل / والله بخير يمه مشتاقه لكم
فارس / شف شف التسذوبه !! امس انتِ كنتي عندنا وتبين الفكه
غزل / لا تفهمني صح !!
فارس / ههههههههههههههههههه
دخل ابو عتيق وناظرته غزل وكانت متوتره
قامت غزل ومشت تسلم على ابوها
ضمته وباسته على راسه / شلونك يبه
ابو عتيق / بخير بخير
ابعد عنها وجلس / شلون يوسف
غزل جلست وقالت / الحمدلله م عليه
ضاق صدر غزل لمن شافت ابوها يسأل عن يوسف وهي لا
غزل / يمه
ام عتيق / وشهو
غزل / انا ماشيه
ام عتيق / توككك جيتي !!
غزل / احس اني تعبانه بروح انام
فتحت جوالها واتصلت بيوسف
يوسف / سمي ياعيوني ؟
غزل / تعال خذني
يوسف / صار شي ؟؟ توني نزلتك
غزل / لالا بس انا تعبانه وبرجع البيت
يوسف / ابشري يلا ثواني وانا عندك
غزل / انتظرك
قفلت غزل وقالت ام عتيق / من متى شاريه هالجوال ؟
غزل / اليوم والله
ابو عتيق دخل يده بمخباه وطلع جوااها القديم ورماه عليها / خذيه معد ينفع شي الرجل وتزوجك
قام ابو عتيق وطلع وقال فارس / وهو صادق ههههه
ناظرته غزل / مريض
اخذت الجوال وطلعت بالحوش تنتظر يوسف
وصل يوسف واتصل عليها
يوسف / انا برا حبي
غزل / طالعه
قفلت غزل وطلعت بعد توديع امها
ركبت وبقت ساكته
يوسف / وش فيك؟ وش صاير ؟ ابوك قالك شي ؟
غزل / ياكثر م تنشد
يوسف / شايلن همك وش فيك وش صاير
غزل / مابوه شي
يوسف / البيت هذا هو ورا م رحتي له مشي ؟
غزل / مشي؟؟ اقول وقف بس
وقف يوسف وهو يبتسم ونزلت غزل وهي ضايق خاطرها
دخلت البيت وراحت لشقتها ..
.
|| بعد مرور أسبوع ||
.
ام محمد / يلا ياهديل بنتأخرر
هديل / اصبري يمه ابدل
بدلت هديل ملابسها ولبست عبايتها وطلعوا للقصر
ابو محمد / بنشتاق لك يابنيتي
جت بتتكلم هديل وقطعت كلامها ليان / لاوالله بابا وانا!!
ابو محمد وهو يضحك / انتِ عند عيوني ماراح تروحين نفس اختك
هديل ابتسمت / جعلني ماانحرم منكك
ابتسم ابو محمد ووصل للقصر ونزلت هديل وامها وليان
دخلوا الغرفه الخاصه بالعروسه
وبدوا بشغلهم الارتست والهير ستايل
عند سليمان ~
كانوا ماخذينه اخوياه ويسوون له ماسكات وترطيبات بحدى الصالونات الرجاليه ..
سليمان / ياعيال تكفون عدل ماابي اصير مدلل البيت
عبدالرحمن / مدلل البيت ! هههههههههههههههه
ضحكوا اخوياه وضحك معهم
مشاري / اول مره تضحكنا قوهه كذاا
سليمان / اعقب !
ضحكوا وكملوا ..
عند خوات سليمان ~
لمياء / ترا هديل وامها واختها بالقصر
ام سيف / تأخرنا يلا امشوا !!
طلعوا من البيت وحركوا للصاله مع سعود اللي خلص منهم وطلع عند سليمان ..
ام سيف دخلت الصاله وتوجهت هي وبناتها لغرفة العروس
ام سيف / يا هلا وغلا
ام محمد بابتسامه / هلابك اكثر ياعيونيي
دخلت ام سيف وبناتها لمياء ومشاعل والعنود ورغد يسلمون ..
هديل كانت مستحيهه مرهه
طلعوا ام سيف وبناتها وتوجهوا للغرفه الخاصه فيهم
دخلوا وبدوا بعد بالشغل ..
