.
.
.
في بيت المقرن ~
فارس / وأخيراً جيتي !! من اليوم امي تدور عليك اخر شي عند هديل !!
غزل / شدخلك انت وين امي بس ؟؟
فارس / داخل عبدالرحمن هو وزوجته قبل شوي جو
غزل / صدق !!
فارس / ايه روحيلهم انا طالع للدوام
غزل / مع السلامه
ركضت داخل ودخلت المجلس
نط عتيق وصرخ / غزولههه
غزل بضحك ضمته / يابعد قلب غزولهههه
عبدالرحمن / طول الوقت وهو يهذري بك هههه
نزلته غزل وسلمت على اخوها عبدالرحمن / يابعد روحيي هو كان جبتههه
ضحك عبدالرحمن ولفت غزل على اشواق اللي واقفه تستقبلها بحضنها
ضمتها غزل وسلموا على بعض وجلسوا وجلس عتيق بحضن عمته غزل
غزل / دحيم كم عمره الحين احسه كبراانن!!
عبدالرحمن / ٣ سنوات بس زوله يقول انه اكبر هههههه
اشواق / حرام عليككك ! كله حلا!!
ضحك عبدالرحمن وامه
عتيق / تاخذيني بقاله ؟
غزل بابتسامههه / ايي يلاا امش نروحح
لبست غزل عبايتها / باخذ عتوقي للبقاله
ام عتيق / انتبهي له يا غزيلل واستعجلي قبل ياصل ابوك !
غزل / ابشري يايمه
عبدالرحمن / خوذي الفلوس
غزل لفت وكان مطلع عبدالرحمن ١٠٠ من مخباه
غزل / والله مااخذها انا عندي !!
عبدالرحمن / ليه الحلف!! تعالي خوذيها بس
طلعت غزل وهي تمشي قالت / عاد حلفت ماابي اصوم ثلاث ايام!!
طلعوا من البيت وكان سيف وسليمان واقفين عند السياره ويسولفون م كانت متوقعه ان يوسف بالسياره الا لمن فتح الشباك وابتسم لها استحت لمن تذكرت اللي صار بينهم ورفعت عتيق ومسكته على صدرها ومشت بسرعه للبقاله ..
يوسف / من ذا وهي وين رايحه!!
نزل من السياره وقال / انا شوي وراجع بروح للبقاله ابي لي حاجه
سليمان ابتسم لمن شاف غزل وقال بهمس لسيف / شكله بيروح للحب
سيف بحده / وانا ولد ابوي ! انت هي ياورع وين تبي تدوي؟؟
يوسف / قلتلك البقاله!!
مشى بسرعه وضحكوا سليمان وسيف عليه
دخلت غزل البقاله وكانت تدور لعتيق حلويات يحبها ..
مشى يوسف ووقف جنبها وهمس / غزل ؟
غزل شهقت بقوه وقالت / يوسف!!
يوسف بحده / اقصري حسك!!
غزل / اسفه !! ووش تبي فجعتني!!
يوسف بضحك / معليش
غزل / افف وش تبي مناشبني بكل مكان
يوسف / اعقبي !
غزل / وشو!!
يوسف / الوكاد من ذا ؟
غزل لفت على عتيق اللي كان يدور بين الحلويات اللي يبيه
غزل / ولدي
يوسف بحده / وش تقولين!!
غزل / شف شف !
يوسف / وشوو !!
غزل / ولد اخوي !
يوسف / ايهه
قرب من عتيق وباسه
دخل فارس البقاله وهنا وقف قلب غزل
غزل / يوسف ! روح روححح
يوسف / ليه؟
غزل / فارس جاء والله لايذبحني ويذبحك لو يشوفنا مع بعض رووحححح
يوسف لف بسرعه لكن لسوء الحظ لمحه فارس وجن جنونه
مشى لغزل اللي سوت نفسها تعطي عتيق الحلاوه اللي يبيها
فارس بحده / انتِ وش تسوين هنا!
غزل / اشتري لعتيق ليه؟
فارس بحده / ليه اجل؟!؟ قومي قدامي البيت !!
طلعت غزل من البقاله وهي خايفههههه
مشى فارس ليوسف ومسك كتفه قوهه وقال بحده اكبر / والله لو اعرف ان صار بينكم شي ان ماتشوفهاا ولا تفرح بها
يوسف / والله م صار شيي يبن الحلال استهدي بالله
فارس وهو طالع / يرجال طير !
حاسب اغراض عتيق وطلع
كانت غزل تمشي بسرعه وهي ترتعد وعتيق بحضنها ياكل ..
شافوا سيف وسليمان منظر غزل اللي واضح عليها الخوف ومنظر فارس اللي راكبه الشيطان ومععصصببب وراها
سليمان / الله يستر !!
سيف / وينه هالتيس اكيد شافه عندها !!
سليمان / واضححح
دخلت غزل ودخل فارس وضرب الباب قوه
فارس بصراخ اسمعوه سليمان وسيف ويوسف اللي جاء يركض لااخوانه / امشي قدامي الغرفهه
غزل وهي تنزل عتيق قدام عبدالرحمن / ليه !!
فارس مسكها مع شعرها وجرها للغرفه فزوا عبدالرحمن وام عتيق واشواق كانت مصدومهه
عبدالرحمن مسك فارس من كتفه / يرجال استهدي بالله وش بلاك!!
فارس بصراخ كانوا يسمعونه اللي برا بسبب انهم بالحوش / اتركني عليها والله لاادفنهاا وهي حيه !!
غزل ببكي / اتركنييي م سويت شيي
ام عتيق / ياوليدي اترك اختكك ابوك معلمك م تمد يدك عليها!!
فارس / بس امد يدي لمن تسوي غلط!! ومو بس غلط
عبدالرحمن بحده / وش مسويه!!
فارس بنفس الصراخ / م شاء الله ادخل البقاله الاقيها مع يوسف ولد المسعود يسولفون ويضحكون وم يدرون اني شفتهم من وانا برا وهم يسولفون مع بعض ويوم دخلت يوسف لف عني عساس مااشوفه!!
يوسف برا كان يسمع كلامه وكان بيدخل بس اخوانه ماسكينهه
يوسف / فكوني فكوني
سيف / لا تكبر الموضوع واجلسس
سحبه سليمان داخل السياره ركب معه وشد عليه سكر الباب سيف عليهم وركب قدام وشخط للعزبه ..
فارس دخلها الغرفه ومعه عبدالرحمن
فارس / افتحي جوالك وعطينياه!
غزل تذكرت الصور / لا
جاء بيصارخ فارس لكن قطع صوته عبدالرحمن اللي قال / عطينياه انا ياغزيل وغمز لها بحيث انه م يشوفه فارس
غزل برجفه / ماابي افتحه مالكم حق تفتشونه
فارس / انا داري ان وراك بلا ياللي م تستحين
عبدالرحمن / اسكت انت!! غزل عطيني جوالك
غزل دفتهم عنها وقالت بصراخ / ماابي !!
جت بتطلع ومسكها عبدالرحمن / دايم اذا جيت اشوف جوالك تفتحينه ليه الحين معيه !
غزل / لان بوه صور صديقاتي بكل مكان وماابيكم تشوفونها ابعدوا عني
طلعت ركض وشافت ابوها اللي داخل مع باب البيت ركضت له وضمته وبكت / يبه فكني منهم تكفى يايبه
ابو عتيق / وانا ابو غزيل !! وش بلاكم على اختكم !!؟
فارس حكى لاابوه اللي حصل ومسك ابو عتيق يد غزل ودخلها الغرفه
وطلع عياله وسكر الباب جاء جلس وقال / يابنيتي ان كان حاصل شي علميني !
غزل بدموع / يبه انا جيت البقاله مع عتيق وهو كان فيها وكان عندي بس يسلم ويسألني عن اخباري وش بها ؟؟
ابو عتيق / ان لله ، طيب افتحي جوالك
غزل / لا يبه الا الجوال تكفى
ابو عتيق / ياويل حالي انتِ وش بلاك من الجوال افتحيه !!
بعد ضغط من ابوها م توقعته فتحته وهي ترجف وخايفه
بحكم ان ابوها اُمي م يعرف يكتب ويقرا مشى لها كل شي ودخل الصور وليته م دخل شاف لمن طلعوا مع بعض وشاف صورهم وكان مخذوول من بنته
رفع راسه وكان معصبب
نزلت دموع غزل وقالت / يبه .. زوجي !
ابو عتيق / انا قصرت معك بشي ؟
غزل / لا يايبه لكن هو زوجي وش دخل تقصيرك معي !
ابو عتيق / وش الشي اللي سويته وبتعاقبيني بهالشكل
قامت غزل ومسكت كتوف ابوها / يبه تكفى اسمعني
ابو عتيق / لمسك ؟؟ صارت بينكم
غزل ببكي / يبه لالا
ابو عتيق / هذي الصور وش هي اجل وش هي!!!! انتِ تكذبين على ابوكك!!؟؟؟
غزل نزلت راسها بس انصدمت على صوت ابوها وهو يبكي
غزل ضمته وقالت / تكفى يبه الا دموعكك وبعدين يبه انا زوجته وهو زوجي وش الغلط!!
ابو عتيق / سلومنا وعاداتنا وتقاليدنا تقول غلط !!
غزل / بس الدين م يقول غلط ..
رفع جواله ابو عتيق واتصل على ابو سيف
ابو عتيق / مسيت بالخير ياابو سيف
ناظرت غزل بصدمه بابوها ومليون تفكير جاء ببالهاا واولى ان يوسف يطلقها
ابو سيف / ياهلا بهالصوتت امرني يااخوك
ابو عتيق / انا طالبك ان العرس بعد اسبوع ومو كبير ولا شي عايلي بيننا
غزل بهمس / يبه !!
اشر ابو عتيق لفمه بمعنى اص
بكت غزل واخذت جوالها وركضت لغرفتها ودخلوا فارس وعبدالرحمن وامهم عند ابوهم بسرعه
ابو سيف / ليه عسى ماشر ؟
ابو عتيق / ماشر لكن هذا اللي نبيهه واتمنى م تردوننا
قفلوا بعد الاتفاقات
وكانت ام عتيق تسأل وش صار وعلمهم ابو عتيق
عبدالرحمن / يبه ليه العجله! وش شفت ووش قالت!
ابو عتيق / اللي سوته اختكم يسود الوجهه ..!
فارس / وش سوت!!
طلع ابو عتيق وهو منزل راسه لغرفته ينام بضيق ..
غزل اتصلت بيوسف وهي تبكي
يوسف / غزل! وش صار ؟؟
غزل / يوسف
بكت وبعدها قالت كلل اللي صار ويوسف انهبل
يوسف / انتِ صادقه !! شاف الصور؟؟؟
غزل / ايه
يوسف / قلتلك احذفيها ولا خليها بالمخفيه!
غزل / قلت جوالي يعني ومحد بيفتحه!
يوسف / يعني الزواج الجمعه ذي ؟
غزل بدموع / مدري
يوسف / شوفي الموضوع من الجانب الايجابي بتصيرين عندي الجمعه ذي وماراح افكك هههههه
غزل قفلت بدون لا ترد وبكت بالم من كلام ابوهاا
يوسف كان ضاايق من اللي صار قوهه لكن بنفس الوقت فرح حكى كل شي لااخوانه بس حذف جزئية الصور ..
.
.
.
أنتهى 🌷 .
