.
.
.
تجمعوا الكل بعد العصر وقال ابو سيف / سعود
سعود / هلاا
ابو سيف / تعال هنا
اشر على جنبه وقام سعود وجلس جنبه
فتح جواله ابو سيف ورفع الرقم واتصل على ابو روان اللي كان بوقت البريك توه هو كان رجُل اعمال مشغوللل
م رد عليه اول مره وخاف سعود اكثرر
واتصل مره ومرتين والثالثه الحمدلله رد
ابو روان / من معي ؟
ابو سيف / السلام عليكم ورحمة الله معك عبدالرحمن المسعود
عقد حواجبه ابو روان وقال / وعليكم السلام ورحمة الله وبركاته من عبدالرحمن م اعرف احد بهالاسم
ابو سيف / انا من اهل حايل وبوه ناس وصوني عليكك لاني بخطب لولدي وبدون مقدمات ياابو ...
ابو روان من غير وعي / ابو روان
اكمل كلامه ابو سيف / ياابو روان انا جاي اخطب بنتك روان لولدي سعود
ابو روان / والله انا مااعرفكم ولا قد سمعت فيكم لكن حياكم الله وان شاء الله م يصير الا كل خير
استغرب ابو سيف موافقة ابو روان على الخطبه بهالسرعه ولكن مشاها / على خير ان شاء الله انا الحين بسجل رقمك وبرسلك
ابو روان / تمام
كان بيكمل كلامه لكن نطق قبله ابو سيف / مع السلامه
قفلوا بعد م ودعوا بعض وكان سعود ميت من الفرح وقال / هاا ؟؟
ابو سيف / يقول حياكم الله لكن بفهم هو ليه وافق بهالسهوله وخصوصاً انه م يعرفنا!
هديل / عادي يعمي يمكن م وافق بس بيشوفكم ويتعرف عليكم
سعود / الله لايقوله
ضحكت هديل بخفه / ربي يكتبها من نصيبك ويجمع بينكم على خير قل امين
سعود ابتسم وبالخفا قال امين
هديل بحياء / عمي
ابو سيف / سمي
هديل بوجه احمر / سم الله عدوك .. لكن وش رايكم اليوم نطلع قيله ( كشته )
ابو سيف / والله تم
هديل / عمي اقصد نحجر مخيم ونبقى فيه ثلاث ايام او يومين
ابو سيف / تم دوروا لنا مخيم ودامه به حجز اكيد يبي تجهيزات نخليها بكرا ان شاء الله
هديل / ان شاء الله
ضربتها العنود اللي توها تقوم وكشتها فوق راسها وتألمت هديل / اخس يالخايسه قيلات طلعتي منتي هينه
هديل ضربتها على فخذها بخفه / وجع يالعنود وجع اوجعتيني
العنود / اقول بلا دلع
مدت لها الفنجال واكملت / ضربتك بخفه لكن اخر زوجتين لااخواني صايرات دلوعات الله لايبلانا
دخل سليمان وقال بضحكه / منهم؟؟ الدلوعات ؟
العنود / زوجتك وزجة يوسف
كان يوسف ورا سليمان وقال بحدة ضحك / تعقبين الا ليونتي!
ضحكت العنود وقالت / وتسبدي
سلموا اثنينهم وجلسوا
ابو سيف / دوروا لنا مخيم نحجزه ونجلس فيه ثلاث ايام
سليمان / ابشر
وقال بهمس للعنود / شعنده ابوي غريبه
ناظرته غزل بابتسامه وسيعه / هديلوه هي قالت له
وسع عيونه سليمان بصدمه وضحك / هديلل!!!؟ مااصدق
العنود / صَدق صَدق حتى اني صفقتها على يدها ووكانت بتصيح علينا بس الحمدلله
سليمان مسكها من اذنها وقال / انتِ ليه يدتس طويله على الهدلي!!؟
ضحكت العنود بقوه وقالت / الهدلي؟ ههههههههههههههه
سليمان دفعها بخفه ولف على هديل اللي تناظره ولمن ناظرها ابعدت نظرها عنه
ابتسم بينه وبين نفسه وشال هم اذا رضت ولالا
ابو سيف / قم قم ياسليمان انت وواحد من اخوانك ابحثولنا عن مخيم وقمن ياحريم وحده تصلح العشاء والباقي يجهز اغراض المخيم
قامن البنات وكانت بتقوم ام سيف لكن حلفت عليها هديل تجلس وم تقوم ترتاح وفعلاً م قامت
ابتسم سليمان بوسع فمه على حركة هديل اللي كبرتها بعين امه وابوه وبعينه هو بعد
دخلوا وبدوا التجهيزات
الخلف ~
ام محمد بصدمه / طلقتها؟؟
نايف / ايه يمه طلقتها
ام محمد / ليه وش صارر ليهه
نايف / يمه م تسمع الكلام ولا ترد على كلامي وبس صراخ وانا مااداني تعرفيني !
ام محمد / مدزديتبك ( احسن م تسوي فيك ) لانك م تستحي وانا يعني مااعرف اسلوبك معها ومع خواتك ؟ والله والله يانايف لو تجي وتشوفك عيني ان لا تشوف شي م شفته سواءً مني او من ابوك واخوانك
نايف / انتوا كذا دايم كذا تكرهوني وم تحبوني ليه يمه ليه؟؟ تحبين محمد وطلال وهديل وليان وانا لا ليه؟
ام محمد / اعقل وخلك وجال واوزن حتسيك واعرف تتصرف مع الحريم خواتك زوجتك وامك وبعدها بحبك ياللي م تستحي
قفلت بوجهه وهي معصبه نزلت دموعها على حال ولدها اللي مدري على من طالع كذا
دخل طلال ووراه ليان وفزوا يركضون لاامهم / طلال بسم الله عليتس منهو منزل دموعك ؟؟
ام محمد / نايف
ليان / بشريني وشبوه ؟
ضربتها امها وقالت / وجعع!! ، طلق زوجته
شهقوا اثنينهم وقال طلال / ليه ومتى ؟؟؟
ام محمد / اليوم ، يقول قليلة ادب معي وم تسمع الكلام
ليان ضحكت وقالت / الحمدلله ربي فكك يارهف الحمدلله
ام محمد / يابنت! اخوك هذا
ليان / واذا اخوي؟ مااعترف فيه
طلال / ياليوو ! اعقلي
تأففت ليان بغضب وصدت بقرف من نايف ركضت غرفتها تتصل على هديل وتعلمها
المسعود ~
هديل والبنات بالمطبخ يجهزون العشاء بدري واغراض المخيم بكرا
اتصل جوال هديل ورفعته باستغراب
ردت / هلابكك
ليان / ارحبييي
هديل / هلا ليوو وشعندك ؟
ليان / وش ابشرك بوه؟!!
هديل / الله يستر منك وشو!
ليان / نايف ! طلق رهف
شهقت هديل وناظروها البنات / كذابه!!
ليان / وقسم بالله اتصلي على امي واسأليها اذا مو مصدقتني
هديل / طيب ليه؟
ليان / يقول قليلة ادب
هديل / الله واعلم مين قليل الادب
ليان / اي والله
هديل / يلا يلا انا مشغوله اخلص واكلمكم
ليان / تمام
قفلت هديل وهي مصدومه !
رغد / وشبك ياهديل
هديل / لا ولا شي ههههه
صدت رغد وكملت شغل ونفس الشي مع هديل
الخلف ~
دخل ابو محمد من الصلاة هو وطلال وتجمعوا كلهم على الصحن
ابو محمد / وش فيك ياام محمد مو على بعضك؟
ام محمد كانت خايفه تقول لاابو محمد ويرتفع ضغطه ولا يصير له شي / والله ياابو محمد ماادري وشلون اقولك
ابو محمد / وش فيه وش صااير!
ليان / نايف طلق رهف اليوم
لفت ام محمد وضربت ليان على فخذها وشهقت ليان
ابو محمد / وشوو!! شلون وليه؟؟
ام محمد / والله يقول انها م تسمع الكلام وانها قليلة ادب معه
ابو محمد / الله لا يسلم فيه عظمه
ليان بالخفا / امين
اكمل كلامه ابو محمد/ هاللي م يستحي وش اسوي فيه وش اسوي!!!
طلال / يبه لا تنغث عشانه بكرا تلاقيه رايح مرجعها هد هد
ابو محمد / لابوه ولابو من رباه لكن دواه عندي دواهه عنديي
قام ابو محمد وراح لغرفته
طلال / يبه كمل اكلك
ابو محمد / ما من نفس ، حسبي الله عليك يانايف
ام محمد / ياقليلة الادب
قامت ولحقت ابو محمد بالغرفه تهديه
ليان / وش سويت ياخي
طلال ناظرها وهو ياكل لقمته / قولي ووش م سويتي
ليان / اقول كل وانت ساكت بس
طلال / وانا ولد ابوي!!
ليان / امزحح هههههه
طلال / احسب بس !
ليان / ياخي طلول حنا اخوان حتى لو اسبك عادي صح انك اخوي الكبير لكن ..
طلال / لكن كولي وانتِ ساكته عشان لااقوم اطى على قاربك
ليتن بصدمه / طلال !!
صحك طلال من ردة فعلها على الكلام اللي اول مره يقوله له وكان يمزح اصلاً ..
.
.
.
أنتهى 🌷.
اشتقت لكم 🥹
