.
.
.
بعد م فحطوا البنات نزلوا منهلكين من الدبابات تمددن بالخيمه بضحك ويعلقن على بعض ويضحكن
دخلت مشاعل / اعوذ بالله وش بلاكن متسدحات كذاا !
ضحكواا البنات وقالت مشاعل / الله لايبلانا
جلست هديل وقالت / والله استانسنا ليه م جيتي معنا ؟
مشاعل / يويلي مجنونه عشان اجي معكم دزوا بس
دخل ابو سيف وقال / وين الفرش ياالعنود
العنود / بتنام يبه ؟ تو الناس
ابو سيف / وين تو الناس الوقت تأخرر الساعه ١٠
ضحكت رغد وقالت / ١٠ ؟ ومتأخر حنا بنسهر بالدكه يايبه عادي ؟
ابو سيف / ايه ايه حنا جايين هنا نتونس اسهروا واستانسوا لكن لاتبطون بالمره
رغد / ابشر ابشر
تمدد ابو سيف على فراشه وسرعان م ناام بعمق ..
سليمان / يوسف
يوسف / هلا
سليمان / قم وانا اخوك نم وارتااح
يوسف / تو الناس على نومتي وانا اخوك
سليمان / لا تنام بس ارتاح على الاقل
تنهد يوسف وقام يروح لخيمته هو ولين فتح الباب يناظرها واضحح عليها نامت مهلوكه من البكي انسدح وعطاها ظهره نزلت دموعه الين تنفخت عيونه
قال بغصه وبحرقه / كيف حتى خيانتك مااعرف اسميها خيانه
حس عليها تلامس ظهره وتقرب منه وتضمه رفعت راسها على راسه نزلت دموعها وقطرت على وجهه مسحها بخشونه وابعدها عنه قام وناظرها / قايلك لاتقربين صح ؟
لين / م تبي تسمع لي ؟
يوسف / سمعت اللي يكفيني خلااص
فتحت جواله وشالت الحظر عن رماح مدت الجوال ليوسف / كلمه واعرف كيف علاقتنا وصدق بنفسك
غمض عيونه بقوه / لين لين لا تجنيني !!!
قربت منه وضمته / لو اني مو مظلومه منك ماراح اقرب ماراح ابكي ماراح ابرر ماراح اقولك كلمههه !! لكني مظلومه ياخلفهم
يوسف / مااقدر اسامحك على اللي سويته ماراح اقدر
شدت على يده / سامحني مثل م سامحتك عن موضوع مريم
ناظرها بصدمه / وش تقولين انتِ !
لين / اللي صار بينك وبين مريم اسوء من اللي حصل بيني وبين رماح
يوسف / تعايريني بعد ؟
لين / مااعايرك اذكرك بأيام الخوالي
لفت عنه تنسدح تنزل دموعها بين شهقاتها الخفيفه ، رفع نفسه يطلع ينام بالقطبه اللي نايم فيها ابوه تلفلف بفروته وانسدح على المركه غمض عيونه يدخل بنوم عميقق
عند العيال برا ~
سعود / وراه يوسف راح خيمة ابوي ؟
زفر سليمان وقال / مدري عنه خله بس
العنود / انا مو مرتاحه احس عنده شي شفتوا شكله على العشاء ؟
رغد / يمكن مشكله بالدوام
هديل / مااحس بالدوام
العنود / اجل ؟
هديل / حتى لين مهي طبيعيه نامت بدري والحين هو مو نايم عندها في شي
سليمان / وانتوا شدخلكم ! حلوه ذي
العنود / فعلاً شدخلنا
هديل / اي والله
كلهم قاموا ينامون لاجل يصحون بدري ..
الصباح بالمخيم ~
قامت هديل على ريحة الخبز واصوات الاطفال يلعبون فركت عينها ولفت على سليمان بس م لقته جنبها .. رفعت نفسها بالقوه من تفحيط امس ولبست شيلتها وعبايتها وطلعت تغسلل ، ناضرت للمخيم ولقت الكل متجمع ينتظر الفطور
ابو سيف / ياهلا صباح الخيرر تعالي افطري يابنيتي
هديل بابتسامة نعاس / الله يصبحك بالنور ابشر ياعمي بس اغسل اول
راحت لدورة المياه تغسل وتطلع للمطبخ تساعد البنات وعمتها
هديل / صباح الخير
البنات / صباح النور واخيراً
ضحكت هديل / والله اني قمت غصب وربي متكسره من تفحيط امس
ضحكوا البنات وقالت ام سيف / احسن هذي اللي تسويه اللقافه
هديل / والله ياعمه محنا ملاقيف بس نبي فعاليه
ضحكت ام سيف ولفت هديل على لين اللي جالسه بالزاويه وكانت ساكته وواضح ذهنها مو معهم
مشت هديل تقطع من الخبز اللي خبزته عمتها وتروح لليان تسحبها برا وتسألها وش اللي حاصل معها لانها من امس مو طبيعيه !
بيت الخلف ~
كانت ام محمد جالسه بالحوش وتتأمل الجو المغيم وتتقهوى ، دخل محمد على البيت وهو خايف ومتوتر يقول لاامه عن اللي حاصل لنايف ! ، مشى وجلس جنبها ابتسم له وباس راسها / شلونك يايمه
ام محمد وهي تصب قهوه لولدها / بخير دامكم بخير ياعيالي
اخذ الفنجال منها وارتشف منه نزله وناظرها
ام محمد / ملامحك تقول ان بوه شيّن حاصل !!
محمد / يمه اذكري الله
مسكت ركبة ولدها وشدت عليها وقالت بحده / لا اله الا الله وش اللي حاصل علمني!
محمد / يمه نايف مسـ...
ام محمد / وش بوه نايف انطقققق
محمد / يمه اذكري الله مابوه الا العافيه ، لكن حادث خفيف وانا كنت عنده مشوين م شاء الله عليه حصان
شهقت ام نايف وحطت يدها على صدرها . نزلت دموعها وقالت بعبره / ودني له يامحمد تكفى
محمد / يمه ابوي قال امك لا تجي وولا تعلم هديل والامور طيبه وهو بخير صدقيني !
ام محمد / ليه مااروح دامه بخير؟ اكيد تكذبون علي !
محمد / يايمه والله مااكذب
بلع ريقه وهمس باستغفرالله
قامت ام محمد تلبس عبايتها وتجي عند ولدها عشان يوديها المستشفى
محمد / ابوي بيعصب ان شافني جايبك
ام محمد / تكفى يامحمد خذني له تكفى
بلع ريقه عيونه مليانه دموع على اخوه ورجاء امه ، قرب يضمها يسمح لدموعه تنزل ابعد عنها ولف على طول
ام محمد / تصيح ؟ نايف مات ؟
لف عليها بسرعه وقال / والله العظيم ماماتت انا اوديك تشوفينه الحين هو بخير
طلعوا وقالت ام محمد / اجل ليه تصيح ؟
محمد / بس ..
كانت ام محمد طول الطريق تدعي وتصيح ولدها يكون بخير يكون طيب ودها تسلم عليه وتضمه مهما حصل من خلافات بينهم يبقى ولدهم تبقى امه وهو ولدها اللي ضمته ببطنها تسع شهور !
المستشفى ~
طلعوا من الاصنصير تمشي بخوف ومحمد ضامها بيده الثانيه وقفوا قدام العنايه المركزه ووقف ابوه وطلال
ابو محمد / انا مو قلتلك لا تجيب امك !
محمد / يبه هي تبي تجي وش اسوي !
ابو محمد / لاحول ولاقوة إلا بالله!!!
طلال راح على امه اللي تويق من الشباك الصغير على باب العنايه وتشوف ولدها كل الاجهزه عليه بكت وهي تدعي له من كل قلبها
طلال / يمه تعالي اجلسي وارتاحي هو بخير لا تغرك كل هالاجهزه
لفت عليه ودموعها تنزل / وشلون بخير ! شف حالته
طلال / معليه تعالي ارتاحي شوي يجي الدكتور يعلمنا وش فيه ..
المُخيم ~
ورا الخيام .. هديل / بنت انتِ علامك من امس منتي طبيعيه!
ناظرتها لين وعيونها غرقانه / مافي شي بس متهاوشه انا ويوسف
هديل / وش صايرر!
لين / على موضوع تافه .. امشي ندخل
تنهدت هديل ومشت مع لين داخل هي تدري ان بوه شي اكبر!
يوسف بحده / ليننن يالينن
فزت لين تركض له وكل البنات استغربوا صراخ يوسف ..
لين / هلا
يوسف / امشي
مشت لين له ، يمد يده يمسك يدها بقوه / وش عندك ورا الخيام مع هديل؟
لين / تسألني وش فيني وقلتها مافيني شي
يوسف بنظرات تخوف لها / بس؟؟؟
لين / ايه ... والله
شدّ يوسف على يدها قوهه حست انها بتنكسر / اههه! يوسف يدي
يوسف بحده / اقسم بالله لو احد درى عن اللي حصل اني لااسحبك مع شعرك لبيت اهلك سامعه ؟
ناظرته لين ونزلت دموعه صرخت وقالت / ليه م تصدقني ! ليههه والله اني مااكذب مابيني وبينه شي يوسف انا ماابيههه ولااحبه انا اكرهه
ضربها يوسف كف عشان يسيطر عليها، حطت يدها على وجهها ونزلت دموعها اكثر ناظرته / اكرهككك .. طلقني
بلع ريقه وقال / نعم ؟
لين / طلقننييي
مشى يوسف يتركها وراه وهي منهاره حرفياً ركضت لخيمتهم تجلس على الفراش تضم نفسها وتترك دموعها تنزل بكل حريه بصوت شهقاتها العالي ؛
جلس يوسف جنب ابوه وسليمان يحط يدينه على عيونه ويغمضهم تنهد بكل قوه يبي يرتاح !
ابو سيف / ولد ! علامك
ناظره يوسف / لا ولا شي
شدّ سليمان على ركبته وناظره يوسف وتنهد
ابو سيف / ما بك شي وكل هالتناهيد ؟
بقى يوسف ساكت وناظر لباب الخيمه ، قرب منه سليمان وهمس باذنه / ابوي وكلنا سمعنا صراخ لين عشان كذا يسألك
يوسف / كان واضح وش كانت تقول ؟
سليمان / لالا
نزل راسه وتفكيره وعقله مع لين
.
.
.
أنتهى 🌷.
ياواحشيني لاتزعلون على القطعه ترا النت ماش اغلب الوقت 😔!
