.
.
.
دقت باب بيت الخلف غزلل وهي تمسح دموعهاا ..
فتح الباب طلال اللي توه واصل جت بتتكلم غزل لكن سكتت لمن شافت محمد وطلال ونايف وابو محمد واقفين لفت علطول ومشت
طلال / من ذي؟
ابو محمد / الله والعالم بنت المقرن تبي اخيتك هديل
نايف / اجل هذي غزلل!!
ابو محمد / اقطع واخس !!
سكت نايف ولف على جنب دخل ابو محمد بعد م صوت لمحمد وطلال يدخلون وراه يتقهوون
محمد بحده / متى بتصير رجال انت !! لين متى بتخلي ابوي معصب طول م انت عندهم هنا؟
نايف / م تبيني اربي خواتك اللي ما تربوا
طلال / اللي م تربى والله انت انت تبي تجلط ابوي تبي تذبحه !!! اعقل وصير رجال
نايف / اقول تراك اصغر مني بخمس سنين لاتخليني ادق وجهك الحين احترم اللي اكبر منك
محمد / امش امش ياطلال هذا م ينفعبه شي
دخلوا محمد وطلال يتقهوون عند ابوهم ونايف شوي ولحقهم
محمد / جبرر رح صوت لعمتك هديل تجي اركض !
جبر ولد محمد / ابشر يبه
فز وركض لغرفة هديل
دق الباب وفتحه / هديل
شهقت هديل بفرحه وقامت ضمته قوهه / جبر يارروحح عمتكك متى وصلتوا؟؟
جبر بابتسامه / توناا وابوي يقول رح ناد هديل تجي
هديل / قال ناد هديل ولا عمتك هديل !
جبر بضحككهه / هو الصدز قال عمتك بس بيني وبينك خليني اصوت لك باسمك
هديل / ياللي م تستحيي
ركض جبر وهو يضحك وطلع لمجلس الرجال
رجعت هديل وهي فرحانهه
حطت ميكب خفيفففف ورتبت نفسها وطلعت للمجلس
فز محمد وطلال اول م دخلت هديل
محمد / ياهلااا وغلاااا
ضمته هديل بقوهه وهي خانقتها العبرهه
محمد / شلونك هدوللل
هديل / بخير يااخوي شلونك انت
محمد / بخيررر يابعد حيي
لفت على طلال اللي علطول اخذها بحضنه / ياهلا والله بهدولل اللي كبرت وبتعرس قريب
ضحكت هديل بغصه وشدت على اخوها
طلال بهمس / نايف مسوي لك شي صح ؟
هديل / ل.. ايه
كانت بتقول لا بس خلاص لازم يتوقف عند حده
طلال / لعنبوهه م يهجد ذا ويفكنا!
جلسوا وكان ابوها بيصب القهوه لكن اخذت القهوه هديل وصبت لااخوانها لمن وصلت لنايف صبت له وملت الفنجال متعمده
نايف بضحك / تطرديني انتِ؟
هديل لفت عنه وحطت الدله وجلست ..
نايف / ياللي م تستحين اكلمك انا !
محمد / اقطع الصوتت يولد !! احترم وجود ابوي على الاقل
سكت نايف واستغفر
طلال / اي صحح هديل قبل شوي وحده جت عند الباب ويوم شافتنا رجعت اتوقع تفشلت مننا ماادري مين
هديل / اكيد انها غزل
طلال / غزل ؟
هديل / صديقتي بنت المقرن
قامت هديل واتصلت عليها
غزل / وينكك انتِ!!!
هديل / وشفيككك!
غزل / انا لازم اجيك هديل
هديل / مااقدر اخواني بوه !!
غزل / ماراح اطول عشر دقايق بالكثير
هديل / يلا اجل تعالي ومع الباب الخلفي
غزل / يلا
بالوقت ذا راحت غزل البقاله واخذت الاغراض اللي تبيهم وركضت بيت الخلف
راحت معه الباب الثاني وفتحت لها هديل
دخلوا البيت وراحوا غرفة هديل اللي بالدور الثاني
هديل / وشفيك مرتبكه ؟
غزل / هديل بقولك السالفه بس لاتعصبين علي
هديل / انطقي
غزل قالت لهديل ككلل ششيي صار بينها وبين يوسف
غزل نزلت دموعها / مااعرف والله ياهديل كيف حبيته اصلاً انا كنت مستحيلل احب شخص بهالسهوله وانتِ تعرفين ذوقي وش كثر صعببب كيف حبيته مااعرف !! وصرت ابيهه واتمناه جنبيي وقريب بعدد !
هديل / بيجيك انتظري
غزل / صدق؟
هديل مسكت يد غزل وهي تبتسم / بيجيك مثل م جاني اخوه .. انتِ بس ادعي !
غزل / يارببب
بقوا يسولفون وغزل بقت عند هديل لين الساعه ١ بليل
غزل شهقت لمن شافت الساعه / يويلي بكرا وراي دواممم
هديل بضحك / ياحلاة حياة العاطلين
غزل / حسبي الله على ابليسكك !!
ضحكت هديل وهي تمشي مع غزل وتوصلها للباب الامامي مو الخلفي لان اصلاً الكل نايم ومحد بيشوف غزل من اخوانها
طلعت غزل بعد م ودعت هديل ومشت لبيتهن دخلت هديل وراحت تنام..
عند غزل اللي كانت تمشي وتوا يجي يوسف وابوه من العزبه
تنحنح يوسف لمن شافها
يوسف بحده بينه وبين نفسه - الساعه وحده بليل وش مطلعها !! -
دخلت غزل البيت بعد م ناظرت بيوسف / شيبي ذا يناظر كذا!
دخلت غرفتها وقعدت تجهز نفسها لبكرا ..
خلصت كل شي ونامت ..
دخل يوسف البيت / وش مطلعها الحينن !! معقوله غزل؟؟ يوهه يايوسف وش تقول انت مستحيلل !!!
استغفر يوسف ودخل غرفته وانسدح يهوجسس لين م اخذته غزل بالاحلام ..
الصباح في بيت المقرن ~
قامت غزل وهي منفسه نامت ساعتين او ساعه ونص بس!!
وقفت لبست وحطت ميكب خفيف وطلعت للجامعه ..
كان وقتها ببرردد
ام عتيق / لابسه عدل ياغزل؟ ترا برا برددد
غزل / اي يايمه لابسه
حبت امها على راسها وطلعت للدوام
اول م طلعت كان يوسف بسيارته ينتظر العنود كان متلثم بشماغه ولابس نفس الفروه اللي كانت لابستها !!
بلعت ريقها وركبت السياره شوي ولفت عليه وكان يناظرها ..
م تدري ليه نظراته كانت تخوففف خافت مره لدرجة قفلت الابواب عليها ..!
جاء ابوها وفكت الابواب بسرعه
ابو عتيق / قريب بعلمك السواقه
غزل بفرح / صدق يبه!! الله لايحرمني منككك
ابتسم ابو عتيق وقال / بإذن الله
حركوا للجامعه ووراهم يوسف وعنود لان ذا الطريق الوحيد
يوسف / العنود
العنود / وشو
يوسف / بقولك شي بس اوعديني
العنود / وعد بس وش
سكت يوسف وبعدها قال / لا لا انتِ مالك امان
نشبت له العنود يتكلم لكن يوسف كان ملتزم الصمت وشاد على الدركسون
بالجامعه ~
الاء / انتِ من الخميس وانتِ متغيره علينا شعندك ؟
غزل / فكوني يبنات م عندي شيييي بس مضغوطه بأمور
روان / وايش هي الامور
غزل / امور خاصهه
روان / ومن متى بيننا امور خاصه !!
غزل / روان فكينيي عاد مو كل شي لازم تعرفونه يكفي هديل تعرفه وبس !!
الاء / ايوهههه اثاري هديل اللي ماخذتك مننا
غزل ضحكت بسخريه / مريضه انتِ ؟ انا من يوم طلعت على الدنيا وانا وهديل مع بعض وبعدين نسيتي انها صديقتك بعد !؟
الاء / تعقبين انتِ وياها
حاولت تمسك نفسها غزل ومشت عنهم
روان / الاء تراك بالغتي
الاء / اص بسس
مشت غزل وجلست عند عنود اللي جالسه لحالها
العنود / اما وين صديقاتك
غزل / بجلس عندك اذا م تبين بقوم
العنود / لاا مااقصد
غزل / اشوا هههههه
العنود / غزل بسألك
غزل / اسألي
العنود عدلت جلستها ومسكت يدين غزل / جاوبيني صدق !!
غزل / ايه!؟؟
العنود / انتِ تحبينن يوسف اخوي صح؟
غزل / هااا!؟
العنود / صحح؟؟
لفت غزل ونزلت راسهااا استحت مره وم تعرف وش تقولل / م مدري
العنود / اي ولا لا ؟؟
غزل ناظرت عيون عنود وقالت / ايهه احبهه احبهه
ضحكت العنود وقامت تجيب قهوه لغزل
اللي عضت شفايفها وشدت يدينها على بعض قوه من الفشله
م كانت تعرف ان العنود مسجله صوتها وهي تقول هالكلام ومرسلته ليوسف ..
عند يوسف اللي جته رساله من العنود واستغرب
فتحها وكانت رساله صوتيه وكان محتواها
( انتِ تحبين يوسف اخوي صح ؟ ، هااا!؟ ، صحح؟؟ ، مدري ! ، اي ولا لا ؟؟ ، ايهه احبههه احبهه )
فز يوسف ومسك قلبهه وشد على مكانه / حتنا احبكك يابعد قلبي!!!!
ابتسم يوسف كانت اول مره يحس بالحب وفوق ذا المتبادلل اهخ ياحلاة هالشعور !!
.
.
.
أنتهى 🌷
