.
.
.
في بيت المسعود ~
يوسف / أنا جبت الأغراض معي أبيكم تساعدوني ننزلها ونصعدها للشقه فوق
سيف / اي يلا اجل قوموا
يوسف / اجلس ياسيف سليمان وسعود تعالوا
طلعوا معه ونزلوا الاغراض
سليمان / مو المفروض تجلس بالفندق يومين ؟
يوسف / لا يبن الحلال فكني بالشقه اريح وأحسن
سليمان / براحتك
دخل سعود الشنط وخلص وراح للمجلس
كان بيدخل يوسف ومسكه سليمان من يده
يوسف / علامك ؟
سليمان / انا بقدم الزواج
يوسف / صادز انت ! متى بتخليه ؟
سليمان / بعد اسبوع
يوسف / يمكن عندها اشغال بتخلصهم !
سليمان / هي اللي طلبت مني نقدمه
يوسف / زين اجل قدمه وتوكل على الله
سليمان / بقول لاابوي وامي اول
يوسف / ايه يلا يلا
دخلوا وجلسوا بالمجلس وكان الكل جالس والبنات بعد م عدا غزل اللي راحت شقتها فوق
أم سيف / يا يوسف رح فوق لعروستك وخذ الشناط معك قم ياسعود ساعده
سعود / ابشري
راح يوسف واخذ الشنط هو وسعود وصعد ..
سليمان / يا يبه ويايمه
ام سيف / هلا ياولدي
سليمان / انا بقدم الزواج
ابو سيف / وشوله العجله ؟؟
سليمان / يبه هي قايلتن لعنود ان ودها الزواج يتقدم
انصدمت العنود وناظرت سليمان وقالت بربكه / وهو صادز
ابو سيف / ومتى بتخليه ؟
سليمان / بعد اسبوع ان شاء
أم سيف / اسبوع !!
سليمان / ايه
العنود / ورا م قلت انه كل هالقرب ممدانا نحجز شي !!
وسع عيونه سليمان عليها عشان لا تنكبه وقال / هي قالتلك !!
العنود بفهاوه / اييهه صحح نسيتت بس ليه م تخليه اسبوعين على الاقل ؟
سليمان / اسبوع يعني اسبوع والحجوزات وكل شي نحجزها الاسبوع ذا
العنود / الله يعين قلبي بقعد من رقم لرقم اتصل احجز
ابتسم سليمان وطلع يكلم هديل
هديل / هلابك؟
سليمان / يلا تجهزي
هديل / هاه؟
سليمان بضحك / الزواج بعد اسبوع
هديل فزت / صادز انت!
سليمان / اي والله
هديل / أجل لااشوفك تكلمني لين يجي الزواج
سليمان / افاا وليه!!
هديل بدلع / عشان تشتاق لي
سليمان ضحك وقال / انا معك ومشتاق لك كيف اذا بعدت اسبوع وم كلمتك!
هديل بتوتر / بقفل
سليمان بضحك / مع السلامه ياعيوني انتبهي على نفسك
ودعوا بعض وقفلت هديل وكانت متوتره وفرحانههه
دخل سليمان ومسكته لمياء مع كتفه / انت ياللي م تستحي وراك مقدم الزواج لهالدرجه م نحفت للحين!
سليمان / نحفتي !! كل هالنحف ومو نحفانه !
لمياء / وين النحف بالله
سليمان / كلك حلا ياام راكان
استحت لمياء وقعد يضحك سليمان ودخل ياخذ قيلوله
عند المعاريس ~
يوسف / وشرايك بالشقه واثاثها؟
غزل / حلوهه
يوسف / ترا كلها على ذوقي
غزل / غريبه طلعت حلوه
يوسف بصدمه / شقصدك!
ضحكت غزل / امزح ياخي شفيك حساس
ضحك يوسف وقرب وضمهاا وباسها على خدها
غزل / ابي انام راسي مصدع
يوسف / وكشختك؟
غزل / بغير وامسح ميكبي الحين
يوسف / لا!!
غزل / وليه !
يوسف / م شفتك زين تعالي
سحبها مع يدها وجلسها على طرف السرير وجلس جنبها ومسك يدها وباسهاا
يوسف / والله العظيم اني محظوظ
لفت غزل / خلاص عاد
يوسف / لا مو خلاص
غزل / تراني استحي ارحمني !
يوسف / ياحلاتك بسس
مسكته غزل مع فكه وباست رقبته اللي طبع عليها الروج دفته وصارت شبه فوقه وبوست رقبته وبكل مره تبوسه كانت تطول ..
يوسف / غزولتي
رفعت راسها غزل وناظرته
يوسف / تدرين انك جبر خاطر ؟
غزل ابتسمت وجلست / بقوم ابدل
راحت بدلت ومسحت ميكبها وناموا بعد محاولات للنوم ..
